GROOTfm 90.5

Warrior Ric oor 'Men's Mental Health Month & GBV'.

Die Afrikaanse weergawe van Wikipedia het tans net oor die 127 000 artikels, en groei teen ongeveer 15 artikels per dag. Ondersteun ons deur die Afrikaanse Wikipedia te gebruik, en help ons om hom uit te bou! Enige iemand kan as gebruiker registreer. Deon Steyn het ons meer kom vertel van die platform.

Die Padongelukfonds (POF) is tans in die spervuur ná bewerings van wanbestuur, onwettige prosedures en grootskaalse administratiewe verval. Tydens ʼn mediakonferensie in Pretoria het die Vereniging vir die Beskerming van Padongelukslagoffers (Aprav) ’n dringende beroep gedoen op die minister van vervoer om in te gryp. Pieter de Bruyn, uittredende voorsitter van Aprav, het ernstige kommer uitgespreek oor die POF se finansiële bestuur, onwettige eisvorms en die skorsing van sleutelpersoneel... alles faktore wat duisende slagoffers sonder hul regmatige vergoeding laat.

Unspoken War is ’n rou en eerlike vyfdelige Showmax- en M-Net-dokureeks wat lig werp op Suid-Afrika se grensoorlog – van 1966 tot 1989. Met seldsame argiefmateriaal en intieme getuienisse van voormalige soldate, SWAPO-vegters, families en historici, word die menslike prys van ’n oorlog sonder erkenning of gesprek uiteindelik oopgevlek. Die projek is persoonlik geïnspireer deur junior vervaardiger Minette van der Walt se ontdekking van haar pa se oorlogservaring. Minette sluit saam met vervaardiger Elle Oosthuizen by Sarina aan in die ateljee.

Inspirasie vanoggend deur Marinus Hayes

Steve Hofmeyr oor 'Dwaas'.

One Hit Wonders met Daantjie Dinamiet - Wes se 'Alane'.

Op 9 November word Wêreld Aannemingsdag gevier. Sarina het vir Pieter Cloete genooi om sy verhaal van aanneming, identiteit en aanvaarding. . Ná dekades van selfsoek het Pieter onlangs, deur ’n DNS-toets, begin om die raaisels van sy biologiese herkoms te ontrafel. Tog lê sy ware ontdekking nie in genetika nie, maar in die besef dat familie iets is wat gekies, nie net gebore word nie. Vandag leef dié storie voort in sy eie lewe: Pieter en sy gesin sorg vir ’n seuntjie in pleegsorg wat hulle hoop om aan te neem, 'n nuwe hoofstuk van liefde en behoort wat sy eie aannemingsreis op die mooiste manier weerspieël. deel.

Vandag in Verskilmakers hoor ons ’n storie van liefde, moed en ’n ma se besluit om hoop te kies ná ondenkbare verlies.

Bianca Pretorius se dogtertjie, Isabella, is in 2016 gebore met ernstige gesondheidsprobleme en is ná ’n lang en dapper stryd in 2024 oorlede aan Diamond Blackfan Anemia – ’n uiters seldsame bloedtoestand. Ten spyte van jare in hospitale en pyn, was Isabella ’n kind vol lig, liefde en ’n besondere passie vir diere, veral groot katte soos jagluiperds.

Bianca het belowe om Isabella se droom voort te sit deur ander te leer oor bewaring. Sy werk tans aan ’n kinderboek en het ’n nie-winsgewende organiasasie genaamd, Save A Spot For Isabella (SASFI), op die been gebrnk wat projekte sal ondersteun by ZA Cheetah Conservation in Bela-Bela/Warmbad. Hierdie projek eer Isabella se lewe deur hoop en bewaring hand aan hand te laat loop — en om jong kinders te leer hoe belangrik dit is om diere en die natuur te beskerm.

Die Sokkie Dokkie Kurt Darren het kom kuier om te gesels oor sy nuwe enkelsnit, Hello My maatjie, en vertel ons ook meer oor wat hy noem "KD-pop"