სგა შომა ხისპე მიშგუ̂ათე, ლჷჴმაშ ი ქუთ მა̄რ ლჷმა̄რე,

როდის შემოივლი ჩემთან, ორნახადი და ხაჭაპური მაქვს მზად,

იმღადო ხისპე მიშგუ̂ათე, ქა̄̈მჷმბა̈უ̂ ჯუ̂ინელ ი მახე,

რად არ შემოივლი ჩემთან, მომიყევი ძველი და ახალი.

სგა შომა ხისპე მიშგუ̂ათე, ლჷჴმაშ ი ქუთ მა̄რ ლჷმა̄რე,

როდის შემოივლი ჩემთან, ორნახადი და ხაჭაპური მაქვს მზად,

იმღადო ხისპე მიშგუ̂ათე, ქა̄̈მჷმბა̈უ̂ ჯუ̂ინელ ი მახე,

რად არ შემოივლი ჩემთან, მომიყევი ძველი და ახალი.

ქა̄̈მჷმბა̈უ̂ ჯუ̂ინელ ი მახე,

მომიყევი ძველი და ახალი.

მაჭიმ მა̄ ლახ მა̄მ აჯკედნე ჰაჯს, ძგიდჩუ ლახ ა̈შუ̂დე ისგუ ქაჯა̈რს,

გამომყვები კი, თავს თუ არ დაგანებებ, შენს დემონებს თუკი ხრამში გადავყრი,

მიშგუს ა̈ნცუ̂ემნე ჲა̈რ კა̈ნდ? ა̈ნცუ̂ემნე ჲა̈რ კა̈ნდ?!

ჩემებს აიკიდებს კი ვინმე? აიკიდებს კი ვინმე?!

მალატ გარ მა̄მ ხაჟხა ალას, ქუ̂ინ ჲერ ათა̈სდ ხაფხიჟ ზაგა̈რს,

ამას მხოლოდ სიყვარული არ ჰქვია - სული რომ ათასად გაშლილა ტაფობებზე,

აშირ ნა̄̈თიდ ჩი კუთხუ̂ს ი მუხუ̂ირს; უყუ̂რილად ჲერ მიკარ ჰალა̈გ.

ას ნაწილად ყველა კუთხესა და კუნჭულში; დაუცავად რომ მაქვს ჭიშკარი შეღებული.

ქა̄მბარა̈ი ჰე̄რია̄̈ლ ძგიდჩუ, მიშგუ გუ̂ეფა̈რს ხუ̂ატყუ̂ბე ჰოკერს,

გამაყოლე შენი ეშმაკები ხევში, ფსკერზე ჩემებთან მოვუყრი თავს,

ქა დეშ ჯიკრე დეცი ჰალგა̈რს, მარე აბრეგდ ხუ̂ეჭუ̂ა̄̈დი გარგა̈სს,

კი ვერ გაგიხსნი ზეცის კარიბჭეებს, მაგრამ აბრაგებად შევესევი ჯოჯოხეთს.

აბრეგდ ხუ̂ეჭუ̂ა̄̈დი გარგა̈სს.

აბრაგებად შევესევი ჯოჯოხეთს.

ხედა გუ̂ე̄რა ხოჩე̄ლ, ჰა? მა̈ი როქუ̂ ი̄რა ლეფშგე, ჰა?

რა აჯობებს ჩვენთვის, რა? რა გვექნებაო გასახსნელი, ჰა?

მი ჯატუ̄ლი ბა̈ნს ი კიუ̂ა̈ნს, ს'ე̄ჯას ლა̄ხეშდ მა̄̈ნკუ̂ი,

მე გეტყვი ბანს და პირველს, შენ კი მას მიხედე ჯერ,

ლი̄მახუ̂ს გარ ჲერ ანღლი მიშგუ̂ახა̈ნ.

მტრობას რომ მოელის ჩემგან მხოლოდ.

სი ხოჩე̄მი ლაჭკუ̂ა̈რს ლა̈მმურჯ, ჩი̄მი ბედჟი̄ნ - ჟა̈მიჰშ უ̄ღუ̂ა.

შენ კარგზე ფიქრში მომეშველე, ყველას ბედზე, გამიიოლე ტვირთის ზიდვა,

მახე ლიცი ლითრე̄მი გუა̈რდ, მა̄მგუ̂ეშ ხასია̈მხ თეს ი შდჷმრა̈ლს,

ახალი წყლის შესმის მსგავსად, არაფერი აამებთ თვალს და ყურებს.

ქა მა̄მ შდუ̂ეხნი, გირკიდ ხუ̂ეყუ̂ბი, ლე̄თშუ̂ ი ლადა̈ღშუ̂ ისგუ სგიმა̈რს.

არ გავწყდები, ირგვლივ შემოვევლები, ღამით და დღისით შენს მჟავეწყლებს.

ქა მა̄მ შდუ̂ეხნი, გირკიდ ხუ̂ეყუ̂ბი, ლე̄თშუ̂ ი ლადა̈ღშუ̂ ისგუ სგიმა̈რს.

არ გავწყდები, ირგვლივ შემოვევლები ღამით და დღისით შენს მჟავეწყლებს.

მაჭიმ მა̄ ლახ მა̄მ აჯკედნე ჰაჯს,

გამომყვები თუკი თავს არ დაგანებებ,

ქა ლახ აჯქა̈დნე გუ̂ი̄მიზიგს,

გულისტკივილს თუ აგარიდებ,

მაუ̂ინს ე̄მა ჟა̈ჯშდიხე,

მავნებელს თუ მოგისპობ,

ლაგუ̂სედნი მა̄ ქუ̂ინ,

გადავრჩებით კი?!

სგა შომა ხისპე მიშგუ̂ათე, ქა̄̈მჷმბა̈უ̂ ჯუ̂ინელ ი მახე,

როდის შემოივლი ჩემთან, მომიყევი ძველი და ახალი.

მოგუ̂ა̄̈ი ლარდა ლი ეჩე, ამე ხოჩა ჰა ეჩე?

როგორია იქ, აქ ჯობია თუ იქ?

სგა შომა ხისპე მიშგუ̂ათე, ლჷჴმაშ ი ქუთ მა̄რ ლჷმა̄რე,

როდის შემოივლი ჩემთან, ორნახადი და ხაჭაპური მაქვს მზად,

იმღადო ხისპე მიშგუ̂ათე, ქა̄̈მჷმბა̈უ̂ ჯუ̂ინელ ი მახე.

რად არ შემოივლი ჩემთან, მომიყევი ძველი და ახალი.

სგა შომა ხისპე მიშგუ̂ათე, ქა̄̈მჷმბა̈უ̂ ჯუ̂ინელ ი მახე,

როდის შემოივლი ჩემთან, მომიყევი ძველი და ახალი.

მოგუ̂ა̄̈ი ლარდა ლი ეჩე, ამე ხოჩა ჰა ეჩე?

როგორია იქ, აქ ჯობია თუ იქ?

სგა შომა ხისპე მიშგუ̂ათე, ლჷჴმაშ ი ქუთ მა̄რ ლჷმა̄რე,

როდის შემოივლი ჩემთან, ორნახადი და ხაჭაპური მაქვს მზად,

იმღადო ხისპე მიშგუ̂ათე, ქა̄̈მჷმბა̈უ̂ ჯუ̂ინელ ი მახე.

რად არ შემოივლი ჩემთან, მომიყევი ძველი და ახალი.