وزة منتصر من الفنانين الشباب المهمين جدا، سواء على مستوى مسيرته او قصته الشخصية، المليانة تفاصيل كتير والمشتركة مع اسماء كتير من جيلين فنيين في المهرجان والراب.

دبانة أو عمار أبو بكر واحد من أهم الفنانين البصريين المعاصرين حاليا، وترجع أهميته دي لانه جرب سكك كتير قوي ممكن كل واحدة منها يسلكها فنان واحد وتبقى غنية وثرية..

من التدريس الأكاديمي في الجامعة، للبحث عن التراث وتوثيقه، للغرافيتي والجداريات الضخمة، ثم الموسيقى والسينما.. وعالم المولد بكل ما فيه من سحر.. مشوار عمار كبير وثري ويستحق يتفردله وقت كبير عشان يتكلم ونسمع عن تجربته.

هان-روووح شوية كدة مع عمار أبو بكر وتفاصيل شخصيته واهتماماته ومشواره جوه العالم اللي صنعه لنفسه،،

زياد ظاظا من الفنانين الشباب المثيرين جدا للاهتمام، واللي صعد في الفترة الأخيرة وقدم نفسه بشخصية مميزة جدا سواء في الموسيقي أو التمثيل.

‏هان-روووح شوية كدة مع زياد ظاظا وتفاصيل شخصيته جوه العالم بتاعه

لو بنقول إن الهيب هوب ثقافة عالمية كبيرة، شقت طريقها نحو قمة الموسيقى لأنها ثقافة كاملة تحمل في داخلها نظرية وتطبيق عن طريق أعمدتها الأساسية: الراب، الدي جي، الرقص والغرافيتي.. والمعرفة العنصر الخامس .

يبقى من حقنا اننا نفكر.. ماذا لو طبقنا هذه الاساسات والنظرية، التي قرأنا عنها وسمعناها لسنين في كتب وحوارات وأفلام عالمية.. على حركة المهرجان في مصر؟

عبر لايف إنستغرام وقعدة مزيكا كدة بقالي فترة بعملها بعد الساعة إثنين بالليل، لعبنا لعبة اسمها 

Your Take Not Mine

واللي فيها الجمهور بيقول رأي في الموسيقى على ضمانته الشخصية

وبنحلل الرأي دة ونشوف قد ايه هو قريب من الصح والمنطق

اتكلمنا عن الراب والمهرجانات ومحمد فوزي وبليغ حمدي وحاجات كتير

شكرا للي إشتركوا في اللايف والحلقة دي

وهانكررها تاني أكيد

ازاي اتغيرت شكل صناعة الموسيقى وتطورت على الجهتين الانتاج والتسويق

وازاي دة غير من شخصية الفنان وحضوره والقصة اللي بتتقال عنه

واصبح في احتياج ان الفنان يكون انفلونسر

هل دة ليه سلبيات؟

دة اللى هانعرفه ف الحلقة دي

بيييسسس

الاوتوتيون جيه منين؟ ومين اللي استخدمه في الاول؟

وايه علاقة التنقيب عن البترول بالأوتوتيون والموسيقى؟

وامتى الاوتوتيون دخل مصر؟

دة اللي هاتعرفوه لو سمعتوا الحلقة دي

بيييس

ماذا يحدث لو؟

حلقة من ضمن سلسلة حلقات، هانغير ونلعب فيها في تاريخ المزيكا

وهانطرح سؤال ونحاول نجاوب عليه بسيناريوهات جديدة، مبنية على المعطيات والمعلومات المتوفرة عندنا

وفي الحلقة دي هانحاول نجاوب على سؤال

ماذا يحدث لو؟ محمد منير عمره النهاردة 20 سنة وهايغني راب

ياترى هايليق عليه؟ ياترى هاينجح ويعمل اسم ومسيرة فنية مميزة زي ما حقق دة في البوب ميوزك؟

دة اللي هاتعرفه لو سمعت الحلقة دي

بييس

اخيرا وبعد طول انتظار لتحقيق حاجة انا حابب اعملها من زمان

حابب اشاركم بداية تجربة البودكاست دة، عشان يكون رحلة نمشيها، نشاركها ونستمتع بيها سوا

لكل السميعة ومحبي الموسيقى والحكايات.. اربطوا الأحزمة

لقد بدأت الرحلة

يا أهل الأنترنت.. نحن هنا

خلف المايك

بيييسس