Anna Lussand Selheim melde seg ut av Senterpartiet etter maratonhandsaminga av den minnelege Bømo-avtalen i desember. No går ho hardt ut mot partileiinga og tidlegare stortingsrepresentant Nils T. Bjørke si rolle bak kulissane. Bjørke og ordførar Tonje Ljones Såkvitne kjem også i studio for å svara kritikken i denne episoden.

See omnystudio.com/listener for privacy information.

Etter intense forhandlingar vart ein minneleg avtale mellom Voss herad og Bømoen AS lagt fram for politikarane rett før jol. Eit sju timar langt heradsstyremøte enda likevel med utsetjing av saka. Ordførar Tonje L. Såkvitne snakkar her om dramatikken i desember og vegen vidare. SV-politikar Margrethe Arm fortel kvifor dei raudgrøne "kameratane" er kritiske til avtalen og prosessen.

See omnystudio.com/listener for privacy information.

Den største konflikten på Bømoen har utan tvil vore mellom grunneigar Bømoen AS og Noregs største idrettslag av sitt slag, nemleg Voss fallskjermklubb. Dagleg leiar Andreas Hemli Håland og styreleiar Per Magne Kristiansen fortel om den særs spente situasjonen dei står i om dagen. Har klubben ei framtid på Voss?

See omnystudio.com/listener for privacy information.

Ein moglegheitsstudie frå 2011, som vart laga som eit samarbeid mellom Voss kommune og Forsvarsbygg, viste korleis Bømoen kunne utnyttast i framtida. Studien låg også til grunn for det kontroversielle og mykje omtalte planforslaget med 1000 bueiningar i Bømoen. Fleire har teke til ordet for at den 14 år gamle studien bør bli tillagt meir vekt i saka.

See omnystudio.com/listener for privacy information.

Ekstremsportveko har halde pusten medan utsiktene for vidare drivstoffleveranse på Bømoen har vore i det blå. Denne veka vedtok politikarane endeleg ei mellombels løysing, som redda luftsport under årets festival. Dagleg leiar Tord Bakke Arvesen og hans forgjengar Kjetil Kriken tek turen i podkaststudio for å snakka om Ekstremsportveko si fortid, notid og framtid.

See omnystudio.com/listener for privacy information.

Langdryg, krevjande, konfliktfylt. Tre ord som på mange måtar kan oppsummera Bømosaka. I denne episoden fortel ei rekkje politikarar om korleis det har vore å forhalda seg til Bømoen som folkevald både før og no, refleksjonar kring deira eigne forhold til området og vegen vidare i saka.

See omnystudio.com/listener for privacy information.

I juni 2024 kjem områdereguleringsplanen for Bømoen endeleg opp til politisk handsaming. Det vart dramatisk, særleg i formannskapet der handsaminga av Bømplanen inneheldt «alt». Her fortel sentrale, politiske aktørar om det som skjedde bak kulissane då området vart regulert.

See omnystudio.com/listener for privacy information.

Det store folkeengasjementet har verkelg prega Bømosaka, og særleg dei siste åra har vossingane mobilisert for det naturskjøne området. Det heile kulminerte i ein større aksjon utanfor Tinghusplassen då politikarane skulle behandla områdereguleringsplanen for Bømoen i juni 2024. Jan Fredrik Fleischer Tønjum og Benedicte Watvedt Skaug i Voss naturvernlag opnar her opp om deira engasjement i saka.

See omnystudio.com/listener for privacy information.

Voss kommune fekk forkjøpsrett då Bømoen skulle seljast i 2012. Den valde politikarane å ikkje nytta seg av, og Voss var heller aldri med i bodruden då området vart seld seinare same år. Det har mange angra på sidan. Fleire av dei som var med i vossapolitikken den gongen opnar her opp om då Bømoen glapp for kommunen.

See omnystudio.com/listener for privacy information.

Bømoen-saka har prega Voss i lang tid. Heilt sidan Voss kommune takka nei til å kjøpa området frå Forsvaret i 2012, og Bømoen AS seinare same haust fekk tilslaget, har framtida kring flyplass, beredskap. luftsport, idrett og friluftsliv i det gamle millitærområdet stadig verka å vera i det blå. I denne introduksjonsepisoden går Hordaland-journalistane Geir Geitle, Ørjan Brattetveit og Sverre Jervell gjennom historia til Bømoen i korte trekk.

See omnystudio.com/listener for privacy information.