Die prys van goud het met meer as 34 persent tot dusver vanjaar gestyg, en Dinsdag 'n nuwe rekordprys van 3 527,50 Amerikaanse dollar per fynons bereik. Ontleders het hul voorspellings geleidelik opwaarts hersien, met vooruitsigte vir die gemiddelde prys vir 2025 wat gestyg het van 2 756 dollar per ons in Januarie tot 3 220 dollar in Julie. Die Suid-Afrikaanse ekonoom, Dawie Klopper, het met Kosmos 94.1 Nuus gepraat oor die sleutelfaktore wat tans die tendens dryf.