HEAR we Go!

و ضيفتي لهاي الحلقة هي أميرة والدة طفلة عندها ضعف سمع و من وقت ما اكتشفت هالشي و هيي عم بتحاول تتعلم كل شي اله علاقة بضعف السمع و عم بتساعد بنشر الوعي في المجتمع لحتى تساعد الناس على تقبل و دمج الاطفال اللي عندهم ضعف سمع.

و اليوم حكينا عن واحدة من اهم المبادرات الموجودة في الاردن, شكر كبير لكل فرد كان اله دور بهاد المشروع و الشكر الاكبر لدكتورة مارغريت زريقات على وقتها معنا بهاي الحلقة و على جهدها المبذول و المتواصل لانجاح هذا المشروع.

اذا عندكم اي سؤال خبرونا بالتعليقات

في حلقة اليوم حبيت احكي عن موضوع أنا حسيت حالي ضايعة لما بلشت فيه! و كالعادة اي شي بحس انه ممكن اعلق فيه او أواجه صعوبات فيه، بحب نحكي عنه و نجاوب على اكتر اسئلة ممكن تخطر ببالنا كأخصائيين عم نمرق فيه.

و لاني مركز يلدز ساعدني و جاوبني على كل اسئلتي و ديانا اللي هيي ضيفتي لليوم كانت جداً متعاونة معي و مع كل حدا كان عنده سؤل، قولنا ما في غيرها يقدر يغطي الموضوع بشكل كامل.

لهيك بتمنى تلاقوا كل المعلومات اللي بتحتاجوها و إذا في اي استفسار تاني ببالكم ما تتردوا لحظة و تحكوا معهم و تسألوهم عن كل شي ببالكم.

حلقة هاد الاسبوع كانت موجهه للناس و لضعاف السمع, لحتى نقدر نعرف اكتر شو المواقف و المشاكل اللي بمر فيها ضعيف السمع.

هاشم شارك معنا اليوم جزء كتير كبير و ممتع, بتمنى تحبوا الحلقة و اذا عندكم اي استفسارات خبرونا وين ما بدكم :)

اول حلقة بالموسم الثاني و كثير كنا متحمسين نرجع!!

ضيفتي كانت د. سارة الحنبلي و حكينا عن واحد من اكثر الاضطرابات جدلا في تخصصنا, مشاهدة ممتعة و اذا عندكم اي سؤال لا تتردوا :)

ضيفي اليوم د.أحمد الختاتنة -اختصاصي امراض و جراحة الانف و الاذن و الحنجرة- بورتسموث بريطانيا-, و رح نحكي عن كل شي يخص ضعف السمع المفاجى.

اي اسئلة جديدة عندكم خبرونا لحتى نجاوب عليها :)

دكتور ابراهيم استشاري طب و جراحة الأنف والأذن و الحنجرة في مستشفى الدكتور سليمان فقيه.