Undanfarin sex ár hefur tónlistarhátíðin HEIMA verið haldin í Hafnarfirði síðasta vetrardag, í HEIMAhúsum í Hafnarfirði. Það er engin hátíð síðasta vetrardag í ár út af dálitlu. Það er til í dæminu að hún verði haldin síðar í sumar eða haust, en kannski verður engin HEIMAhátíð fyrr en næsta vor - síðasta vetrardag 2021. En Rás 2 hefur útvarpað frá HEIMA-hátíðinni nokkur undanfarin ár og í Konsert í kvöld ætlum við að rifja upp nokkur atriði frá Heima í fyrra og 2018. Heyrum í Mugison, Svavari Knúti og Valgeiri Guðjónssyni.