ITGELRADIO

Дуулал номд “Бурхан ЭЗЭН минь, Тунгаан бодож, надад хариу өгөөч.

Нүдийг минь нээгээч” хэмээн бичсэн байдаг. (Дуулал 13:3). Бусдыг үнэн төрхөөр нь харахад Бурханы тусламж бидэнд хэрэгтэй.

Паул, хэрэв бид амьд байх үед Эзэн эргэн ирвэл юу болохыг хэлсэн байдаг. Тэрээр, “Есүсээр нойрсогсдыг Бурхан Түүний хамт тийнхүү авчирна” (1 Тесалоник 4:14) гэж хэлсэн. Тэрээр үргэлжлүүлэн, “Дараа нь амьд үлдсэн бид тэдэнтэй хамт агаарт Эзэнтэй уулзахаар үүлэн дунд өргөгдөж, тийнхүү Эзэнтэй үргэлж хамт байх болно” (1 Тесалоник 4:17).

Та анзаарсан байх — “Эзэнтэй хамт” гэсэн гайхалтай үгийг!

Хэрэв бид өөрсөд дээрээ анхаарлаа хандуулбал сэтгэлээр унах болно

Хэрэв бид бусад дээр анхаарлаа хандуулбал урам хугарах болно

Хэрэв бид Есүс дээр анхаарлаа хандуулбал урам зоригтой байх болно.

Ром 5:5 дээр “Бурхан бидэнд урам зориг, тэвчээрийг өгдөг” гэсэн.

Бурхан танаар ямар нэгэн зүйлийг хийлгэхээр маш тодорхой удирдан чиглүүлжээ гэж бодъё. Гэтэл таны нүдээр харахад тэр зүйлийг хийх ямар ч боломжгүй мэт харагдаж байвал яах вэ? Таны хувьд хэтэрхий ахадсан, хэтэрхий хүнд хэцүү санагдаж байвал яах вэ? Ихэнх тохиолдолд бид ийм байдалд орох үедээ Бурханы тушаалыг үнэн зөв эсэхэд эргэлзэж эхэлдэг.

Тэгвэл өнөөдөр Др.Стэнли бидэнд нэгэн чухал үнэнийг сануулах болно. Юу гэвэл, Бурхан бидэнд ямар нэгэн ажлыг даалгасан бол ямар ч тохиолдолд бидэнд тэр зүйлийг хийх нөөц бололцоог хэзээд хангаж өгдөг байна. Тиймээс хамтдаа энэ цагт Др.Стэнлийн ярианд анхаарлаа хандуулж, Бурханы хүслийн дагуу эрсдэл хүлээх нь эргээд биднийг потенциалдаа бүрэн дүүрэн хүрэхэд хэрхэн тусалдаг талаар суралцацгаая.

Элч Петрийн хамгийн сүүлд бичсэн номын сүүлчийн бүлгийн төгсгөлийн эшлэлд нэгэн чухал заавар байдаг. “Харин бидний Эзэн бөгөөд Аврагч Есүс Христийн нигүүлсэл болон мэдлэг дотор өсөгтүн” (2Петр 3:18). Петр ямар утгаар Есүсийг мэдэх нигүүлслийн мэдлэг дотор өсөгтүн гэж хэлсэн юм бол?

Бурхан хүмүүсийг аврагдаасай гэж хүсдэг. Гэхдээ нөгөөтээгүүр Түүнд бидний амьдралд хандсан төлөвлөгөө байдаг. Тэр биднийг эцсийн дүндээ Түүний Хүү Есүс Христтэй адил болоосой гэж хүсдэг. Энгийнээр хэлбэл Тэр биднийг амьдралынхаа бүхий л нөхцөл байдал дунд яг л Есүс Христ шиг хариу үйлдэл үзүүлдэг байгаасай гэж хүсдэг. Эхэндээ сонсоход энэ нь бидний хувьд ямар ч боломжгүй мэт сонсогдож болох ч бидний итгэлийн амьдрал бол өсөлтийн процесс гэдгийг бид санах хэрэгтэй. Мөн Бурхан бидэнд Түүний хүслийг гүйцэлдүүлэхэд шаардлагатай бүхнийг хангаж өгөх болно гэж амласан. Тиймээс бид Түүний хүсэлд өөрсдийгөө захируулах үедээ бага багаар Есүс Христтэй адил болон өөрчлөгдөж байдаг.

Тиймээс энэ цагт хамтдаа Др.Чарльз Стэнлийн ярианд анхаарлаа хандуулцгаая. Тэр бидэнд сүнслэг өсөлтийн БАРОМЕТРИЙГ танилцуулах болно.

Амжилттай амьдралын нууц бол тасралтгүй өсөж хөгжих юм. Та өссөөр байх юм бол үнэ цэнгүй болсон мэт мэдрэмжийг авахгүй.

Элч Петр, Харин бидний Эзэн бөгөөд Аврагч Есүс Христийн нигүүлсэл болон мэдлэг дотор өсөгтүн (2 Петр 3:18) гэж хэлсэн байдаг.

Христэд итгэгч танд итгэлээр өсөхгүй, нэг л түвшиндээ гацсан юм шиг санагдах үе байдаг уу? нэг мөргөсөн ханаа дахин дахин мөргөсөөр байгаа юм шиг санагдах үе байсан уу? Өнгөрсөн үеийн асуудалтайгаа зууралдсаар, эсвэл Бурханыг дуулгавартай дагаж чадалгүй өөрийгөө асуудалд оруулсаар байна уу? Тэгвэл өнөөдөр Др.Стэнли бидэнтэй “СҮНСЛЭГ ӨСӨЛТӨӨ ХЭМЖИХ”-эд маань туслах “ИТГЭЛИЙН АМЬДРАЛЫН ҮЕ ШАТУУД”-ын талаар ярилцах болно.

Учир нь Бурхан биднийг авралыг авсан л бол боллоо гээд орхидоггүй. Тэр биднийг сүнслэг өсөлтийн хувьд балчир чигээрээ дуусаасай гэж хүсдэггүй. Тиймээс сүнслэг өсөлт хөгжлөө хэрхэн хэмжиж болох талаар хамтдаа Др.Стэнлигээс сурч мэдэж авцгаая.

Таны бодлоор Бурханд юу хамгийн чухал бэ? Бидний хийж байгаа зүйл үү? Эсвэл бид өөрсдөө үү?

Бяцхан хүүхэд эхээс мэндлээд эхэндээ эцэг эхээсээ бүрэн хамааралтай байдаг. Харин өсч том болохын хэрээр өөрөө бага багаар үүрэг хариуцлага үүрч эхэлдэг. Эцэст нь цаг нь болоход өөрийгөө бүрэн хариуцах хэмжээнд хүрдэг. Үүний дараа тэр хүн өөрийнхөө амьдралыг авч яваад зогсохгүй үр хүүхдээ асарч тэтгэх чадварт суралцах ёстой болдог. Тэгвэл бидний сүнслэг өсөлтөд ч мөн үүнтэй адил төстэй үйл явц өрнөдөг.

Бид Христэд итгэснийхээ дараа эхэндээ Бурханы гэр бүл дэх нялх хүүхэд мэт байдаг. Өөрөөр хэлбэл Библийн үнэнийг ойлгож мэдэх тал дээр бусдаас бүрэн хараат байдаг. Харин цаг өнгөрөх хэрээр бид бага багаар сүнслэг зарчмуудыг амьдралдаа хэрэгжүүлж, Ариун Сүнсний удирдамжаар алхаж эхэлдэг. Ийнхүү яван явсаар итгэлийн хувьд биеэ дааж бусад итгэгчдэд зааварчлан, бусад итгэгчдийг итгэлээр өсөхөд нь тусалж эхэлдэг.

Тэгвэл та өнөөдөр Христитгэлийн амьдралын хөгжлийн ямар үе шатан дээрээ явж байна вэ? Хамтдаа үүнийг олж мэдэцгээе.