2023ko maiatzaren 14an Baionako Etxepare lizeoko 2 ikaslek eta Elkartenetek hitzordua ematen dizuete Senpereko lakuan, Xiberoa gunean. Goizeko 9etatik arratsaldeko 5ak arte, Txikilinux sistema eragilea eta birgaituak izan diren ordenagailuak ezagutzeko eta erosteko parada izango duzue.

Zatozte gure proiektua ezagutzera! Gora Lanbide Heziketako ikasleak!

Baionako Etxepare lizeoko Lanbide Heziketa Merkataritzako bi ikasleek kooperatiba bat sortu dute haien Lan Nagusia aurrera ateratzeko asmoarekin. ILARGIKOOP du izena eta Elkartenetek saldutako Toshiba gorriak erosi eta Seaskako gurasoei saltzea dute helburu. Ordenagailuen sistema eragilea Txikilinux da.

Haien helburua erdiesteko, bi animazio tailer proposatuko dute lehen mailako ikastola batean eta Herri Urratsen.

3 hitzetan laburbil dezakegu honako proiektua: Ekintzailetza, Kooperatibismoa eta Ekonomia Zirkular Eraldatzailea.

Aitzina Ilargikoop!