Erresidentzietako lan baldintza duinen aldeko borrokak ibilbide luzea du Euskal Herrian. Aurrekaririk gabeko lehen Greba Feminista Orokorraren atarian ELA sindikatuko erresidentzietako langileekin mintzatu gara. Hitzarmenen negoziazioak, grebak, borroka ibilbide luzea errepasatu dugu, baita datozen borroka zein garaipenez solastu gara.

[ Aukeratutako abestia – Zer izan - Huntza ]

Euskal Herriko neska gazteen baterajotzea egin berri dute Usurbilen. Herri mugimenduen memoria kolektiboaz ari garela, dinamika nahiko berria izanik ere, ibilbidearen errepaso eta aurrera begirakoez jardun dugu.

[ Aukeratutako abestia – Utopiak Lehertzeraino - Boni ]

Sexu askapen mugimendua eta EHGAMen berpizteaz jardun dugu Txefo eta Ametsekin. Ohiko gure formatuan, mugimenduaren sagar ustelak eta uztarik onenak ere ekarri ditugu.

[ Aukeratutako abestia – Krudas Cubensi - Mi cuerpo es mio ]

Ekotopaketak jardunaldien ostean, Jauzi ekosoziala dinamika martxan da. Topaketak, mugimendu ekologistaren jirak zein gune berri honen inguruan jardun dugu Nerea Zuluagarekin.

* Elkarrizketaren grabaketaren kalitatearekin arazoak izan ditugu, barkatu eragozpenak

Euskal Herriko okupazio mugimendua, gaztetxeak eta espazio autokudeaketuak hizpide izan ditugu gaurkoan. Bilboko Santutxu auzoan bizi-bizirik dagoen Karmela espazioaren inguruan aritu gara bertako kide den Anerekin.

[ Aukeratutako abestia - KRML bizirik! ]

Euskal Herriko borroka antimilitarista askotarikoetan parte-hartu duen Iñaki Otamendi gonbidatu dugu gaurko saiora. Intsumisio mugimendutik hasita, gaurko gerraren aurkako aldarrietara.

[ Aukeratutako abestia: Baldin Bada - Baldin bada ]

Euskal Herriko mugimendu antiespezista sendotzera dator NOR Euskal Herria Antiespezista. Animalien askapenaren aldeko lana egiteko jaio dira, Euskal Herriko gainerako talde antiespezistekin elkarlanean.

Maialen Sagues gonbidatu dugu saiora.

[ Aukeratutako abestia: Apalatxe - lotura pozoitsua ]

Euskal presoen senideak kartzeletara eramaten zituen gidari taldeak bukatutzat eman du bere bidea aurten. Mirentxin gidarien ibilbidea ekarri dugu gaurko irratsaiora.

Jone Arkauz gonbidatu dugu saiora.

[ Aukeratutako abestia: Negu Gorriak - Amodizko kanta ]

Azpiegitura handien aurkako mugimenduak hizpide gaurkoan. Leitzaran, Itoiz, fracking-a, aht, eolikoak, erraustegia, aroztegia… borroka antidesarrollistaren oinarrian, proiektu zehatz batzuetatik haratago jendarte eredu baten aurkako borroka dago. Marta Barba gonbidatu dugu saiora.

[ Aukeratutako abestia: Bap! – abiada bizian ]

Irratsaioaren estreinaldia. Lehen saio honetan, 20 urte bete berri dituen Arrosa irrati sarea izan dugu hizpide. Bergarako Txapa irratiko kide den Lander Juaristi gonbidatu dugu.

[ Aukeratutako abestia: Flyshit – Bizitza baina nola bizi ]