Hitza Jolas

Ekainaren 18an, Iurretako Kepa Arroitajauregi pilotalekuan, sekulako bero sapa zela jokatu zen "Oinak buruan" Euskal Herriko Eskolarteko Bertsolari Txapelketaren finala. Irantzu Idoate izan zen txapeldun. Saio hartako bertsoaldiak entzungo ditugu eta denboraldiko azken bederatzikoa ere jasoko dugu. Nondik nora egingo ote du uda aurreko azken jauzian? Entzun! ...

Suaren argitan sorginak izan ohi dira gogoan. Gurean bada, bigarren Señora Sariketako finala izango dugu ardatz. Bertan bizi izandakoak ere izan zuen magia berezia eta protagonisten ahotsean jasoko dugu gainera. Leitzako herri antzokian izandako Glosadoreak ere entzungo ditugu eta gure bederatzikoak ez du hutsik egingo. Entzun nahi al duzu?...

2022ko Arabako Bertsolari Txapelketako finala errepasatzeko baliatu dugu honako saio hau. Gasteizko Europa jauregian, ekaniaren 11n izandako saioan, ofiziotan, bakarka zein buruz burukoan botatako bertsoaldiak berreskuratu ditugu. Bederatzikoari ordea egin diogu tartea. Nondik nora ote doa bederatzikoa? ...

Azken txanpan da 2022ko Arabako Bertsolari Txapelketa. Finalaren atarian gauden honetan, Araian eta Izarran jokatutako final erdietako saioetako bertsoaldiak bildu ditugu. Denak ezin sartu eta hautaketa egin beharrean izan gara. Bi saiohauen ostean, zehaztuta geratu da finala nortzuk jokatuko duten. Bederatzikoari ere egin diogu tartea! Ea gustuko duzun! ...

Nafarroako eta Arabako Eskolarteko finaletako bertsoaldiak hartu ditugu hasteko, baita Markina Xemeingo gazte egunekoak ere. Bederatzikoa, gazteen eskutik iritsi zaigu. Baina, nori bota ote dio bederatzikoaren puntua Igauri Lopetegik? Adinean gora eginda, Gipuzkoako adinekoen egoitzetan, "Adin adin" programaren barruan 18 bertso saio antolatu dira maiatzean. Xabier Urteaga lankidea, Bergarako Mizpirualde egoitzako saioan izan zen eta han jasotakoekin erreportajea prestatu digu. Entzun nahi al duzu?...

Aurrera doa Arabako bertsolari txapelketa. Dagoeneko final-erdien atarian dagoenez, final-laurdenetako bertsoaldi batzuk hautatu ditugu saio honetarako; Zigotiako eta Aramaioko saiokoak hain zuzen ere. Bederatzikoa Oreretako emaitz Muruak osatu du eta Nafarroara ere keinu sentikor bat egin nahi izan dugu. ...

Bertsoen uzta urta osoan jasotzen dugu. Saio honetarako, bizkaiko soroetatik bildutakoak hautatu ditugu. batetik Abadiñoko Matiena auzoako Errota Kultur etxeko saioko bertsoaldiak ditugu eta bestetik berriz Iurretan "durangaldea uztabarritzen" bertso-zirkuituko saiokoak entzungo ditugu. Gipuzkoan, Zestoan egitekoak diren jaialdi baten berri ere jasoko dugu eta gure bederatzikoa Ipar Euskal Herritik irtsiko zaigu. Nora joango ote da orain? ...

Itziarren, Lasturko tabernan jokatu zen Gipuzkoako Eskolarteko Bertsolari txapelketako aurtengo finala. June Aiestaran izan zen txapelduna. Bada, abiatzear den II. Señora Txapelketan, txapela ordez, pamela janzteko hautagaiak ere prest dira dagoeneko. Danele Sarriugartek emango digu sariketaren berri. Bertso saioetan estimu handia izaten dute ariketa berriek baina... Ia zer deritzozuen Bergarakoari. Bederatzikoak bestalde, Ipar Euskal Herrian jarraitzen du. Norengana joan ote da? ...

Zumaian San telmoen atarian izandako bertso-saioa eta Bergaran, seminarixuan Erramu zapatu bezperako jaialdiko bertsoaldiak dira saio honetako ardatzak. Ipar Euskal Herritik iritsiko zaigu bederatzikoa eta Arabako zein Euskal Herriko Bertsolari Txapelketa Nagusiaren inguruan aste honetan esandakoak ere jasoko ditugu. Ez geratu ordea atarian eta zatoz gurekin!...

Gabiriako Osinalde elkartean jokatu zen apirilaren 23an Osinalde sariko finala. Aurreko hiru kanporaketetako sailkatuek osatu zuten seikotea. Ane Zuazubiskar izan zen garaile eta Aner Peritz bigarren. Bertsorik onenaren saria ere Peritzek jaso zuen. Bi urteren ostean, afal-osteko formatura itzuli ziren eta entzungo duzun gisan handia izan zen bertaratuen bertso-gosea. Ea bertaratuek bezainbeste gozatzen duzun guk hautatutako bertsoak entzunez. Bederatzikoa berriz, Zuberoatik jasoko dugu. ...