Hər gün yüzlərlə insanın yanından keçirik, amma onların da bizim kimi bir hekayəsi olduğunu çox vaxt unuduruq. Bu epizodda Sonder anlayışını, empatiyanı və başqalarının həyatında necə iz buraxdığımızı birlikdə araşdırırıq.Bəzən bir neçə saniyəlik qarşılaşmalar belə ömür boyu unudulmayan xatirələrə çevrilə bilir:)

Bəzi yerlərə daxil olanda niyə özümüzü rahat, bəzilərində isə narahat hiss edirik? Bu bölümdə məkanların enerjisi, insanların hissləri və bu mövzuya həm psixoloji, həm də fəlsəfi baxışdan danışıram.

Özümüzdən gizlətdiyimiz həqiqətlər, bəhanələr və qəbul etmək istəmədiyimiz reallıqlar həyatımıza necə təsir edir? Bəzən özümüzə söylədiyimiz kiçik bir yalan belə gələcəyimizi dəyişə bilər

Bəlkə də heç kim tam böyümür. Sadəcə zaman keçdikcə hisslərimizi gizlətməyi, yorğun olduğumuz halda gülümsəməyi və hər şey qaydasındaymış kimi davranmağı öyrənirik.

Əgər hər şeyə sıfırdan başlama şansın olsaydı,yenə eyni həyatı seçərdin?
Bu bölümdə qərarlar, peşmanlıqlar, təsadüflər və bizi biz edən bütün seçimlərdən danışdıq. Bəzən dəyişmək istədiyimiz şeylər, əslində bizi bugünkü insana çevirən şeylər olur:)

Azad olduğumuzu düşünürük. Amma qərarlarımız doğrudan da özümüzə məxsusdurmu? Bu epizodda insanın azadlığı və seçimlərimizin arxasındakı təsirləri haqqında danışdım:)

Bu epizodda sosial şəbəkələrin insan psixologiyasına necə təsir etdiyini danışdım. Sosial mediada gördüyümüz həyatların bizdə yaratdığı müqayisə hissi, özümüzü yetərsiz hiss etməyimiz və bunun düşüncələrimizə təsiri haqqında fikirlərimi bölüşdüm.

Bəzən insan başqalarından yox, öz fikirlərindən qaçır. Tək qalanda beynimizdə çoxlu suallar yaranır və bu suallar bəzən bizi narahat edir. Bu epizodda tək qalma qorxusu, səssizliyin psixologiyası haqqında danışıram

Hər birimiz həyatımızda bəzi xatirələrin bizi buraxmadığını hiss edirik. Bu bölümdə uşaqlıq xatirələrindən, keçmiş dostlardan və həyatımıza təsir edən insanlardan danışırıq. Gəlin birlikdə baxaq ki, niyə bəzi anlar heç vaxt yaddaşımızdan çıxmır və onlar bizi necə formalaşdırır

Bu epizodda özəl günlərdən yox, həyatımızı həqiqətən dəyərli edən özəl anlardan danışıram. Bəlkə də sevgi və diqqət üçün xüsusi bir tarix gözləməyə ehtiyac yoxdur:)