Txirrindulari afizionatuek maiz egin behar izaten dute talde batetik bestera. Zergatik egiten dira aldaketa horiek?, Zertarako? ,Zer helbururekin? Gainera, talde aldaketak, handitik txikira ere egin ohi dira batzuetan. Talde handitik apalago baterako aldaketak nabarmentzeko aukera handiagoa eman diezaioke txirrindulari gazteari eta aukera  ikusmira luzeari begiratu beharra dauka.

Unai Esparza Nafarroako txapeldunak, Lizartek utzi eta Eulen jira-bira-n dago egun. Ander Amunarrizen kasuan, aldaketa Laboral kutxa utzi eta TELECOMen dago egun. Biek azaldu dizkigute zergatiak Gurpilean podcastaren atal honetan Arritxu Iribarri .

Hogeita hiru urtez azpiko txirrindulariak aurre denboraldia prestatzen hasita daude eta ziklo krosa eta pista izaten dituzte prestaketarako lagungarri. Gurpildean podkastean beren esperientzia azaldu digute lehen urtean ari den Ander Altuna eta azken urtean kokatuta dagoen Iñaki Muruak. Altuna, "Eibar energia hiria" taldeko ziklista izango da denboraldia hasten denean. Ikali Altunak aldiz, laugaren denboraldia osatuko du Laboral Kutxan.

Txirrindulari lasterketa baterako ezinbestekoa da moto-enlazeen lana. Lasterketaren segurtasuna bermatzeko ezinbestekoa da euren lana, arrisku handiak hartuz eta  baliabide gutxirekin egiten dutelarik.  Egun, 500/600 bat moto gidarik egiten dute Estatuan borondatezko lan hori. Istripu larri batek, lan baldintzak eztabaidan jarri ditu eta aurreneko aldiz Estatu Espainiar osoko moto-enlazeak elkartu eta aseguruen auziaz eta karreretako lan baldintzak aztertzera eraman ditu. Gorka Telleria, horretan aritzen da eta berak eman dizkigu egoeraren azalpenak Gurpilean podcastean.

Santi Barranko eta Haimar Etxeberriari egindako elkarrizketa banarekin osatu dugu Gurpilean podcastaren atala.

Santi Barranko, Balear uharteetako afizionatu mailako "Arabay" taldeko aholku emaile edo zuzendari laguntzailea izango da. Bere taldean ez dago Euskal ziklistarik, hala ere  Euskal herriko txirrindularitza egutegiko lasterketak egin nahi ditu taldearekin

Haimar Etxeberria berriz, goranzko bidean doa. Junior mailatik afizionatuetarako bidea Caja Rural Seguros RGA taldearen eskutik egingo du. Lehen elkarretaratzea, egin berria dute. 18 aurpegi berri izango ditu afizionatu mailako Caja Rural-ek.

Bi txirrindulari afizionaturen gurpilean jarriko gara gaurko podcastean. Bata sub23-an lehiatuko da eta bestea elitea deritzan mailan. Biek izan dute bizikletari eskaini izan dioten ordu piloa bertan behera uzteko tentazioa, baina azkenerako ahaleginean jarraitzea erabaki dute.

Gaizka Gurrutxaga talde kontinental batean arituko da, ezustean jaso du Kiwi Atlantikoren deia eta profesionaletarako urratsa ematera dihoa. Mikel Mujikaren kasuan, Caja Rural Seguros RGA utziko du eta Telcom taldean jarraituko du afizionatu mailan.

Gurpilean podcastera  Ander Altuna, Baque taldeko zuzendari berria gonbidatu dugu. Baque da afizionatu mailako munduko talderik zaharrena. 1978an sortu zen eta beraz,  44. denboraldiari ekingo dio 2022an. Aldaketa handiak izango ditu gainera, txirrindulariak aldatuko dira eta baita zuzendaritza taldea ere. Dabid Lopezek ez du afizionatuen  taldean jarraituko, Ander Altunak hartuko dio lekukoa. Gipuzkoarra izango da taldeko zuzendaria eta ,aldi berean, prestatzaile fisikoa. Altuna  Euskadiko txirrindulari federazioko kirol teknikaria ere bada.

Eulen Jira-bira taldearen berri izateko, Dabid Etxebarria zuzendariarengana jo dugu Gurpilean podcastean. Baikorra da taldeak egin duen denboraldiaren balantzea egiterakoan. Taldeak "lortu du talde nortasuna" esan digu eta karreren garapenean nortasun hori agerian geratzen dela uste du. Emaitzak dira orain falta dituztenak eta horien bila  joango dira 2022ko denboraldian.  Emaitza on horiek lortu ahal izateko aldaketa handiak egingo dituzte egunerokoan.

Aste honetako Gurpilean podcastean,  Laboral Kutxa afizionatu taldeak egin duen  denboraldia aztertu dugu Jon Lazkano Zuzendariarekin.

Denboraldi "oso ona" egin duela Laboral Kutxak azpimarratu digu, iragarpenak erruz betez. Hemezortzi  txirrindulari dira taldean eta hauetako zortzik garaipenak lortu dituztenak denboraldiak zehar. Euskal Herriko torneo guztiak irabazi dituzte , banaka bezala taldeka eta profesional izateko bidean jarri dira hiru gazte.

 Unai Iribar, Xabier Isasa eta Asier Etxeberria, Euskaltel Euskadi taldean hasiko dira, formakuntza lana borobiltzeko.

Oier Ibarguren txirrindulariak nahi ez zuen erabakia hartu behar izan du. Caja Rural Seguros RGA taldean egin ditu azken bi urteak. Elitean aritu da eta aurrez bere buruari jarri zizkion erronka guztiak bete ditu. Hala ere ez da nahikoa izan profesionaletarako urratsa emateko eta bere burua  aukerarik gabe ikusita,  bizikleta uztea erabaki du Azpeitiako txirrindulariak hogeita bost urte osatu aurretik.

Entzun podcastean.

Gurpilean jarriko gara berriz ere EITB podkasten. Errepideko denboraldia afizionatuentzat amaitu denez, urtearen azterketa egiten hasi gara eta aurrena Lizarteko zuzendaria ekarri dugu, Jon Armendariz, Lizarte izan baita Euskal herrian bakarrik ez, Estatu osoan talderik onena. Rankineko lehena. 23 garaipen lortu dituzte 9 ziklista ezberdinekin eta taldeko 4 txirrindulari izango dira datorren denboraldian profesionaletan.