Ten spyte daarvan dat inwoners van Gobabis in Januarie al ernstige kommer uitgespreek het oor voortdurende rioolprobleme en die agteruitgang van oop stortingsterreine in die dorp, duur die probleem onverpoosd voort. Kosmos 94.1 Nuus het met die Gobabis-gemeenskapsaktivis Lehana Nel gesels, wat 'n ope brief geskryf het wat aan verskeie owerhede gerig is, insluitend lynministeries, die Ombudsman, die Teenkorrupsiekommissie en selfs aan die Kantoor van die President. Nel sê hierdie kwessie is ook 'n groot gesondheids- en veiligheidsgevaar.