Hkini | حكيني

بهالحلقة من حكيني مع رولا الركبي، عضو مؤسس بالحركة السياسية النسوية السورية ومديرة جمعية النساء الآن، منحكي اكتر عن تطور مشاركة النساء بالثورة السورية وانتقالهن من أدوار مسانِدة لعمل سياسي منظّم، بالرغم من التحديات الكتيرة اللي بتواجه هالمشاركة، كالعسكرة وغياب الأطر القانونية اللي بتنظّم العمل السياسي وبتعزّز الحراك النسوي.

بالهحلقة من حكيني بتخبرنا الدكتورة زينة علّوش، خبيرة بحماية الطفل والسياسات الرعائية، عن حالات التبني غير الشرعية اللي صارت بالحرب اللبنانية وكيف بتتحوّل الواجهات الإنسانية في الحروب لأدوات ممنهجة لإعادة إنتاج العنف ضد الأطفال.

*ان الآراء المعبر عنها في هذه الحلقة تعبر عن اصحابها فقط، ولا تعكس بالضرورة وجهات نظر حكومة كندا او هيئة الامم المتحدة للمرأة او الامم المتحدة او اي من المنظمات التابعة لها، ولا تتحمل اي منها اي مسؤولية عنها*

بهالحلقة من حكيني مع المحامية ليال صقر والباحثة هبة سكرية من نواة للمبادرات القانونية، منفتح نقاش عن الفئات اللي غالبًا ما بتطالها الاستجابة الإنسانية بوقت الأزمات، مش لأنّها الأقل حاجة، بل لأنّها الأقل تمثيلًا والأقل قدرة على التعبير عن أولوياتها واحتياجاتها.

منحكي عن النساء، والأشخاص ذوي الإعاقة، واللاجئين، وغيرهم من الفئات اللي بيتأثّر وصولها بالخوف، والوصم، والإقصاء، أو بالتعامل معها من خارج أي مقاربة حقوقية. ومنسأل: كيف بتفهم البلديات الشمول؟ هل هو نهج لازم ينعكس على كل الاستجابة، أو مجرد ملف ثانوي بيتم تأجيله وقت الأزمات؟

بهالحلقة من حكيني مع ساندي متيرك، مديرة جمعية حلم، منفتح نقاش عن الشمول بالاستجابات الإنسانية بوقت الحرب: هل فعلًا بتوصل للكل، أو إنّها أحيانًا بتترك بعض الفئات برّا؟ منحكي عن كيف بتتقاطع عوامل مثل الجندر، والإعاقة، والهوية، والنزوح، والوضع القانوني والاجتماعي، لتحدد مين بيوصل للمساعدة ومين بيضل غير مرئي أو مستبعد.

حلقة عن الحماية، والوصول، والمعنى الحقيقي للاستجابة الشاملة ببلد مثل لبنان.

بهالحلقة من حكيني مع رينا صفير، مديرة العيادة القانونية لحقوق الانسان بجامعة الحكمة، وعضو بالهيئة الوطنية للمفقودين والمخفيين قسرا بلبنان، منسلط الضوء على البعد الجندري لهالقضية، والعبء يلي بتتحمله النساء بظل وجود قيود قانونية ومجتمعية وضعف المساعي لتحقيق عدالة ترميمية فعلية.

بهيدي الحلقة من بودكاست "حكيني قانون" منحكي عن كيف الفنون على اختلافها وتنوعها بتساهم بمناصرة قضايا مجتمع الميم عين في لبنان ودعم حقوقهم مع داينا اش، المديرة التنفيذية لجمعية Haven for Artists

بمناسبة اليوم العالمي لذكرى العابرين/ات جندرياً، منخصص هيدي الحلقة من بودكاست "حكيني قانون" لنحكي عن التمييز والانتهاكات يلي بيتعرض لها أفراد مجتمع الميم عين وتحديداً النساء العابرات في لبنان استناداً إلى تقارير هيومن رايتس مع ضيفتنا رشا يونس الباحثة في قضايا مجتمع الميم عين بهيدي المنظمة.

بالحلقة ١٩ منحكي عن الواقع القانوني لقضايا أفراد مجتمع الميم عين في لبنان ومعاناتهم بين الدستور والقوانين الداخلية مع ليال صقر، المؤسسة والمديرة التنفيذية ب "نواة للمبادرات القانونية".

بالحلقة ١٧ من بودكاست "حكيني قانون" منحكي عن حقوق مجتمع الميم بالرعاية الصحية مع سهى بلوط، استاذة جامعية وعضو ورئيسة الجمعية الطبية اللبنانية LebMASH