Nel programa final de la temporada treslladámonos a les Sales Mercurio de Mieres pa falar con una banda qu'entama na escena musical asturiana con fuercia y puxu, Maverick. Col grupu de punk rock falamos de delles xeres, como la posibilidá de cantar n'asturianu o la idea de formar un grupu, ente otres.

Nel programa d'esta selmana viaxamos a Avilés, el llugar onde nació la banda de rock a la que güei entrevistamos y que, amas, ye una de les que más trayectoria tien. Pa ello, aconceyamos con Xune Elipe, cantante de Dixebra y únicu integrante que sigue dende la so fundación y falamos con él del camín andáu a lo llargo de 35 años, la nueva obra, "Ente la niebla" y lo que entá queda por ver de Dixebra.

Esta selmana treslladámonos al Llar La Llegra, dende onde tenemos la oportunidá de falar y aldericar cola escritora Blanca Fernández sobre la so trayectoria y la situación actual de la lliteratura asturiana.

Nesta selmana facemos un programa especial pol 25 de Payares, reivindicando'l papel de la muyer y sofitando'l Día Internacional de la eliminación de la Violencia contra les muyeres. Pa ello treslladámonos a La Revoltosa de Xixón y xuntámonos col llau artísticu y el reivindicativu: charramos coles integrantes de 6 Riales y Sara Combarros, de la Plataforma 8M Asturies. Sororidá, curiaos y dellos temes más son abordaos nesta entrega d'Héroes ensin nome.

Nesta selmana treslladámonos a Villaviciosa pa falar col motor d'ún de los proyectos de moda más interesantes d'Asturies: RingoRango. Con Llucía Miravalles charramos d'emprendimientu, supervivencia llaboral y conciliación familiar.

Nel programa d'esta selmana charramos con Nieve Sita, ilustradora porruana con dellos diseños d'influencia nos raigaños asturianos y con trabayos pa grupos como Dixebra y marques como Puru Remangu.

Esta selmana viaxamos a Llanera pa falar con Desakato, ún de los grupos asturianos con más ésitu nos caberos años. Pablo, Gabri y Mario alderiquen sobre con nós sobre la so trayectoria y cuenten delles anécdotes de la banda.

Güei sentámonos a charrar nel centru del campu del estadiu de La Cruz de Ciares con Diego Solís, que vien a presentar con nós el so poemariu nuevu, Volvemos en 6 minutos

Dende la Llibrería-Café La Llocura charramos con dos de les componentes de la banda moza Algaire, que tien na cai l'álbum "Coral y Maera" y tan acabantes d'algamar el premiu Loïc Raison nel Festival Intercélticu de Lorient.

Nesti estrenu de la temporada falamos con Ferla Megía, cantautor de Siero que mezcla dellos estilos como folk y jazz ente otros. Too dende l'autoxestión que-y da'l so cuartu