Mam Start vun der Ouschtervakanz leschte Weekend hunn och vill Lëtzebuerger nees de Fliger geholl fir a Richtung Sonn ze fléien. Nieft de méi klassesche Reesdestinatioun a Südeuropa sinn déi lescht Joren och Destinatioune wéi d’Tierkei oder déi arabesch Hallefinsel ëmmer méi beléift ginn. Wéinst dem Krich am Mëttleren Oste wäerten awer dëst Joer vill Leit zécke fir op dës Plazen ze fléien. Mee a wéi wäit kann eng Reesversécherung opkommen, wann ee seng Rees ofseet?