QQ群： 330891125 需要文案的群文件有下载

QQ群： 330891125 需要文案的群文件有下载

Hi,大家好，小搞老师又来啦！
这次带来了一首儿童小诗，希望大家能喜欢哦！

《如果我是一片雪花》 —— 金波

如果我是一片雪花，

我飘落什么地方去呢？

飘到小河里，

变成一滴水，

和小鱼小虾游戏？

飘到广场上，

去堆雪人，

望着你笑眯眯？

亲亲她，

然后就快乐地融化。

小搞老师又来了~
搿趟为大家带来个是每个人侪会讲个
《山》
。
。
。
从前有座山

山浪有座庙

庙里有个老和尚搭一个小和尚

老和尚讲故事畀小和尚听

伊讲
。
。
。
希望㑚听了开心^_^

今天，小搞老师为大家带来了一则新闻，希望大家喜欢。

大家好，下面老师又来了！
今朝，我要搭大家讲一只新闻。
有一个小人，伊乃欢喜吃零食，薯片，饼干啊。。。
但是乃，伊欢喜辣盖床高头吃物事。吃的唻床高头侪是屑屑头！
伊夜到弗是睏觉了嘛，后头哦，一只蜈蚣到床高头来了！伊吃只屑屑头。
后头伊看到一只“洞洞眼”。(其实就是小朋友的耳朵)
“唉，我到搿里向去吃物事，好弗啦？”伊就钻进去唻！
葛末搿小人痒弗啦？痒嘛就要抓了，伊伸只手噢进去抓。。。
一记头！搿只蜈蚣发急了，一记头咬了一口！！！
乃末搿只小人一半个面孔肿起来了。
。
。
。
到医院里向，医生看了呆煞(呆住)咾！
医生乃，先拿一眼盐水，滴到耳朵里向去。畀搿只蜈蚣淹煞脱(淹死掉)。
后头乃，再拿一只老虎钳！。。。噢，弗对弗对！镊子！拿搿只蜈蚣夹出来。
葛唠讲啦，小人弗可以辣盖床高头吃物事。一定要蹲辣台子高头吃(在桌上吃)。
好！今朝搿只新闻就讲到搿搭了，大家晓得了伐？再会！

大家好，小搞老师又来了！
今朝是中秋节，㑚月饼侪吃过了伐？
今朝我要搭大家讲一只上海言话童谣，是:
《中国节》
“过年”有的压岁钿，开心唻！
“元宵”要拉兔子灯，好白相！
“清明”要吃青团子，春天到！
“端午”外婆包粽子，真好吃！
“立夏”身浪套只蛋，圆滚滚！
“中秋”尔奶买月饼，团团圆！
“重阳”松糕畀老爹，乖囡囡！
中国节日交交关，
阿拉侪要记记牢！

好！今朝搿只童谣讲好了，祝大家中秋节快乐，再会！

小搞老师今天又为大家带来一个经典故事，说完后，小搞老师表示说的好累哦~~~大家要多多支持哦！

字幕:
大家好，我是小搞老师！上趟个一只谜语，㑚(你们)猜出来了伐？答案是“做梦”，㑚猜对了伐？
今朝，我要畀(给)㑚讲只故事，搿只故事嗲哦！伊个名字叫《猴子捞月》。
森林里向(里面)住了一群猴子，伊拉(他们)辣盖(在)树浪向(上)跳来跳去，开心唻！
有的一只小猴子跑到了一口井个边浪，朝里向一看，辣末生头(突然)叫起来啰！
“弗(不)的了啦，月亮落到井里向去啦！”
一只大猴子听到了， 豪燥(赶快)跑过来一看，哦哟，乃末(这下)伊也叫唻!
“弗得了啊！月亮真个落下去啦！㑚快来呀！”
搿记(这次)，一群猴子侪过来唻。乃(这下)闹忙(热闹)啦！伊拉叽叽喳喳叽叽喳喳吵翻天唻！
最后啊，一只老猴子发调头(命令)了，“大家覅(不要)吵了，快点想办法拿月亮捞出来！”
井个边浪(井的边上)，有一棵树。老猴子一枪头(一下子)就跳上去了。头朝下，挂辣(在)树高头。其他个猴子也有样学样，一只接牢一只，“侬拉我个脚，我勾侬个头”，像一串大闸蟹一样个挂辣树高头。
小猴子乃，挂辣最下头，伊看到搿只月亮噢，心里向想，“嗨嗨~乃末搿只月亮总归要拨(被)我撩出来唻！”
呒没(没有)想到哦，伊一撩，只月亮碎脱(掉)了！乃末只小猴子急煞脱(急死了)唻！伊快点叫，“只月亮碎脱喽！”
老猴子听到了，“啊？！侬轻眼(点)呀！”
过脱歇(过了一会)埃(那)只月亮又出来了。小猴子讲，“又来了！又来了！”
老猴子讲，“乃末搿记侬轻眼哦！”
小猴子一撩，又碎脱了！......
其他猴子侪吃力煞脱唻！“哦哟！㑚快点呀！”
就辣盖搿辰光(就在这时)，老猴子往天浪向(天上)一看，“咦？！哪恁(怎么)月亮还辣盖天浪向啦？㑚哪恁介(这么)搞个(的)啦？哦~哟~水里向别过(不过)是一只月亮个倒影呀！”

哦哟，搿只故事讲了我哼(喘)也哼煞脱了，㑚听了开心伐？再会~

大家好 小搞老师又来了！
今朝我要教㑚（你们）三个字！
第一个是“我”，是"ngu"，弗是"wu"。
第二个是“然后”，要读“船后”，覅（不要）读“来后”。
第三个是“如果”，是“树果”，覅读成“路果”。
好了，今朝就讲到搿搭（这里）了，再会。
。
。
。
。
。
。
今朝辰光有点短，各么我再畀（给）㑚猜只谜谜子（谜语）。
啥个事体只可以一家头（一个人）做，弗可以两家头（两个人）一道做？
㑚猜猜看是啥？~~~~~~猜对也没奖品哦！~~~下趟会！~~~~

今朝，小搞老师为大家带来了一只经典故事，快去听听哦！



字幕
大家好，小搞老师又来了！
今朝，我要搭(和)大家讲一只故事！
故事个(的)名字叫《老虫(老鼠)为啥排第一》
㑚晓得十二生肖伐？伊拉是鼠、牛、虎、兔、龙、蛇、马、羊、猴、鸡、狗、猪!
各么(那么)哪恁(怎么)会的让小老虫排第一名呢？
报名个一天哦，老虫老~早就起来了，牛也老早就起来了。伊拉辣盖(在)路浪向(上)碰头唻！
牛个模子(个子)老大，跨出去个步子也老大。老虫个模子老小个，跨出去个步子也老小个。
老虫跑的唻，上气不接下气，才刚刚跟上牛。老虫心里向(里面)想，路还有老老远唻！我哪恁跑的动啦？伊(他)脑子一动，想出来一个好办法。
伊搭牛讲:“阿哥，我来唱只歌畀(给)侬听好伐啦？”
牛讲:“好个呀！侬唱呀！............咦？侬哪恁弗(不)唱个啦？”
老虫讲:“我辣盖唱呀！侬哪恁呒没(没有)听到啦？哦！我个喖咙(喉咙)忒(太)细了！唱出来个声音侬听也听弗出。各么让我骑辣(在)侬个头颈高头唱好弗啦？搿恁样子(这样)侬就可以听了清爽了。”
牛讲:“好！侬上来伐！”
老虫顺牢(着)牛腿一直爬到了伊个头颈高头，摇头晃脑个唱起歌来。
牛一听，开心唻！乃搿记奔了快是快！
伊拉跑到报名个地方一看，欧？人家侪(都)呒没来！牛高兴个叫起来了:“我是第一名！我是第一名！”
牛搿句闲话还呒没讲光噢，老虫从牛个头颈高头一跳！乃末(这下)老虫拿到第一名啦，牛只好变成第二名啦。
葛咾(所以)讲啦，辣盖十二生肖里向，小小个老虫排头一名！
今朝，小搞老师就讲到搿搭(这里)咾？搿只故事讲了长伐？㑚听了扎劲(带劲)伐？开心伐？再会！

这期小搞老师没有说沪语童谣，而是教大家应该怎么清洗自己的短裤！希望各位小朋友都能学会哦！

也为外地朋友配上字幕:
大家好，小搞老师又来了！
今朝(今天)，小搞老师弗(不)讲童谣了！
今朝我要教㑚(你们)哪恁(怎么)汏(洗)短裤。
小朋友要会得自家(自己)汏短裤。
第一步，先拿(把)短裤冲冲湿。
第二步，再拿短裤擦上肥皂。
第三步，搓搓伊(它)，拿泡泡搓出来。
第四步，过过(漂洗)清爽(干净)。
第五步，拿短裤绞绞干。
第六步，叫爸爸妈妈帮侬(你)晾起来。
小朋友， 㑚侪(都)会得了伐(吗)？
今朝，小搞老师就讲到搿的(这里)咯，再会(再见)！