Á næstu dögum kemur út ný bók eftir Val Gunnarsson, rithöfund, um Úkraínustríðið og bakgrunn þess, en Valur hefur áður skrifað um Austurveg í bók sinni Bjarmalönd, sem kom út 2021. Í þessum fimmta þætti Hriflunnar ræðir Dr. Magnús Skjöld við Val um nýju bókina, um stríðið og andrúmsloftið í Úkraínu

Í fjórða þætti Hriflunnar eru gestir okkar þau Alexandra Briem, forseti borgarstjórnar Reykjavíkur, Páll Rafnar Þorsteinsson, verkefnisstjóri við Siðfræðistofnun Háskóla Íslands og Sævar Ari Finnbogason, aðjúnkt í heimspeki við Háskólann á Bifröst. Við ræðum stöðu lýðræðisins, en einnig málefni líðandi stundar, sérstaklega söluna á Íslandsbanka, sem hefur sætt mikilli gagnrýni og ýft upp sár frá því í fjármálahruninu 2008.

Í þessum þætti fáum við til okkar Kristrúnu Frostadóttur, alþingismann, Gunnar Haraldsson, hagfræðing og framkvæmdastjóra Intellicon og Hönnu Kristínu Skaptadóttur, lektor við Háskólann á Bifröst og ræðum hagmálin í stóru samhengi. Við tölum um vaxandi ójöfnuð, framtíðina, nýja tækni, fasteignamarkaðinn, gervigreind og “fjórðu iðnbyltinguna” svokölluðu.

Við Íslendingar erum að vakna upp við það að rasismi viðgengst hér rétt eins og annarsstaðar og á sér ýmsar birtingarmyndir eins og fréttir síðustu daga sýna okkur fram á. Er þetta kynslóðamál? Af hverju halda Íslendingar að rasismi sé ekki vandamál hér? Til að ræða þetta mikilvæga mál og önnur sem eru ofarlega á döfinni koma til okkar í Hrifluna Lenya Rún Taha Karim, varaþingmaður, Andri Snær Magnason, rithöfundur og Njörður Sigurjónsson, prófessor við Háskólann á Bifröst.

Hriflan er nýtt Hlaðvarp sem félagsvísindadeild Háskólans á Bifröst gefur út og snýr að þeim stóru áskorunum sem blasa við heiminum í dag. Stjórnandi Hriflunnar er dr. Magnús Magnús Skjöld, dósent.  

Í þessum fyrsta þætti Hriflunnar er innrás Rússa í Úkraínu í deiglunni, atburður sem hefur þegar breytt gangi heimsögunnar. Valur Gunnarsson rithöfundur, Birna Þórarinsdóttir, framkvæmdastjóri UNICEF á Íslandi og dr. Eiríkur Bergmann, prófessor við Háskólann á Bifröst, ræða innrásina mánuði eftir að Rússar réðust inn í Úkraínu, við dr. Magnús Skjöld. Hvers vegna skyldu spár um skjótan sigur Rússa í Úkraínu ekki hafa gengið eftir?