O Baleiro Perfecto ben podería ser un imperio, o noso, o de todas; mais non temos demasiado afán por conquistar nin por, en fin, traballar en exceso.

Ora ben, nalgún punto do Universo pode que xa comezara esa expansión galáctica que conquistará e porá baixo un mesmo mando a centos de planetas, pode que miles?

Hoxe quixemos falar e analizar algúns dos imperios galácticos que foron chegando a nós. Moitos referenciando o modelo de Julio César, mais... hai máis tipos? É máis, é posíbel realmente a creación dun imperio de tal magnitude? Que dificultades atoparía?

E si, o imperio de Star Wars é unha desfeita.