过完年番嚟应该上班嘅都上晒班，唔应该上班嘅都番晒嚟噶啦，一切又回归正常化。正响我地从休息到从新忙碌嘅呢个时段，世界移动通信大会就开左啦，不过呢一次嘅大会同往常嘅都唔同，因为值得睇值得讲嘅其实又之又少，虽然如此啦，我地都依然会睇下呢啲苹果之外嘅厂商响呢个以往受到全球瞩目嘅大会上又有啲咩野嘅新搞作。

就算无玩过你都应该听过，又或者响各种广告里面都睇到过部落冲突吧。呢一款游戏就系长期雄霸手游榜首嘅大作，究竟点解会咁受欢迎，咁吸粉？我地呢期就嚟好好讲下部落。

新年好+恭喜发财！
新年之际数码界发生嘅最大一件事可能就要数 Apple Pay 正式入华，各种广告几乎刷爆朋友圈，究竟点解Apple Pay 嘅入会产生咁大嘅反应？可能佢嘅出现会引发一场网上支付业务嘅三分天下嘅局面，响呢期我地就嚟一同拆解下Apply Pay嘅方方面面。

期待多年嘅Apple Store 终于响2016年春节前落户广州天环广场啦，据闻开张当日就有成千日逼爆苹果嘅门口，所有钟意去排队嘅果粉又多左一个好去处。呢期 Alex 同 Ray 就亲身去Apple Store 体验左一次，而且系将全程录音等大家用耳仔嚟同我地一齐体验下 Apple 嘅超A级服务啦。

另外，重要嘅事情讲三次：我地嘅公众号重开啦！我地嘅公众号重开啦！我地嘅公众号重开啦！
大家只要响微信查找 "it数码讲"就可以找到我地嘅公众号。我地会将呢一次实景拍到嘅相发布到我地嘅公众号入面，欢迎关注！

生活响呢个日日塞车塞到癫，坐铁又给人逼到发温嘅大广州，或者整番架平衡车可能会换嚟更多嘅自由空间，自由嘅速度。有啲咩平衡车值得关注？咁就快啲嚟听呢一期嘅节目啦。

每年嘅 CES 系全球嘅一个数码盛宴，汇聚来自世界各地数码厂商争相展示佢会响未来市场投放嘅新产品、新概念。

全球股市暴跌，中国领全球之际有危就有机，响呢期我地就讲下同股票呢个话题。股票同数码有咩关系？当然系密不可分啦，由其各种的移动炒股APP，工欲善其事，必先利其器啊嘛。稳番个就手嘅价撑，等个好嘅机会抄番个老底布局2016.

回顾下2015发布过嘅果啲我地仲记得或者已经开始唔记得嘅数码产品。

3D 打印估计依家已经无人不知，无人不晓，但如果将个View拉近少少，你到底又知道几多呢？佢究竟可以帮我地做到啲咩？对于普通嘅家庭佢又究竟可以发挥一啲点样嘅作用呢？呢期我啲就走近3D打印，一齐近距离睇清啲。

讲起Sony 可能我地净系会联想到PS, 但响 Apple 崛起之前 Sony 嘅产品一直系属于最尖端嘅数码产品（无之一）。不过，点解佢今时今日好似已经慢慢淡出数码界咁，我地呢期就一齐嚟回忆一下呢个曾经强大嘅数码帝国。