[audio:http://blogs.dickinson.edu/archive/images/hymn-to-a-gladiator.mp3]

Hermes Martia saeculi uoluptas,

Hermes omnibus eruditus armis,

Hermes et gladiator et magister,

Hermes turbo sui tremorque ludi,

Hermes, quem timet Helius, sed unum, 5

Hermes, cui cadit Aduolans, sed uni,

Hermes uincere nec ferire doctus,

Hermes subpositicius sibi ipse,

Hermes diuitiae locariorum,

Hermes cura laborque ludiarum, 10

Hermes belligera superbus hasta,

Hermes aequoreo minax tridente,

Hermes casside languida timendus,

Hermes gloria Martis uniuersi,

Hermes omnia solus et ter unus. 15

Subscribe with