Isumatsassimangaarnermik sakkortuumik nalaataqartoq Jessie Sørensen nulialu Albi Sørensen pulaartoraagut. Sammisat uku tikippagut: - Isumatsassimangaarnerup aallartisarnera - Atugarinera - Ilinniartuuneq - Tapersersorneqarneq

Inuunermi siunnersorti Lea Holm peqatigalugu Inuunera Ilorleq ingerlapparput, sammisarpullu tassaavoq: Eqqarsaatit nuanninngitsut aqutsisuusariaqarpat? Uani aallakaatitami Lea Holm naggammik peqataavoq.

Ullumikkut Paaliip allaaserisatigut misissorsimavaa, tarnikkut eqqarsartaatsikkullu peqqissuseq amermut qanoq sunniuteqartarnersoq. Ameq sammineqartillugu - InuaCaremeersoq Pipaluk Nielsen oqaloqatigaarput. Ivaanallu misissorsimasani saqqummiuppaa tassaasoq: Nunatsinni naasut peqqissaatitut atorneqarsinnaanerat :D

Ivaanap Evy Poumporas eqqartorpaa, taanna Organic Olivia-mi pulaartuunermini eqqartuingaatsiarpoq, Ivaanallu pissarsiarisimasani oqaluttuarivai. Inuup misissorpaa sooq fredag d. 13. ersigisarneripput, aammalu sooq ersineq pisariaqartissinnaaneripput.

Paaliit Ivaanalu misissuinikuupput... - Tarnikkut peqqissuugaanni timimik aalatitsinerusoqartarpa? - Aalasa, misissuititsisimapput - qanormita isikkoqarpa? - Sinikkaangattaana qarasarput qanoq sulisartoq? - Nunarsuarmi inuit peqqinnerpaatut taaneqartut piffinni tallimaaniipput, sumiuuppat suullu pingaartippaat? - Misiliisa nutaaq aallartippoq :D

Inuunermi siunnersorti Lea Holm peqatigalugu imminut upperineq eqqartorparput.

Tae Kwon Dop silarsuaa qanoq ippa, suunukua angusassaasut? Sanne Larsen ukiorpassuarni tae kwon dop silarsuaaniittoq oqaloqatigaarput, tassani sungiusarnerit, eqqarsartariaaseq assigiinngitsullu sammillugit.

Ullumikkut Inukkut Ivaanalu immikkut sammisaqarlutik aallakaatitsipput. Inuup oqaluttuarivaa Dr. Tara Swartip oqariartuutai uippakajaarnermut tunngasut, aammalu cortisolip timimut sunniutaa. Ivaanap eqqartorpaa piviusulersaarut Netfliximiittoq Beckham.

Ullumikkut Ivaanap saqqummiussai assigiinngittut sammerujoorpagut. Aallaqqaammut TEDTalk David Strayip oqaluttuarnera sammivarput, tassani pinngortitamiinneq teknologilu qarattamut sunniutai eqqartorlugit. Kingornalu Ivaanap Camino de Santiago oqaluttuaraa, tassani Ivaana ullut 10 iluanni 245km pisunnikuungami. Misigisani oqaluttuarivaa aammalu pisuttuartarneq suunersoq.

Inuunermi siunnersorti Lea Holm peqatigalugu eqqartorparput Inuunermi misigisat sakkortuut qanoq qaangerneqarsinnaanersut.