Hinvegin - KVÖKING

Summi siga, at hann og hansara líkar eru stórsta hóttanin móti fólkaræðinum. Summi halda hann er bara skilagóður, væl orðaður og áhugaverdur. Flestu eru samd um, at hann bjóðar av.

Jón og Arni práta við mest umrødda útvarpspersón seinastu tíðina, Ragnar Eliansson og framleiðaran Høgna Mohr. Báðir nógv umrøddir í seinastuni í samband við poddvarpið "Elians sonur," sum fekk stóran part av føroysku andselituni upp at spjálka.

Jón prátar við Eivind Jacobsen beinleiðis í Hinvegin upptøkuhølunum í Norðragøtu.

Teir práta um gongdina í krígnum í Ukraina, um valdsjavnvágina millum sunnanlond og vestanlond og hvussu hetta ávirkar okkum í Føroyum.

Jón Tyril og Birita L. Jóansdóttir práta við Bárð Larsen, løgfrøðing og adjunkt á Fróðskaparsetrinum um Heimsheilsustovnin WHO, nýggju viðtøkubroytingarnar og nýggja farsóttarsáttmálan, sum Árni Skaale hevur sett Margit Stórá skrivligan fyrispurning um.

Tey koma í prátinum inn á mangt viðv. fólkaræði, nærdemokratii mótvegis stórum altjóðafelagskapum, fólkaræðisligari traditión og virðum og perspektivera tað í eitt føroyskt høpi.

Prátið var upprunaliga sent beinleiðis hin 2. apríl 2024

Tveir miðaldrandi hvítir hinskyndir giftir menn tosa um javnstøðu.Eru vit komin á mál? Hvussu tá? Ella hvat skal til fyri at vit koma á mál?Tað spyrja vit tykkum, og okkum sjálvar, kæru lurtarar og hyggjarar.

Gestur hesaferð er Sigert Paturson, formaður í Bóndafelagnum.

Vit tosa um bónding, vinnumøguleikar, ferðavinnu og nýggju umstríddu lógina um burðardygga ferðavinnu.

Jón og Arni práta um Ron Paul, libertarianismu, frælsi, tvingsil, forboð, Adam Smith, John Locke og mangt annað.

Við "live audience".

Summi hava eftirlýst meira ósemju í poddvarpinum. Well, Jón Tyril og Arni Zachariassen vassa aftur út á djúpt vatn, har ilt er at grynna, men hesaferð eru teir ikki eins samdir, hvønn veg, svimjast skal, sum teir onkuntíð hava verið. Er tað t.d. í lagi at samfeløg nýta harðskap? Hvar koma mannarættindi frá? Er okkara sivilisatión treytaleyst góð? Hvørjum skyldar tú trúskap, kongi ella næstanum? Hvat er ein tjóð? Fremur Ísraelska stjórnin fólkadráp í Gaza, og mangt annað kemur upp at venda í hesum partinum av KVÖKING. Lat okkum endiliga frætta í viðmerkingunum, hvat tit halda um hesi tingini, vit práta um, ella um poddvarpið hjá okkum sum heild. Vit taka fegnir móti afturmeldingum, hugskotum, rísi og rósi. Til vit aftur sita á kjørbreyt og hvøtja.

Ársins fyrsta kvöking saman við rithøvundanum og menniskjanum Høgna Mohr. Vit práta serliga um hvussu koronatíðin upplivdist, hvønn leiklut myndugleikar, fjølmiðlar og vanlig fólk høvdu, um pedel-syndromið, pringles-metoduna, um at nýta búkkensluna, til tess at skyna millum rætt og rangt, og mangt annað.

Jon og Arni práta um fallandi burðartíttleikan og mangt annað í tí sambandinum

Arni og Jón royna sum frægast at skava varisliga í lakkinum og at jokka sum minst í spinatið, tá ið teir práta um tvey mikið umstrídd evni seinastu tíðina, Kringvarp Føroya og Ísrael-Gaza stríðið. Hvussu tað gekst, kanst tú hoyra her í 12. parti av KVÖKING