کی وفا ہم سے تو غیر اس کو جفا کہتے ہیں

ہوتی آئی ہے کہ اچھوں کو برا کہتے ہیں

آج ہم اپنی پریشانی خاطر ان سے

کہنے جاتے تو ہیں پر دیکھیے کیا کہتے ہیں

اگلے وقتوں کے ہیں یہ لوگ انہیں کچھ نہ کہو

جو مے و نغمہ کو اندوہ ربا کہتے ہیں

دل میں آ جاے ہے ہوتی ہے جو فرصت غش سے

اور پھر کون سے نالے کو رسا کہتے ہیں

ہے پرے سرحد ادراک سے اپنا مسجود

قبلے کو اہل نظر قبلہ نما کہتے ہیں

پائے افگار پہ جب سے تجھے رحم آیا ہے

خار رہ کو ترے ہم مہر گیا کہتے ہیں

اک شرر دل میں ہے اس سے کوئی گھبرائے گا کیا

آگ مطلوب ہے ہم کو جو ہوا کہتے ہیں

دیکھیے لاتی ہے اس شوخ کی نخوت کیا رنگ

اس کی ہر بات پہ ہم نام خدا کہتے ہیں

وحشتؔ و شیفتہؔ اب مرثیہ کہویں شاید

مر گیا غالبؔ آشفتہ نوا کہتے ہیں

kī vafā ham se to ġhair is ko jafā kahte haiñ

hotī aa.ī hai ki achchhoñ ko burā kahte haiñ

aaj ham apnī pareshāni-e-ḳhātir un se

kahne jaate to haiñ par dekhiye kyā kahte haiñ

agle vaqtoñ ke haiñ ye log inheñ kuchh na kaho

jo mai o naġhma ko andoh-rubā kahte haiñ

dil meñ aa jaa.e hai hotī hai jo fursat ġhash se

aur phir kaun se naale ko rasā kahte haiñ

hai par-e-sarhad-e-idrāk se apnā masjūd

qible ko ahl-e-nazar qibla-numā kahte haiñ

pā-e-afgār pe jab se tujhe rahm aayā hai

ḳhār-e-rah ko tire ham mehr-e-giyā kahte haiñ

ik sharar dil meñ hai us se koī ghabrā.egā kyā

aag matlūb hai ham ko jo havā kahte haiñ

dekhiye laatī hai us shoḳh kī naḳhvat kyā rañg

us kī har baat pe ham nām-e-ḳhudā kahte haiñ

'vahshat' o 'sheftā' ab marsiya kahveñ shāyad

mar gayā 'ġhālib'-e-āshufta-navā kahte haiñ

Follow me on :

Instagram :   / shirin.zabaan  

Facebook :   / phaixa.xaidi  #ghalib #ghalibkishayari #ghalibshayarionlove #ghalibpoetry #ghalibshayaristatus #غالب #ٖاسداللہ #asadullahkhanghalib #shirin_zaban