རྒྱ་གར་བྱང་ཕྱོགས་ཀྱི་མངའ་སྡེ་Uttarakhand གྱི་ས་གནས་ཤིག་ཏུ་སྦུག་ལམ་རྡིབ་སྐྱོན་བྱུང་སྟེ་ལས་མི་༤༡ ས་སྦུག་ནང་ལྷག་ཡོད་ཀྱང་། ས་སྦུག་དེ་སླར་ཡང་རྡིབ་སྐྱོན་འབྱུང་སྲིད་པའི་ཉེན་ཁ་འོག་ད་ལྟ་སྲོག་སྐྱོབ་ཀྱི་ལས་དོན་ཁག་གནས་སྐབས་རིང་མཚམས་འཇོག་བྱས་དགོས་བྱུང་ཡོད་པའི་སྐོར་ཕུན་ཚོགས་ཚེ་རིང་ལགས་ཀྱིས་སྙན་སྒྲོན་ཞུས་ཡོད།

འདས་པའི་མི་ལོ་དྲུག་ཙམ་རིང་བལ་ཡུལ་ནང་རྒྱ་ནག་གི་བརྒྱུད་གཅིག་ལམ་གཅིག་ཟེར་བའི་ལས་འཆར་དེར་རྒྱ་སྐྱེད་དེ་ཙམ་མ་བྱུང་སྟབས་ཉེ་ལམ་རྒྱ་ནག་གཞུང་གིས་བལ་ཡུལ་དང་འབྲེལ་བ་བཟང་དུ་གཏོང་རྒྱུར་བལ་ཡུལ་དང་ས་འབྲེལ་ཡོད་པའི་བོད་རིགས་ཁུལ་ནས་སྐུ་ཚབ་མངགས་གཏོང་བྱས་ཡོད་པའི་སྐོར་ཚེ་བརྟན་ཆོས་སྒྲོན་གྱིས་སྙན་སྒྲོན་ཞུ་ཡི་རེད།

༄༅། །ཉེ་དུས་བལ་ཡུལ་གྱི་ནུབ་བྱང་རི་བོའི་ས་ཁུལ་དུ་ས་ཡོམས་ཤུགས་ཆེ་ཞིག་བརྒྱབས་པའི་ནང་མི་གྲངས་༡༥༧ཙམ་ཞིག་ལ་སྲོག་སྐྱོན་བྱུང་བ་འགའ་ཤས་ཀྱི་ཕུང་པོ་སོ་སོའི་རྗེས་ཤུལ་ནང་མི་ཚོས་ཞུགས་འབུལ་བྱེད་ཀྱི་ཡོད་པ་བཅས་ཀྱི་གནས་ཚུལ་ཞིག་ཀུན་བཟང་སྒྲོལ་མ་ལགས་ཀྱིས་སྙན་སྒྲོན་གནང་གི་རེད།

༄༅། །བལ་ཡུལ་གྱི་གྲོང་ཁྱེར་པཱོག་རར་ཧ་ཅང་རིན་གོང་ཆེན་བའི་རྒྱལ་སྤྱིའི་གནམ་ཐང་བཟོ་སྐྲུན་བྱེད་བཞིན་པ་དེར་མ་དངུལ་ཉུང་བའི་དཀའ་ངལ་ཡོད་པ་མ་ཟད་རྒྱ་ནག་གི་བུན་བདག་ཚོར་ལོ་མང་རིང་གི་བུ་ལོན་སྤྲོད་དགོས་པའི་གནས་སྟངས་ཞིག་ཏུ་འགྱུར་ཡོད་པའི་སྐོར་ནམ་མཁའ་བསྟན་འཛིན་གྱི་སྙན་སྒྲོན་ཞུ་ཡི་རེད།

རྒྱ་གར་དང་བོད་གཉིས་ཀྱི་ས་འབྲེལ་འཁེལ་ཡུལ་ཧི་མ་ལ་ཡའི་རི་སྟེང་མཐོ་ཚད་ཕི་ཏྲི་༡༧༠༠༠ སྟེང་དུ་གངས་རུད་ཅུང་ཟད་བརྒྱབ་པའི་རྐྱེན་ལས། རི་གཤམ་གྱི་མཚོ་ཆུ་རྒྱས་ཏེ་འབྲས་ལྗོངས་ཁུལ་དུ་མི་ལོ་༥༠ རིང་ལ་བྱུང་མྱོང་མེད་པའི་ཆུ་ལོག་ཆེན་པོ་དེའི་འབྱུང་རྐྱེན་དང་ད་ལྟའི་གནས་སྟངས་སོགས་ཀྱི་སྐོར་གླེང་མོལ་ཞུས་པ་གཤམ་གསལ།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་རྒྱ་གར་བྱང་ཤར་འབྲས་ལྗོངས་སུ་ཆུ་ལོག་གི་གོད་ཆག་ཚབས་ཆེ་བྱུང་བའི་རྒྱུ་རྐྱེན་དང་དེའི་གནོད་ཚབས། ས་གནས་བོད་མིའི་གནས་སྟངས་དང་ཡུལ་མི་རྣམས་ལ་གདུང་སེམས་མཉམ་བསྐྱེད་ཀྱིས་ལས་འགུལ་སྐོར་སོགས་ལ་གླེང་མོལ་ཞུས་ཡོད།

འབྲས་ལྗོངས་མངའ་སྡེ་ནང་དུ་ཟླ་བ་འདིའི་ཚེས་༤ སྔ་དྲོ་ཆུ་ལོག་ཚབས་ཆེ་བྱུང་བའི་རྐྱེན་གྱིས་མི་རྒྱུ་ཟོག་གསུམ་ལ་གནོད་འཚེ་ཧ་ཅང་ཆེན་པོ་བཟོས་ཡོད་སྟབས་ས་གནས་བོད་མི་འགོ་ལས་དང་མང་ཚོགས་རྣམས་ནས་གདུང་སེམས་མཉམ་བསྐྱེད་ཀྱི་ལས་འགུལ་འདྲ་མིན་སྤེལ་བཞིན་པའི་སྐོར་བསྟན་འཛིན་ནོར་བཟང་ལགས་ཀྱིས་སྙན་སྒྲོན་གནང་གི་རེད།

༄༅། །འབྲས་ལྗོངས་ནང་ད་ཆ་ཆུ་རུད་འཇིགས་པའི་ཉེན་ཁ་ཇེ་ཉུང་དུ་སོང་ཡོད་ཀྱང་ཆུ་རུད་ཀྱི་རྐྱེན་ངན་དེའི་འོག་མི་མང་༧༧ཙམ་ལ་སྲོག་སྐྱོན་བྱུང་བའི་ཁར་། །ཟམ་པ་དང་རྒྱ་ལམ། །གློག་སོགས་ཆད་ནས་མི་མང་སྟོང་ཚོ་མང་པོར་འབྲེལ་མཐུད་བྱེད་ཡུལ་མེད་པའི་དཀའ་ངལ་འཕྲད་བཞིན་པའི་སྐོར་ཚེ་བརྟན་ཆོས་སྒྲོན་ལགས་ཀྱིས་སྙན་སྒྲོན་ཞུ་ཡི་རེད།

རྒྱ་གར་བྱང་ཤར་འབྲས་ལྗོངས་ཁུལ་དུ་འབྲས་ལྗོངས་ནང་ཆུ་ལོག་གིས་རྐྱེན་པས་མི་འདས་གྲོངས་སུ་ཕྱིན་པའི་གྲངས་འབོར་འཕར་བཞིན་པ་དང་། རྒྱ་གར་གྱི་དམག་དཔུང་གིས་རྫས་མདེལ་ཆུ་ལ་ཤོར་རྐྱེན་སྤྱི་པའི་བདེ་འཇགས་ལ་གནོད་འཚེ་ཕོག་སྲིད་པའི་ཉེན་བརྡ་བཏང་ཡོད་པའི་སྐོར་འཕྲིན་ལས་ཆོས་སྒྲོན་ལགས་ཀྱིས་སྙན་སྒྲོན་ཞུས་ཡོད།

༄༅། །བལ་པོའི་སྲིད་བློན་དྷ་ཧཱལ་གྱིས་ལྷ་ས་དང་གངས་རིན་པོ་ཆེ་སོཊ་སུ་མ་བཅར་གོང་ལ་རྒྱ་ནག་ལ་ཕྱིན་ནས་རྒྱ་མིའི་སྲིད་འཛིན་ཞི་ཅིང་ཕིང་ཐུག་པའི་རྗེས་ལ་བལ་པོ་དང་རྒྱ་མིའི་ཟུང་འབྲེལ་བསྒྲཊ་གཏམ་སྤེལ་བའི་ནང་དོན་ནི་བོད་དང་བོད་པའི་རྩ་དོན་དང་བདེ་དོན་ལ་ཤུཊ་རྐྱེན་ཡོད་པའི་སྐོར་ཞིག་འཕྲིན་ལས་ཆོས་སྒྲོན་གྱིས་ངོ་སྤྲོད་ཞུ་ཡི་རེད།