D’Strooss am Ausgang vun Iechternach op Dikrech, déi bei den Iwwerschwemmunge viru véier Joer beschiedegt gouf, soll elo endlech reparéiert ginn. D’Aarbechte fänken nom Congé Collectif un, heescht et an enger schrëftlecher Äntwert vu Ponts&Chaussées op eis Nofro hin. Iechternach preparéiert sech och op eng Zukunft, bei där Iwwerschwemmungen nach méi dacks wäerte virkommen.