Vic López é un galego-asturiano ou un astur-galego que comezou na música con cinco anos de idade na escola de música de Xove. Con dez, comezou a versionar música de bandas e solistas internacionais.

Após a experiencia musical en DesiguaLex Rock e en SphínteR, durante o confinamento comezou a escribir as cancións. Desde hai uns meses, componlles a música.

Coñecedora dos tres temas de produción propia que ten editado neste momento, a equipa do Grandes Voces falou con Vic López. Este é o resultado da conversa.

Cinta Adhesiva é o grupo poético-musical de Vigo que une poesía, música, teatro e vídeo. Todo nun espectáculo global. Unha das súas metas inminentes é a participación no próximo Super Bock Rock de 2023 en Lisboa. Para iso debe ter o apoio do público, un apoio que nós solicitamos.

Con Silvia Penas, falamos da banda e desta nova aventura.

Todo un universo en só seis palabras: A Pousada da Galiza Imaxinaria. É un lugar real. Un espazo para cumprir felices soños mantendo os pés na terra.

Esta sala de espectáculos está en Boiro e agora chega ao trixésimo aniversario, que celebramos coa súa voz: Suso Santamaría.

Formada por músicos xa rodados e maiormente influenciados polo grunge e o rock dos 90 -a música da súa infancia-, Exeria nace pouco despois da pandemia que obrigou a deter calquera iniciativa musical.

As raíces son importantes para calquera proxecto. Neste sentido, a sensación de pertenza a un lugar e a un tempo concretos determina unha mirada e un xeito de crear as súas cancións, formando así o cauce polo que discorre o seu discurso estilístico.

Estes son os lugares en que a banda estará ao vivo proximamente:

22 ABRIL CERVECERIA MIGUEL CANIDO

14 MAIO JAMARTE PONTECALDELAS

1 XULLO CHIRINGUITO PATAPALO ILLA AROUSA

Por que non retorna Sinestesia ao panorama da música galega? Obviamente, non retorna porque nunca tiña marchado. Certo é que agora están con moita máis intensidade. As palabras de Tomás Porteiro así o transmiten.

Abrimos a entrevista cunha música de Antía Muíño, feliz colaboradora de Sinestesia. Despois, a conversa está centrada no novo disco de Sinestesia.

O Deixe falar desta semana está dedicado a PATTY CASTRO. Locutora de radio, promotora artística, integrante da equipa directiva da Asociación Músicas Ao Vivo; actriz da narración oral; coordenadadora de Mulleres Galegas Kañeras.

O Grandes Vozes falou con ela sobre varios temas: os irmáns de armas na LOITA AMADA; a dinamización social coa asociación Arousa Moza; o Acouga sosego; Galiza Metálica; o Gallaecia Metalfest; e Músicas ao Vivo.

"Quero Cantar" é o certame de música infantil e xuvenil organizado pola Deputación da Coruña.

Até as 14 horas do próximo día 15 de marzo está aberto o prazo para participar en dúas categorías: a categoría A, para crianzas de menos de 12 anos; e a categoria B para adolescentes, de 13 a 16 anos.

Os premios son ben atractivos: a participación nun programa formativo con moita prática, porque contempla a entrada aos estudios profisionais para facer a gravación de dous videoclipes. Para alén diso, aínda 6.000 euros a repartir.

De todo isto falamos con Noelia Perpetuo, unha das gañadoras da edición de 2021.

Celebramos o Día dos Medios en Galego e facémolo con música do Grande Amore e de Ortiga con Pili Pampín. No momento da conversa, temos unha entrevista con Ubaldo Cerqueiro, do xornais Que pasa na costa? e Xornal da Coruña.

Antes de despois, temos a mellor música da Galiza, de Portugal e dos países de raíz galega.

Manoele de Felisa chega aos 25 anos no panorama da discografia galega. Nós celebrámolo con el, xusto no momento en que anuncia unha nova xira de 2023.

O músico de Orballo (1999), Chove (2005), De Felisa a María Mariño (2007), Cantos de Lembranza (2014) e Cancioneiro do Camiño (2021) continúa con paso firme.

Este é o programa dedicado ao TEcor Societário, un grupo musical campitaneado por Xabi, músico orixinário de Rinlo (Ribadeo). Inicialmente, dá a impresión de que son un grupo moi metaleiro. Despois fica moi claro que "non é tan fero o león como o pintan".

Se pensas que non é verdade, escoita...

Xa nos dirás o que che pareceu!