Kushone bantfu labane ngalesikhasti kushayisana timoto letimbili emgwaceni i-R38 emkhatsini kwe Hendrina ne Carolina kulesifundza se Mpumalanga. Lokhulumela litiko letekuphepha kwemphakatsi kuvikeleka nekuchumana eMpumalanga, Moeti Mmusi ucela bashayeli kutsi bashayele ngekucophelela njengoba lichubeka nekuyidliva litulu etincenyeni letinyenti takulesifundza kantsi futsi nemigwaco iyashelela.