ITGELRADIO

Учир нь Эзэн Есүст хандсан итгэл ба бүх ариун хүмүүст өгсөн хайрын чинь талаар би сонсдог. Филемон 1: 5

#ХермоныШүүдэр өглөөний хөтөлбөр #ИтгэлРадиоҮйлчлэл

Та дотроо нэгэн үйл явдлыг зураглан төсөөлөөд үзээрэй. Хөлбөмбөгийн талбай дээр хүүхдүүд А, Б гэсэн 2 багт хуваагдан нэг нэгнээ сонгож байна гэж төсөөлөөд үзээрэй. Гэтэл хамгийн сүүлд нэгэн жаалхүү ганцаараа үлдчихжээ. Ингээд “Б” багийн ахлагч тэр хүүг дуртай дургүй багтаа авна. Тэр хүүхдийг багтаа авахыг хүсэхгүй байсан ч өөр хүн үлдээгүй учраас түүнд өөр сонголт байсангүй. Энэ тохиолдолд тэр ганцаараа үлдсэн хүүгийн хувьд ямар санагдахыг та гадарлаж байгаа байх. Учир нь бид бүгдээрээ өмнө нь ямар нэгэн байдлаар тэр хүүтэй адилхан байдалд орж байсан шүү дээ. Бид бүгдээрээ л амьдралдаа их бага ямар нэгэн байдлаар гологдож, гадуурхагдахын зовлонг амсаж байсан. Тэгвэл Др.Стэнли өнөөдөр бидэнд тэр бүх сэтгэлийн шархаа хэрхэн эмчлэх талаар сургаж, ГОЛОГДСОН МЭДРЭМЖЭЭ ЯЛАН ДИЙЛЭХ НЬ гэсэн сэдвээр бидэнтэй ярилцах болно. Ингээд хамтдаа Др.Стэнлийн ярианд анхаарлаа хандуулцгаая.

Итгэлийн залбирал нь өвчтэй нэгнийг эдгээж, Эзэн түүнийг босгоно. Тэр нүгэл үйлдсэн бол уучлагдах болно. Иаков 5:15

#ХермоныШүүдэр өглөөний хөтөлбөр #итгэлрадиоүйлчлэл

Хүүхэд өвдөх, ажлаасаа халагдах, орон байраа алдах гэх мэт олон асуудлууд биднийг Бурханы өмнө тусламж эрэн өвдөг сөгдөхөд хүргэдэг. Хэдийгээр бид амьдралын том жижиг гэлтгүй бүх асуудалдаа Бурханд хандан залбирах учиртай ч ихэнхдээ бид дааж давшгүй нөхцөл байдалд орж байж л сая Бурханаа санаж, залбирч эхэлдэг. Эсрэгээрээ асуудал жижигхэн байх үед бид тэр зүйлийн төлөө Бурханд хандан залбирахыг яардаггүй.

Тэгвэл өнөөдөр Др.Стэнли бидэнд ийм сэтгэлгээ ямар аюултай болохыг сануулж байна. Ингэхдээ тэр бидэнд Эзэнд зориулан гаргах хувьчилсан цаг ямар чухал болохыг, үүнийг хойш тавих нь ямар хор хөнөөлтэй болохыг сануулж, “залбиралгүй амьдрал” биднээс ямар том төлөөсийг шаарддаг болохыг тайлбарлах болно. Ингээд хамтдаа Др.Стэнлийн ярианд анхаарлаа хандуулцгаая.

Та бага насандаа төгөлдөр хуур заалгаж байсан уу? Эсвэл заалгаж байсан хэн нэгнийг мэдэх үү? Хүүхдүүд эхэндээ шинэ зүйл сурч байгаадаа баярлаж олон цагийг төгөлдөр хуурын ард өнгөрүүлдэг. Гэвч ихэнхдээ явцын дунд сонирхол нь бууж өөр зүйлсэд цаг заваа зориулж эхэлдэг.

Тэгвэл Христэд итгэгч бидний хувьд ч бас итгэлийн амьдралд маань үүнтэй төстэй зүйл тохиолддог байна. Бид шинэхэн итгэгчид байхдаа Бурханд хандан залбирч, Бурханы үгийг уншиж, Бурханыг таньж мэдэхэд цаг заваа зарцуулахыг эрмэлздэг. Гэвч цаг хугацаа өнгөрөх тусам Бурханд зориулдаг байсан цагаа өөр зүйлсэд зориулж эхэлдэг. Тэгвэл өнөөдөр бид хамтдаа “ЗАЛБИРАЛ ҮГҮЙ АМЬДРАЛЫН ТӨЛӨӨС” гэсэн сэдвээр суралцах болно. Итгэлийн амьдралаасаа залбирлыг хасвал энэ нь бидэнд ямар хортой нөлөө үзүүлдэг болохыг Др.Стэнли өнөөдөр бидэнд тайлбарлаж өгөх болно.

Эцэг эхчүүд бид бол энэ дэлхий дээрх хамгийн чухал атлаа хамгийн хэцүү ажил үүргийг хүлээж авсан хүмүүс юм. Бурхан бидэнд үр хүүхдүүддээ Бурханы тухай зааж, Бурханыг таньж мэдэхэд нь туслах чухал үүрэг хариуцлагыг өгсөн. Тэр утгаараа бид хүүхдүүдээ хэрхэн өсгөж байгаагаараа Бурханы өмнө тайлагнана гэсэн үг.

Хэдийгээр өнөөгийн нийгэмд бурханлаг үр хүүхдүүдийг өсгөх нь ямар ч боломжгүй мэт санагдаж байж болох ч Библид үр хүүхдүүдээ амжилттай өсгөхөд маань туслах маш тодорхой, үнэ цэнтэй заавруудыг өгсөн байна. Тиймээс өнөөдөр хамтдаа “АМЖИЛТТАЙ ЭЦЭГ ЭХ БАЙХЫН НУУЦ” гэсэн сэдвээр суралцацгаая. Др.Стэнли бидэнд Библийн энэ л чухал зарчмуудыг тайлбарлаж өгөх болно. Хамтдаа Др.Стэнлийг угтаан авцгаая.

Тиймд зөвийг үйлдэхийг мэддэг хэрнээ эс үйлддэг бол энэ нь түүнд нүгэл болно. Иаков 4:17

#ХермоныШүүдэр өглөөний хөтөлбөр #ИтгэлРадиоҮйлчлэл

Бурханд ойртогтун. Тэгвэл Тэр та нарт ойртоно. Нүгэлт та нар гараа цэвэрлэ. Хоёр санаат та нар зүрхээ ариусга. Иаков 4:8

#ХермоныШүүдэр өглөөний хөтөлбөр #итгэлрадиоүйлчлэл

"Хүн зөвхөн итгэлээр бус, үйлсээр зөвтгөгддөгийг та нар харж байна." Иаков 2: 24

#ХермоныШүүдэр өглөөний хөтөлбөр #ИтгэлРадиоҮйлчлэл

Библийн Дуулал ном бидний зүрх сэтгэлд гүн гүнзгий хүрдгийн нэг шалтгаан нь хүн бүрийн амьдралдаа туулж буй бүхий л мэдрэмжүүдийг илэрхийлдэгт оршдог. Дуулал номоос хүний бүх сэтгэл хөдлөлийг харж болно. Жишээлбэл, Талархал, уур хилэн, хайр, үзэн ядалт, баяр хөөр гэх мэт.