62 երկրից կազմված արհեստական բանականության ինդեքսում այժմ Հայաստանը 57-րդն է, իսկ 2020-2021 թին դեռևս չկար: Այս մասին «Հայաստանի գիտության և նորարարական  էկոհամակարգի զարգացման հեռանկարները» թեմայով հանդիպում-քննարկմանը նշեց FAST-ի հիմնադիր տնօրեն Արմեն Օրուջյանը և հավելեց, որ հիմնադրամի նպատակն 5 տարվա ընթացքում Հայաստանը ընդգրկել  Rising star խմբում, իսկ դրա համար պետք է շատ աշխատել։

Պետական եկամուտների կոմիտեի ամբողջովին փոխվում է մաքսային ծառայության ընդունվելու ընթացակարգը։ Նոր չափանիշներով մասնագետներ պատրաստելու համար անցկացվելու է դասընթացների շարք․ դիմում–հայտերի ներկայացման վերջնաժամկետը փետրվարի 28-ն է: Դասընթացը հաջողությամբ ավարտածները կստանան հավաստագիր (3 տարի ժամկետով) և աշխատանքի առաջարկի հնարավորություն՝ մաքսային ծառայության տարբեր պաշտոններում:

Թեմայի մասին զրուցել ենք ՊԵԿ ՄՀՎ նախնական մաքսային հայտարարագրերի հսկողության բաժնի պետ Սամվել Ղազարյանի և Արևմտյան մաքսատուն-վարչության ուղեւորների մաքսային հսկողության 3-րդ բաժանմունքի գլխավոր մաքսային տեսուչ Էմիլիա Նավոյանի հետ։

ԿԳՄՍ նախարարությունն ամփոփել է «100 գաղափար Հայաստանի համար» մրցույթը։ Գիտությամբ զբաղվող երիտասարդները յուրաքանչյուր տարի հնարավորություն են ստանում նորարարական լուծումներ առաջարկել գոյություն ունեցող խնդիրներին։ Մրցույթն ունի ավելի քան 20  անվանակարգ, որոնք ներառում են տարբեր ոլորտներ:

Թեմայի մասին զրուցել ենք ԿԳՄՍ նախարարության երիտասարդական քաղաքականության լրացուցիչ և շարունակական կրթության պետ Գոհար Մամիկոնյանի և մրցույթի մասնակից, դեղագետ Մոնիկա Իսրայելյանի հետ։

«My Forest  Armenia» բնապահպանական հասարակական կազմակերպությունը հիմնադրվել է 2019 թվականին՝ նպատակ ունենալով  մեծացնել Հայաստանի անտառածածկը՝ ծառատնկման և խնամքի միջոցառումների միջոցով։

Իր գործունեության  2,5 տարվա ընթացքում կազմակերպությունն իրականացրել է շուրջ 150 հեկտար տարածքի անտառապատում՝ տնկելով ավելի քան 385․000 ծառ Լոռու և Տավուշի մարզերում՝ բարերարների, կորպորատիվ գործընկերների և անհատների  նվիրաբերության, հանգանակության շնորհիվ։ 

Այս թողարկմանը կարող եք լսել նորություններ կինոաշխարհից՝ Օսկարի հիմնական անվանակարգերի հավակնորդները, Ադամ Դրայվերի նոր դերն ու հայկական ֆիլմը՝ ռուսական մրցանակաբաշխության նոմինանտ։ 

 Հարցազրույցն այս թողարկմանը ՀՀ-ում ԱՄՆ դեսպանատան մշակութային կցորդ Մարշա Աութլոյի հետ է․ նա պատմում է Աֆրոամերիկյան պատմության ամսվա մասին։ 

Ժեստերի լեզուն լսելի դարձնելու նպատակով վանաձորցի երիտասարդները համախամբվել են մեկ գաղափարի շուրջ։ Արդեն մի քանի ամիս է, ինչ ինժեներ–ծրագրավորող Արփինե Սարգսյանը Լոռու տարածաշրջանային պետական քոլեջի իր ներկա և նախկին 3 ուսանողի հետ ստեղծել է «Tiny» ստարտափը, որի առաջին նախագիծը «Gestures.ai»-ն է։ Այն նախատեսված է լսողական խնդիրներ ունեցող մարդկանց համար։ Նպատակն է մեկն է՝ ստեղծել շփման հեշտ և արդյունավետ տարբերակ։ Արհեստական բանականությամբ աշխատող սարքին ժեստերի լեզուն սովորեցրել են մասնագետը։

Բիթրեյթի այսօրվա էպիզոդն անվանում եմ ֆուտուրիստական էլեկտրոփոփի և զղջացող ալտերնատիվի սինթեզ: Եթե ավելի մարդկային լեզվով ասեմ՝ լսում ենք բրիտանական Bastille խմբի և ճապոնական արմատներով ամերիկացի երգչուհի Mitski-ի նոր ալբոմները:

Սիրո տոնն անակնկալներ մատուցելու համար հարմար առիթ է, և Բուկինիստ գրախանութն այս հարցում օգնում է գրքասերներին: Փետրվարի 1-10-ը ներառյալ Ձեր սիրելիի համար կարող եք գնել գիրք և գաղտնի բացիկի վրա թողնել նրա կոնտակտային տվյալները: Մնացածը կանեն խանութի աշխատակիցները:

Ծրագրի մանրամասները պատմելու համար Իմ ռադիոյի տաղավարում են Նոյեմի Անդրեասյանը և Հեղինե Մեդոյանը:

Art Ուրբաթ-ի այս թողարկմանը շատ հետաքրքիր զրույց ենք ունեցել BBA Organic՝ օրգանական խնամքի միջոցներ արտադրող բրենդի հիմնադիր Ասյա Գրիգորյանի հետ։ Ասյայի ստեղծած պրոդուկտները ունեն բացառապես բուսական ծագում ու այն եզակի միջոցներից են, որոնք իրապես համապատասխանում են ՝ ոչ տոքսիկ սահմանմանը։ Բրենդն ու դրա գաղափարախոսութունը այնքան են տպավորել  KIckstarter հարթակի օգտատերերին, որ հասցրել է հավաքել ամբողջական ֆինանասավորում ընդամենը երկու ժամում։ Մանրամասները պատմում է ինքը՝ Ասյան։ 

Սա այն էպիզոդներից է, որում չկան մեծ պրեմիերաներ, քանի որ ընտրածս արտիստներն այդքան էլ հայտնի չեն հայաստանցիների շրջանում: Թեև վստահ եմ` նրանց մասնակցությամբ գոնե մի երգ լսած կլինես, ուղղակի տեղը չես բերի: Դանիացի MØ և շոտլանդացի Maverick Sabre. Բիթրեյթի երգացանկում նրանք են: