Дарыгерлердин маалыматында, Кыргызстанда жылына геморрой дарты менен кайрылган эки миңге жакын адамга операция жасалат. Алардын көбү Улуттук госпиталдын проктология бөлүмүнө кайрылышат. Адистер геморрой өтө көп кездешерин жана дарыланбаса кесепети оор болорун айтышат. “Сергек жашоо” подкастында бүгүн май чучуктун сезгениши эмнеге алып келет деген суроого медицина илимдеринин кандидаты, доцент Сапарбек Турдалиев жооп берет.