Արմաթ ճարտարագիտական աշխատանոցներն այս տարի կընդլայնեն իրենց սահմաններն ու համագործակցությունն արտասահմանյան գործընկերների հետ։ ԱՏՁՄ գործադիր տնօրեն Հայկ Չոբանյանի խոսքով՝ պատրաստվում են 50 նոր «Արմաթ» լաբորատորիա բացել Հայաստանում և 50 այլ պետությունում։ Փետրվարին նախատեսվում է ԱՏՁՄ պատվիրակության այց Քուվեյթ և այնտեղ Արմաթ լաբորատորիայի հիմնում, կլինեն նաև հանդիպումներ տեխնոլոգիական ոլորտի առաջատար ներկայացուցիչների հետ։ Մարտ ամսին էլ պատվիրակությունը կմեկնի Գլենդել՝ Արմաթ աշխատանոցի բացմանը մասնկացելու համար։

Հայաստանի 10 դպրոցի աշակերտներ կկարողանան ծանոթանալ արհեստական բանականության հետաքրքիր ու բարդ աշխարհին. Հայաստանի գիտության և տեխնոլոգիաների հիմնադրամի (FAST) և ԿԳՄՍ նախարարության համատեղ մշակել է «Արհեստական բանականության սերունդ» ծրագիրը։ 

Այս տարվա սեպտեմբերից ընտրված դպրոցների 10-12-րդ դասարանների աշակերտները խորապես կուսումնասիրեն արհեստական բանականության թեման, ինչը կօգնի նաև հետագա մասնագիտության ընտրության հարցում։ Թեմայի մասին զրուցել են FAST-ի կրթական ծրագրերի ղեկավար Անուշ Այվազյանի հետ։

Հայաստանում կանանց տնտեսական հզորացմանը նպաստելու, հասարակական-քաղաքական կյանքի բոլոր ոլորտներում ակտիվ ներգրավվածությունն ապահովելու նպատակով՝ Աշխատանքի և սոցիալական հարցերի, Էկոնոմիկայի նախարարությունների և ՄԱԿ-ի Զարգացման ծրագրի (ՄԱԶԾ) համատեղ ջանքերով մեկնարկում է  «Platform #5» կանանց մասնագիտական ուսուցման ծրագիրը։

Հնարավորություն է տրվում գործազուրկ կանանց թվային մարքեթինգի ոլորտում ձեռք բերել նոր հմտություններ և հետագայում ընդունվել աշխատանքի։ Ծրագրի մասին զրուցել ենք «Սովորիր օնլայն» կենտրոնի տնօրեն Հայկ Հովակիմյանի հետ։

| Հրապարակվել են Էմի Ուայնհաուսի մասին պատմող ֆիլմի առաջին կադրերը 

| Մայլի Սայրուսը թողարկել է ''Flowers'' սինգլը  

| Կկայանա «Ավրորայի լուսաբացը» ֆիլմի շվեդական պաշտոնական պրեմիերան   

| Թեյլոր Սվիֆթի ,,Anti-hero“ երգը երկու ամիս շարունակ գլխավորում է Billboard Hot 100 ցուցակը  

| Շակիրայի նոր երգը, թողարկումից հետո` մեկ օրվա ընթացքում, գրանցել է ավելի քան 63մլն դիտում  

| Նեմրա ռոք-խումբը նոր երգ է թողարկել  

| Թողարկման վերջում` հոլիվուդյան դերասան Բրեդ Փիթի մասին

Միջազգային հարաբերություների Ազգային ժողովրդավարության ինստիտուտը (NDI) և Ազգային ժողովը բակալավրի աստիճան ունեցող երիտասարդներին առաջարկում ենք մասնակցել խորհրդարանական պրակտիկայի ծրագրին։ Ընտրված 20 պրակտիկանտները կաշխատեն ԱԺ պատգամավորների, խմբակցությունների, մշտական հանձնաժողովների և աշխատակազմի վարչությունների հետ։

Պրակտիկայի ծրագիրը մեկնարկելու է Ազգային ժողովի ձմեռային նստաշրջանում։ Ծրագրի տասը ամիսների ընթացքում պրակտիկանտները մոտիկից կծանոթանան օրենսդրական գործընթացներին, քաղաքացիների հետ աշխատանքներին, խորհրդարանական դիվանագիտությանը և կառավարության նկատմամբ խորհրդարանական վերահսկողության գործընթացներին՝ անմիջապես աշխատելով խորհրդարանականների և ԱԺ աշխատակազմի հետ։ Հայտադիմումներն ընդունվում են մինչև հունվարի 22-ը։ 

Այս տարվա սեպտեմբերին Երևանի պետական համալսարանը կբացի իր առաջին STEM դպրոցը: Ավագ դպրոցը կընդունի 10-րդ և 11-րդ դասարանների երեք խումբ: Բնագիտամաթեմատիկական ուղղվածությամբ դպրոցում դասավանդելու են ոլորտի լավագույն մասնագետները: Ծրագիրն այս պահին նախագծման փուլում է: Յուրաքանչյուր առարկայի համար կազմվել են հեղինակային ծրագրեր:

Թեմայի մասին զրուցել ենք ԵՊՀ քիմիայի ֆակուլտետի փոխդեկան Արմեն Գալստյանի հետ և ԵՊՀ կենսաբանության ֆակուլտետի Մարդու և կենդանիների ֆիզիոլոգիայի ամբիոնի վարիչ Աննա Կարապետյանի հետ: 

| Կայացավ «Ոսկե գլոբուս 2023»-ը  

| Bad Bunny-ին, Black Pink-ը և Frank Ocean-ը կգլխավորեն Coachella 22-րդ երաժշտական փառատոնը 

| Արքայազն Հարիի «Պահեստայինը» հուշագրությունը դարձել է բրիտանական պատմության ամենավաճառվող ոչ գեղարվեստական գիրքը  

| «Տիտանիկ»-ը փետրվարի 10-ից վերադառնում է կինոթատրոններ` ֆիլմի 25-ամյա հոբելյանին ընդառաջ  

| Սերգեյ Փարաջանովի թանգարանը հանդես կգա նոր ծրագրերով  

| Թողարկման վերջում ` կանադացի երգիչ The Weeknd-ի մասին

4 ազդեցիկ հսկաների մասին պատմող Ամերիկացի բիզնես-պրոֆեսոր և ձեռնարկատեր Սքոթ Գալուեյի «Մեծ Քառյակը» գիրքը Newmag-ը ներկայացրել է հայերեն։ Ըստ հեղինակի՝ Amazon, Apple, Facebook և Google ընկերությունների հաջողության ամենամեծ գրավականը մարդկային հույզերն են, ու նրանց՝ այդ հույզերը մանիպուլացնելու կարողությունը: Սքոթ Գալուեյի թվարկում է այս ընկերությունների տված արժեքավոր դասերը, բացահայտում է նրանց գերակայությունն ամրապնդելու գործիքներն ու այն հնարքները, թե ինչպես են կառուցում այսպիսի տեխնոկայսրություններ։

Creative Armenia-ն նախաձեռնել է «10 եղանակ աջակցելու հայ արվեստին» դրամահավաք-արշավը. նպատակն է օգնել արվեստի տարբեր ճյուղերում ստեղծագործող հայ արվեստագետներին։ Նրանց տրվում են հնարավորությունների, գործիքների և հմտությունների այնպիսի բազմազանություն, ինչպիսիք են ուղղորդումը, մենթորությունը, կապերը, անհատական ​​բրենդինգը, կայքերը և ավելին։

Creative Armenia հիմնադրամի գործունեության և այս դրամահավաքի մասին զրուցում են ծրագրերի տնօրեն Անուշ Տեր-Խաչատրյանի հետ։

Բնագիտամաթեմատիկական կրթության որակը միջնակարգ և ավագ դպրոցներում բարձրացնելու նպատակով անցկացվում է «ԳիտՍԵՐունդ» ծրագիրը։ Դրա շրջանակում մշակվել են դասավանդման նոր ռեսուրսներ, որոնք հնարավորություն կտան ուսուցիչներին բարձրացնել ուսուցման արդյունավետությունը: «ԳիտՍԵՐունդ»-ը կարևորում է դպրոցներում ակտիվ ուսումնառության դերը։ Ծրագիրն իրականցնում է Հայաստանում Ամերիկյան Համալսարանի ճարտարագիտական հետազոտությունների կենտրոնը` ՀՀ-ում ԱՄՆ դեսպանատան ֆինանսավորմամբ։

Թեմայի մասին զրուցում ենք «ԳիտՍԵՐունդ» ծրագրի գլխավոր հետազոտող Արթուր Խալաթյանի և Մասիսի համար 5 դպրոցի ֆիզիկայի ուսուցիչ Նելլի Ասոյանի հետ։