Хэрвээ та итгэлийн амьдралдаа тулгараад буй сүнслэг зогсонги байдлыг өөрчлөхийг хүсэж байгаа бол, Есүс Христийг бодитойгоор таньж мэдэхийг хүсэж байгаа бол Сайнмэдээний номнуудыг нухацтайгаар уншиж, судлаарай.

Өнөөдөр хэвлэл мэдээллээр романтик алхам мэтээр сурталчилж буй энэ зүйлийн цаана ямар их аюул занал нуугдаж байгааг бид тэр бүр анзаардаггүй. Гэр бүлээс гадуурх харилцааны тухай үзүүлж буй кино контентууд хэзээ ч энэ аюул заналыг бодитойгоор харуулдаггүй. Илчлэгдэхээс айх айдас, өөрийгөө буруутгах мэдрэмж, бэлгийн замын халдварт өвчний эрсдэл гээд маш олон асуудал үүнийг дагаж байдаг. Хүмүүст хориотой жимс зөвшөөрөгдсөн жимснээс илүү амттай санагддаг байж болох ч үүний төлөөсийг хүмүүс зовлон шаналлаар төлдөг гэдгийг бид үргэлж санах учиртай.

Өнөөдөр цаг үеэ дагаад бидний нийгэм соёлд ёс суртахууны хэм хэмжээ улам бүр өөрчлөгдсөөр байна. Гэхдээ завхайрал, садар самууныг үзэн ядах Бурхан хараа хэзээ ч өөрчлөгдөхгүй. Тиймээс таны хамтран ажиллагч чинь таны эхнэрээс илүү таныг ойлгоод байгаа юм шиг санагдаж байвал, хэрвээ гэр бүлийн амьдрал чинь танд утгагүй юм шиг санагдаж байгаа бол танд тусалж чадах хэн нэгнээс тусламж гуй. Үүнээс болж гэр бүлээ нураахыг бүү зөвшөөр.

Бурханы хайрладаг зүйлсийг хайрлаж, Бурханы үзэн яддаг зүйлсийг үзэн ядна гэдэг хэцүү. Яагаад гэдгийг та мэдэх үү? Учир нь ихэнх тохиолдолд бидний хүсэл зориг Бурханы хүсэл зоригоос тэс хөндлөн байдаг.

Библи дээр аюултай, аймшигтай нөхцөл байдалд орсон хүмүүсийн тухай олон янзын түүхүүд бичигдсэн байдаг. Гэвч Бурхан тэднийг аюул заналаас авран хамгаалсан юм. Тиймээс та ямар нэгэн нөхцөл байдал дунд айж сандрахаасаа өмнө нөхцөл байдлаа дахиад нэг анхааралтай ажиглаарай.

Өнөөдөр хүмүүс шагналын хойноос улайран хөөцөлддөг болжээ. Харин тэнгэрлэг шагналаа харж амьдардаг бидний хувьд Бурханы хайр энэрэл дүүрэн өргөмжлөл, хүмүүсийн атаа жөтөө дүүрэн шагнал хоёрын алийг нь их хүсэж байгаагаа бодох цаг иржээ.

Шинэ Гэрээнд Иаков бидэнд хандан “Хайрт ах дүү нар минь, үүнийг мэдэгтүн. Хүн бүр сонсохдоо түргэн, ярихдаа удаан, уур хилэнд хойрго байг” (Иаков 1:19) хэмээн зөвлөсөн байдаг. Мөн үүн дээр нэмээд, “үгийг хэрэгжүүлэгчид байг” (эш. 22) гэсэн байдаг билээ.

Нэгэн удаа Есүс нэгэн завгүй эмэгтэйд, “Марта, Марта, чи мөн ч олон юманд санаа зовж үйлээ үзэх юм даа” (Лук 10:41) хэмээн хэлсэн байдаг. Би хувьдаа Мартаг бүрэн ойлгож байна. Учир нь эмэгтэйчүүд бид ихэвчлэн маш олон зүйлд санаа зовж амьдардаг. Учир нь бид олон ажлыг зэрэг амжуулахдаа сурамгай. Тиймдээ ч түүнийгээ дагаад маш олон зүйлд санаа зовж амьдардаг.

Харин нэгэн мэргэн хүн, “Санаа зовнил бол бурхангүй үзлийн практик илрэл юм” гэсэн байдаг.

Та Христэд итгэдэг гэж хэлэхгүй байсан ч "Чи Есүст итгэдэг байх" гэж хэлэхээр амьдраарай гэж таныг уриалж байна. Учир нь энэ дэлхийн хүмүүс 7 тэрбум гаруй, 200 улсад хуваагддаг. Харин Христэд итгэгчид бид тэнгэрийн хаанчлал хэмээх хайр нигүүлслээр дүүрэн зөв шударгаар дүүрэн улсын иргэд билээ. Итгэл радио таныг эргэн тойрныхоо хүмүүсийн дунд сайн гэрчлэлтэй амьдраарай.

#БиГэрчилнэ нэвтрүүлэг

#ТүмэнГэрчлэл #ГэрчлэлийгМоодондОруулъя

Магадгүй та дотроо, “Уучлаарай, надад тулгарсан асуудлыг та мэдэхгүй шүү дээ” гэж бодож байж болох юм. Тиймээ, би мэдэхгүй. Гэхдээ танд тулгарсан асуудлыг Бурхан мэдэж байгаа гэдэгт би итгэлтэй байна. Бас би 1 Коринт 10:13-д бичигдсэн амлалтыг мэднэ. “Та нарт учирсан сорилт нь хүнд тохиолддог л зүйл. Бурхан итгэмжтэй, Тэр та нарыг хэр чинь хэтэртэл соригдохыг зөвшөөрдөггүй, харин дааж гарахын тань тулд сорилттой хамт мөн гарцыг ч буй болгоно” хэмээн Бурхан бидэнд амласан.