Ирээч Ариун Сүнсээ by Itgelradio

Миний Бүтээгч by Itgelradio

12 жилийн турш цус алдах өвчтэй байсан эмэгтэй Есүсийн хувцасны хормойд нь хүрэх төдийдөө эдгэрсэн гайхалтай түүх библи дээр бичигдсэн байдаг. Есүс тэр эмэгтэйгээр Бурхан хүний ямар ч асуудлыг сонирхож, хайрлаж, шийдэж өгөхийг хүсдэг гэдгээ гэрчлэхийг хүссэн юм. Харин хүмүүс л бусад хүмүүсээс ичсэндээ өнөөдрийг хүртэл гэрчлэхээс зайлсхийж явдаг.

Хэрвээ та Бурханы үгийг анхааралтай унших юм бол Есүс Христ энэ дэлхийд хандсан Өөрийн төлөвлөгөөг нэг бүрчлэн нямбайлан гүйцэлдүүлж байгааг харах болно. Харин Түүний дахин ирэлт бол Илчлэл номонд өрнөж буй бүх үйл явдлын оргил нь юм.

Хэдийгээр Илчлэл номонд гарч буй Их зовлонгийн үе урт удаан үргэлжилж байгаа мэт санагдах боловч цаг хугацааны хувьд аваад үзвэл энд гарч буй үйл явдлууд яг л автомат буугаар буудаж байгаа юм шиг маш хурдан хугацаанд ар араасаа болон өнгөрч байгаа гэдгийг бид санах хэрэгтэй.

Сатан тэнгэрээс хөөгдөн, дэлхий рүү хаягдсанаас хойш түүний төв бааз ямагт дэлхий дээр байрласаар иржээ. Тэгвэл Илчлэл номонд Сатаны энэ дэлхий дээрх сүүлчийн төв баазыг Вавилон хот хэмээн нэрлэсэн байна. Вавилон хот бол ойрхи дорнодын эртний хот гэдгийг бид мэднэ. Харин Библид энэ нэрээр дамжуулан Бурханыг эсэргүүцэгч сүнслэг системийг илэрхийлсэн байдаг.

Есүс Христ нэгэн цаг загалмай дээрээс “За гүйцлээ” хэмээн тунхаглаж байсан. Тийнхүү Есүс бидэнд аль хэдийн бүрэн гүйцэлдсэн авралыг санал болгосон юм. Хэрвээ та үүнийг хүлээн авахаас татгалзах юм бол таныг Бурханы шударга шүүлт хүлээж байх болно. Бурханы санал болгож буй авралаас татгалзсан хэн боловч Бурханы шүүлтээс зайлж чадахгүй билээ.

Илчлэл 14-р бүлэгт Сатан болон түүний ёрын муу хүчний эсрэг тэмцэж буй хүмүүст хандсан онцгой үгсийг өгүүлсэн байна. “Хэдийгээр та бүхэн зовлон эдэлж, хонь мэт нядлагдах боловч та бүхний золиос талаар өнгөрөхгүй” хэмээн Иохан урамшуулж байна. Ингэхдээ араатны тэмдэг тавиулаагүй Бурханы хүмүүс тэр хүнд цаг үеийг хэрхэн давах тухай болон эцэст нь 2 араатанд юу тохиолдох тухай өгүүлсэн байна.

Бид Илчлэл номын энэ хэсэгт дэлхийн ертөнцийг хамарсан их дайны тухай зураглалыг үзэж байна. Энд элч Иохан Израиль үндэстэн, Сатан, тэргүүн тэнгэрэлч Михаел болон ялагч Есүс Христийг төлөөлүүлсэн зүйрлэлүүдийг ашиглан уг үйл явдлыг дүрслэн өгүүлсэн байна.

Илчлэл номын 12-р бүлгээс эхлэн элч Иохан сайн ба муу, гэрэл ба харанхуй, Сатаны хаанчлал болон Бурханы хаанчлалын хооронд өрнөж буй агуу дайны тухай зураглан өгүүлсэн байна. Ингэхдээ уг тэмцэлд оролцож буй бүгдийг дараах 7 дүрээр илэрхийлэн дүрсэлсэн байна. Илчлэл номонд өрнөж буй үйл явдлыг бүрэн ойлгохын тулд бид энэхүү 7 дүрийг сайтар ойлгох нь чухал юм.