ITGELRADIO

Өнөөдөр бидний эргэн тойронд соёлын мөргөлдөөн хаа сайгүй өрнөж байна. Энэ мөргөлдөөн нь үнэн хэрэгтээ бидний бодож төсөөлж байгаагаас хавьгүй илүү өргөн хүрээтэй юм.

Бидний хүрээлэн буй соёл дахь тэмцэл тулаан аль Еден цэцэрлэгээс эхлэлтэй. Еден цэцэрлэгт анхны хүмүүс Бурханы дуу хоолойг сонсох уу эсвэл Бурханы хүслийг хойш тавьж өөрсдийн хүслийг үйлдэх үү гэдэг сонголттой тулгарсан тэр цагаас л энэ тулаан өрнөж эхэлсэн байдаг.

Би гэрчилнэ нэвтрүүлэг энэ удаагийн дугаараар Есүс Христийн залбирал бол түүний хайрын төгс илэрхийлэл байсныг гэрчлэн ярихыг хүсэж байна.

Есүс заримдаа бидэнд хийхэд хэцүү зүйлийг даалгадаг. Гэсэн ч тэр хэзээ ч биднээс боломжгүй зүйлийг шаарддаггүй. Тэр бидэнд “Намайг дага, Би чиний хэрэгцээг хангах болно. Миний хий гэснийг хий. Үлдсэнийг нь Би хийх болно” гэж хэлдэг.

Магадгүй таны татвараа төлөх ёстой хугацаа хэтэрчихсэн явж байж болно. Эсвэл танд өөр илүү тулгамдсан асуудал байж болно. Тэгвэл та Бурханы дуу хоолойг сонсоорой. Тэгээд өөрийн зүгээс чадах бүхнээ хийгээрэй. Харин үлдсэнийг нь Бурхан хийх болно. Таны хэрэгцээг хангахын тулд шаардлагатай бол Бурхан Өөрийн гайхамшгийг ч харуулах болно.

Өнөөдөр бидний амьдарч буй энэ нийгэм бидний хүссэн бүхнийг үнэхээр өгч чадна гэж үү? Хамгийн чухал нь бидний амьдарч буй энэ нийгэм соёл бидэнд хэрэгтэй бүхнийг өгч чадна гэж үү?

Магадгүй таны хувьд Бурханд чин сэтгэлээсээ талархаж, “Тиймээ, Эзэн минь, би Танд өөрийгөө 100 хувь зориулъя” хэмээн хэлмээр санагдах үе тохиолдож байсан байх. Гэхдээ нөгөөтээгүүр Бурханд өөрийн амьдралыг бүхэлд нь “амьд тахил” болгон өргөхдөө эргэлзэж байсан үе ч цөөнгүй байсан байх. Библийн нэрт багш Вернон МкГий нэгэнтээ, “Амьд тахилын нэг зовлонтой юм нь байсхийгээд тахилын ширээнээсээ мөлхөж буучихаад байдаг” хэмээн хошигнон хэлсэн байдаг.

Зүрх сэтгэл нь хуваагдсан хүн бол 2 хаантай хаант улстай адилхан юм. Учир нь энэ 2 хааны аль нь тэр хаант улсыг бүр дүүрэн захирч чадахгүй. Тиймээс ч эрт цагт Давид хаан, “Аяа ЭЗЭН, замаа надад зааж өгөөч. Би Таны үнэнээр явах болно. Таны нэрээс эмээхэд зүрхийг минь нэгтгээч!” (Дуулал 86:11) хэмээн шүлэглэсэн байдаг.

ӨДӨР ТУТМЫН ЗӨРЧИЛ МАРГААНЫГ ШИЙДВЭРЛЭХ НЬ ном by Itgelradio

Мосе Иоушад “Өнөөдөр чамд миний тушааж буй энэ тушаал чамаас далдлагдсан зүйл биш, алс холын ч зүйл биш” хэмээн сургамжлахдаа (Дэд хууль 30:11) өөрт нь цаг бага байгааг мэдэж байсан. Бурханыг дуулгавартай дагах гэдэг бол сонголт, хувь хүний гаргах шийдвэр гэдгийг тэр мэдэж байсан. Харин дуулгавартай байдлыг ивээл ерөөл дагадаг. Бас дуулгавартай байдлыг дагаж саад бэрхшээл ирдэг.

“Хүмүүний бүхий л зам нүдэнд нь цэвэр ч сүнсийг дэнслэгч нь ЭЗЭН билээ” хэмээн Сургаалт үгс 16:2-д бичигдсэн байдаг. Өөрөөр хэлбэл бидний бодол санаа бидний хувьд хичнээн зөв санагдсан ч, хичнээн логиктой санагдсан ч Бурхан л эцсийн үгийг хэлдэг гэсэн үг.

Би Есүс Христэд итгэснийхээ дараа ч гэсэн олонтаа хууртсанаа гэрчилж түүнд итгэх шинэ итгэгчдийг сэрэмжлүүлэхийг хүсдэг. Би гэрчилнэ нэвтрүүлэг энэ удаагийн дугаараараа хуурамч сургаал заагчид болоод хуурамч тайтгаруулагчтай таарч, Бурханаас хэрхэн холдож байсан талаар ярих болно.