Un grupo de voluntarias levará a cabo mañá pola noite unha alfombra floral na praza de San Fernando pola festividade do Corpus. levan xa semanas traballando preparando todo o material preciso para esta elaboración.

É unha información de Tania Romero.

Hoxe remataron no CEIP nº1 catro intensas xornadas de Congreso Educativo sobre os ODS, Obxectivos de Desenvolvemento Sostible, nos que con distintas actividades estiveron traballando ao longo do curso. Coñecemos este congreso nesta reportaxe de Tania Romero.

Tui recibirá máis de 300 mil € do Plan Concellos para para a reforma e acondicionamento das piscinas municipais. Esta é unha das novas que recollemos en Noticias 13.30 h. Tamén a presentación do Campionato de España de Motonáutica que na fin de semana se celebra en Tui.

As obras de mellora da seguridade viaria na EP 3001 en Rebordáns visitadas hoxe polo alcalde e a presidenta da Deputación é unha das novas que recollemos en Noticias 13.30 h. Tamén buscamos outros asuntos da actualidade local e comarca e o deporte.

En Noticias 13.30 h recollemos os dous proxectos que o concello de Tui presentou ao PIREP para o seu financiamento. Recollemos tamén a incorporación ao Conservatorio de Tui do grao elemental, e a presentación da Aloiada na que van participar máis de 100 alumnos/as este xoves e venres, entre outras novas.

O Concello de Tui presenta ao Programa de Impulso á Rehabilitación de Edificios Públicos, PIREP, dous proxectos para rehabilitar sendos edificios municipais. Trátase do Teatro Principal, e do edificio situado na rúa Camilo José Cela. Así o explicaba o alcalde, Enrique Cabaleiro, en Noticias 13.30 h.

En Noticias 13.30 h recollemos a actualidade informativa deste luns, 13 de xuño. Entrevistamos ao alcalde, Enrique Cabaleiro, sobre os proxectos de rehabilitación do Teatro Principal, e do edificio da rúa Camilo José Cela, presentados ao programa PIREP, tamén damos conta da restauración do Lavadoiro do Souto, da inscrición aberta na Aula Mentor, xunto a outras novas do día.

Adxudicado pola Xunta o proxecto para a rehabilitación da primeira vivenda do programa Rexurbe. Esta é unha novas que recollemos en Noticias 13.30 h xunto ao resumo da entrevista coa voceira do BNG, a celebración do Día dos Arquivos en Tui e outras novas deste xoves, 9 de xuño.

O equipo redactor da Axenda Urbana estase a reunir cos colectivos das distintas parroquias, hoxe terán un encontro en Guillarei. Esta é unha das novas que recollemos hoxe en Noticias 13.30 h. Tamén damos conta das máis de 2700 persoas que maio pasaron pola Oficina de Turismo de Tui, xunto a outros temas da actualidade.

Case 10.800 peregrinos pasaron por Tui en maio realizando o Camiño Portugués. Este é unha das novas que recollemos en Noticias 13.30 h. Damos conta tamén do novo local de ensaio da Banda de Música Popular, e falamos de distintos prazos, xunto á actualidade do Baixo Miño.