De lege opkomst mei de gemeenteriedsferkiezingen lit neffens boargemaster Oebele Brouwer fan Achtkarspelen ien ding sjen: "In gemiddelde ried is sá sliepferwekkend, ek yn Achtkarspelen." Lokale polityk moat oantrekliker. Brouwer is ien fan de trije gasten yn it Nijsfoarum fan Buro de Vries. Fierder ek listlûker Marijke Roskam fan de PvdA yn Súdwest-Fryslân. Har partij wie yn dy gemeente de grutte winner. "Je moatte mear sjen litte wa't de gemeente is", seit se. "Net allinne in telefoannûmer, mar ek ris in bakje kofje." En Twadde Keamerlid Romke de Jong (D66) skoot oan. Hy wie yn it ferline sa'n acht jier riedslid. "Ik meitsje my soargen oft it wurk wol oantreklik bliuwt. Fan dy aaklik lange gearkomsten, in soad op 'en paad, in lege fergoeding foar it riedswurk: dat makket it net oantreklik."