Diplomatieke pogings is voluit aan die gang om die Gaza-skietstilstand op koers te hou, na oor-en-weer aanvalle oor die naweek. Amerikaanse president Donald Trump het na hy Australiese eerste minister Anthony Albanese by die Withuis verwelkom het, by 'n perskonferensie gesê hy dink nie Hamas se leierskap was vir die aanval in Rafah verantwoordelik waarin twee Israelse soldate dood is nie. Hy het ook gesê Hamas moet in sy spoor trap of vernietig word.