گئجه یاشامی | Gecə Yaşamı | Geca Yashami

گئجه یاشامی | Gecə Yaşamı | Geca Yashami

By گئجه یاشامی | Gecə YaşamıSociety & Culture
Download on the App Store

گئجه یاشامی | Gecə Yaşamı | Geca Yashami episodes

  • ایندی ایسه 12-اینجی ائپیزود چئوره‌میزده اولان اولای‌لار حاقیندا
    چوخ آجی بیر دورومدا قاراداغ مئشه‌لرینین کسیلمه‌سی و بو چئوره‌‌ده اولان ائکوسیستئمین تخریب و آرادان گئتمه‌سینه توش گلدیک بو اولای لاردان دولایی توسعه پایدار، آنا یاسانین چئوره‌نی قورویان یاسالاری( اصل ۵۰ قانون اساسی)، رامسر کونوانسیونو، چئوره حاقیندا اولوسال آراسی بیلدیری لر ، بیرلشمیش میللت‌لر تشکیلاتینین چئوره حاقیندا چالیشمالاری اساس دا آچیقلامالاریمیز اولدو. بئله‌جه بو وئرلیش؛ اورمو گولو، قاراداغ مئشه‌لری و اینسانین ایزی چئوره‌نین گلیشمه‌سی حاقدا دیر.
    21 min
  • ایندی ایسه 11-اینجی ائپیزود پورفوسور زهتابی حاقیندا
    بو وئرلیشیمیزین قونوسو پورفوسور محمد تقی زهتابی حاقیندا دیر. بو وئرلیشده محمد تقی زهتابی‌نین بیوگرافی‌سی یاشام احوالاتی گوردوگو فعالیت‌لر آچیق و آیدینجا سسلنیب‌‌دیر. وئرلیشیمیزین اوزل بولومو پورفوسور زهتابینین ان یاخین دوست‌لاریندان اولان سایین دکتر حسین محمد خانی(گونئیلی) جنابلاری ایله دانیشیغیمیز دیر. وئرلیشیمیزین سونوندا ایسه اوستاد امیر سپهرین تبریزده اولان کنسرتینه ایذین وئریلمه‌مه‌گیندن آسیلی بیر ماهنی اوستاد امیرسپهردن وئرلیشیمیزده اویغولانیب.
    42 min
  • ایندی ایسه 10-اونجو ائپیزود(چیلله گئجه‌سی)
    10-اونجو اپیزودوموزون قونو سو چیلله گئجه سی دیر. چیلله گئجه‌سینه گوره بوتون آزربایجان و ایراندا یاشایان تورکلرین اوزل دب لری و رسم‌لری وار دیر بو دبلر اوقدر اینجه، گوزل و سایسیزدیر کی نئچه‌ دنه پادکست بو قونودا ایشلمک اولار. آنجاق بو وئرلیشده دیققت چکدیمیز دبلر، سیراسالدی و گون سپمک دب لری دیر کی بو ایکی دبه گوره گوزل و اینجه آچیقلامامیز اولوب دور. وئرلیشیمیزین اوزل بولومو ایسه شیفاهی خالق ادبیاتی اوزللیکله آشیق ادبیات‌ینا چکدیگیمیز بیر بالاجا نظر دیر کی آشیقلار قهوه خاناسیندا بو حوزه‌ده چالیشان صنعت‌چی لرله دانیشیقیمیز اولوب.
    51 min
  • ایندی ایسه 9-اونجو ائپیزودون ایکینجی یایینی.
    دوققوزونجو ائپیزودوموزون ایکینجی یایینیندا آذربایجان دموکرات فیرقه سی حاقدا و ۲۶ آذر-ده اولان پهلوی رژیمینین کیتاب یاندیرمالاری حاقدا سایین ایبراهیم ساوالان جنابلاری ایله قونوشمامیز اولوبدور و ان اونملی قونو؛ سایین پیشه‌وری جنابلارین سولچو آدی ایله تخریب ائدنلره سایین ایبراهیم ساوالان جنابلارینین آچیقلاما و جوابلاری اولوب دور. لوطفا دینله‌یین.
    53 min
  • ایندی ایسه 9-اونجو ائپیزودوموزون بیرینجی یایینی
    9-اونجو ائپیزودموزون بیرینجی بولومو؛ آزربایجانین دموکرات فیرقه‌سی حاقیندا دیر. آذر آیینین ۲۱-ینه توش گلرک سئچدیگیمیز قونو آذربایجان میللی حوکومتی و سایین سید جعفر پیشه جنابلاری یاراتدیغی دموکرات فیرقه‌سی حاقدا اولدو. بو وئرلیشیمیزین اوزل و ان اونملی بولومو فیرقه‌نین تاریخچه سی و حاضیرلادیغیمیز قونوشما سایین حسن راشدی جنابلاری ایله دیر. البته بو گون اوستاد رضا براهنی‌نین دوغوم گونو اولدوغوندان دولایی وئرلیشیمیزین ایلکینده بیر شعر اوستاد براهنی‌نین دن اوز سسلری ایله اویغولانیب. ۹جو ائپیزودوموزون آردی وار و ایکینجی یایینین دا آیریجا پادکست ده دینله‌یه جکسیز. دوققوزونجو وئرلیشین ایکینجی یاییندا سایین ابراهیم رشیدی (ایبراهیم ساوالان) قونوشمامیز اولوب.
    31 min
  • ایندی ایسه 8-اینجی ائپیزود، ایشچیلر قونوسوندا عزیز دیلداشلاریمیزا سونولور.
    ایشچیلر قونوسوندا اولان ائپیزودوموزا گوره بالاجا آچیقلاما: ایشچیلر، و اونلارین بو زور دورومدا چالیشمالاریندان دولایی توخوناجاغیمیز قونو ایشچلرین کئچیردیگی احوالات، اصلینده اونلارین دورومون آچیقلاماق اولدو. یازدیغیمیز آچیقلامالاردان باشقا دینله‌یه جکسیز: ایبراهیم ساوالانین آدرس سیز مکتوب شعریندن بیر پارچا، فخرالدین احمدی سواد کوهی دن بیر اویکونون تورکجه چئویرمه‌سی، بلاچاو ماهنی‌سی آچیقلاما و تورکجه چئویرمه ایله بیرگه، میر هدایت سید مرندی دن فهله آدیندا بیر اویکو، میرزا علی اکبر صابیردن بیر شعر و سونوندا جم کاراجان‌نین ایشچی آدیندا ماهنیسی. اوموروق بو وئرلیشیمیزده فایدالی اولاق.
    23 min
  • ایندی ایسه 5-اینجی ائپیزودوموزو تقدیم ائدیریک.
    بو وئرلیش‌ده قوزئی آزربایجاندا یاشایان دیلداشلاریمیزین دیللرینین روسلاشماسیندان دولایی توخوندوغوموز قونو او اولکه‌نین دیل قونوسودور. نئجه کی ایراندا یاشایان تورک لریمیز فارسلاشماق ایله ال به یاخا اولوبلار عینی دورومدا قوزئی آزربایجانلی‌لاریمیز دا روسلاشماق ایله ال به یاخادیر لار. بو اوزدن طنز بیچیمینده بو قونویا بالاجا نظریمیز اولوب. آیریجا بیر یازی بهرام اسدی دن و سونوندا بیر شعر نیما برگشادی و بیر ساتیریق شعر خیرالله حق بیگی دن دینله‌یه‌جکسیز.
    31 min
  • ایندی ایسه 6-جی ائپیزودوموز حورمتلی ادبیات سئون دیل داشلاریمیزا سونولور.
    توخوندوغوموز قونو ادبیات و بو حوزه ده اولان اثرلر اوچون آچیقلاما دیر.
    بو وئرلیش ده ائشیدجکسیز:
    1. ایکینجی یاری‌نین داریخمالاری|روزبه سعادتی.
    2.《سه‌تار》اویکوجوکو| جلال آل احمد
    3. یئنی شئعر نه دئمک دیر | بهرام اسدی
    4.یاز گئجه سی | رامیز روشن
    32 min
  • ایندی ایسه 7-جی ائپیزود عزیز دیلداشلاریمیزا سونولور.
    7-جی ائپیزود؛ بو وئرلیشیمیزین قونوسو قادینلارا شیددت یوخ یا منع خشونت علیه زنان دیر. بو وئرلیش‌ده گتیردیگیمیز بیر بالاجا تاریخچه دیر قادینلارا شیددت یوخ گونوندن، بو قونویا عایید بیر شعر رامیز روشن دن و سونوندا اوزل بولوموموز قادین حاقلاری قونوسوندا قونوشمادیر سایین صفیه قره باغی ایله. لوطفا دینله‌یین.
    32 min

About گئجه یاشامی | Gecə Yaşamı | Geca Yashami

From the publisher's feed

سایین دیلداشلار گئجه یاشامینا خوش گلمیشسینیز. گئجه یاشامی توپلومسال، ادبی و کولتورل ساحه لرده چالیشان تورکجه پادکستدیر. آماجیمیز توپلومون گونده مینده کی آراشدیرماسی گره کن قونولارا توخونماق، اونلاری آیدینلاتماقدیر.