Grow

ما بين عشرين و الثلاين هي فترة صعيبة و فترة مهمة في حياة كل واحد فينا و مهمة لمستقبلنا.

ما يكفيش انك تاخذ الشهادك باش تلقى بلاصتك في سوق الشغل.

هذاكة علاش لازم تخطط حياتك المهنية باش تاخذش قرارات تندم عليهم بعد سنوات و تضيع اهدافك و احلامك.

في الحلقة هذي باش نعطيك نصيحة تنفعك باش تبدا طريقك.

الكلام مع برهوم ديما ممتع و فيه برشا فايدة 

في الحلقة هذي باش نحكي في مواضيع تهم كل واحد يحب يطور من روحو.  

باش نحكيو في القيادة، التعليم، الحب، العلاقة مع الذات و برشا مواضيع

سيف الدين طرهوني

قصة نجاح، بعد افلاس و فكرة مشروع مالقالهاش تمويل ، ما سلمش و عمل مشروع جديد و موش معروف و كبش باش قدم بمشروعو و نجح.

يحكيلنا قصتو، كيفاش بدا، و كيفاش كانت تجربتو

غالية دمق، صاحبة مشروع في ادارة الفضلات العضوية. مغرومة بالبيئة و تشوف انو لازمنا اليوم خلق وعي باهمية الاستعمال الجيد للفضلات العضوية و استغلالها.  

الحوار مع غالية كان محلاه و في كل كلمة قالتها بطريقتها الحلوة ريت برشا تجربة متع انسانة تعدات ببرشا حاجات و تعلمت برشا دروس ف ي عالم المشاريع.

سالم الماجري من لاعب كرة طائرة يولي كوتش يعاون في برشا شباب انهم يستغلو طاقتهم و يحطوها في احلامهم باش يوصلو بيها بعيد سالم الكلام معاه حلو و فيه برشا عمق يخليك تعاود تخمم في برشا حاجات و تسرح في برشا افكار  

في الحلقة هذي هشام يحكيلنا كيفاش بدا مشروعو و الصعوبات التي تعدى بيها و كيفاش قاوم باش مشروعو يعيش.

هشام جلالي زادا عندو رؤية و عندو حلمة يخدم عليها باش يحققها.

ما تنساوش تبرتاجيو الحلقة مع الاصحاب و الاحباب

مروان عمامو يحكيلنا تحربو في بعث مشروع و شنوة المشاكل اللي لقاها و كيفاش ينجم يلقا حلول و يقدم في مشروعو رغم برشا مصاعب.

كالعادة نصايح من عند مروان تنجم تعاون كل واحد يحب يعمل مشروعو الخاص .

حازم الحمروني شاب تونسي، قرر في لحظة انو يوقف قرايتو و يعمل مشروعو الخاص مع اصحابو كيفاش كانت رحلتو في عالم المشاريع بعد ثلاثة اعوام من البداية. هل ينصح الشباب يعملو كيفو ؟ شنوة تعلم ؟ وين يشوف روحو في الاعوام الجاية ؟