ЕЗРА 5 by Itgelradio

ЕЗРА 6 by Itgelradio

ЕЗРА 7 by Itgelradio

ЕЗРА 8 by Itgelradio

ЕЗРА 9 by Itgelradio

ЕЗРА 10 by Itgelradio

Левийн гэрийн нэгэн хүн явж, Левийн охиныг авав. Тэр эмэгтэй жирэмсэлж хүү төрүүлсэн бөгөөд хүүгийнхээ сайхныг үзэхдээ түүнийг гурван сар нуужээ. Гэтлэл 2:1-2

Залуу эх та хүүхдээ өсгөхийнхөө хажуугаар амжуулахаар төлөвлөсөн тэр их ажлаа жаахан багасгаад Бурханаас танд өгсөн хамгийн чухал ажил үүрэгт анхаарлаа хандуулаарай. Учир нь та Бурханы дүр төрхөөр бүтээгдсэн нэгнийг өсгөж хүмүүжүүлж байна.

Хайртай хүндээ хатуу үг хэлэхээс зайлсхий. Иаков 3-р бүлэгт хэлэхдээ, “... хэл ч гэсэн биеийн жижиг эрхтэн атлаа агуу том зүйлсээр сайрхдаг ажээ. Харагтун, өчүүхэн гал ч ямар их ой модыг түймэрддэг билээ. Хэл бол гал бөгөөд зүй бусын ертөнц аж. Хэл нь бидний эрхтнүүдийн дунд байж бүх биеийг бузарладаг. Хэл бидний амьдралын хүрдийг галдан шатаадаг бөгөөд өөрөө тамаар асаж байдаг… хэн ч хэлийг номхруулж чадахгүй. Хэл бол үхлийн хороор дүүрсэн, амралтгүй муухай эд мөн” (Иаков 3:1-12-г үз) гэсэн байдаг.

Ихэнхдээ бид хатуу үгийг хэлье гэж хэлдэггүй. Тиймээс энэ асуудлаас гарах гол арга зам бол хувийн сахилга бат юм. Шаардлагатай бол цус шүүртэл нь ч хамаагүй уруулаа хаз. Харин хайртай хүнээ шархлуулах үгийг хэлэхээс л зайлсхий.

Еврей номыг бичигч эрхэм, “Бурхан бидний төлөө илүү сайныг урьдаас харж байсан” хэмээн бичсэн байна. Энэ нь юу гэсэн үг вэ? Бидний амьдралд итгэлээр хүлээж авах учиртай зүйлс олон байдаг. Бид итгэлээрээ алхсан ч ялагдах үе бий. Бид итгэлээрээ залбирсан ч ёрын муу ялаад байгаа юм шиг санагдах үе бий. Зөвийг үйлдсэн ч буруутан болчих үе ч бий.

Тэгвэл та “Бурхан бидний төлөө илүү сайныг урьдаас харж байсан” гэдэгт итгээд тэр бүхнийг итгэлээрээ хүлээж авч чадах уу?

Бизнес хийж байгаа хүн үнэнч шударгаар ажиллаад амжилтанд хүрэх боломжтой юу? Зарим хүмүүс “үгүй” гэж хариулдаг. Тэгвэл та бизнес хийхдээ заавал үнэнийг гуйвуулах ёстой гэж үү? Хэрвээ тийм бол хаа хүрч байж зогсох вэ? Хамтран ажиллагч чинь мэдэх хүртэл үү? Эхнэр эсвэл нөхөр чинь боль гэж хэлэх хүртэл үү? Эсвэл татварын байцаагч олж мэдэх хүртэл үү?

Элч Паул бидэнд, “Учир нь бид зөвхөн Эзэний өмнө төдийгүй мөн хүмүүсийн өмнө сайнаар үйлдэхийг хичээдэг” (2 Коринт 8:21) хэмээн сургасан байдаг. “Гэхдээ Паул над шиг ийм бизнес хийж үзээгүй шүү дээ” гэж та бодож байж болох юм.