Хэрвээ таны итгэл сорилттой тулгарсан бол Эзэнээс нүүр буруулах биш харин Эзэн рүү эргээрэй. Эзэнээс эргэх биш Эзэн рүү эргэх. Энэ бол хамгийн чухал зүйл. Дуулал 61-р бүлэгт Давид хааны шүлэглэсэн, “Зүрхээ цөхрөн доройтоход газар дэлхийн хязгаараас би Таныг дуудаж байна. Надаас өндөр хад уруу намайг хөтлөн гаргаач” гэсэн үгийг би үргэлж санадаг.

Гэвч Тэр миний замыг мэддэг. Тэр намайг шалгасан бөгөөд би алт мэт урагш гарч ирнэ. Иов 23:10

Итгэл чинь хүчтэй сорилттой тулгарах үед та яадаг вэ? Бурханы буруутгадаг уу? Эсвэл бултаж зугтдаг уу? Миний хувьд итгэлийн ийм сорилтонд орсон хүнд хамгийн түрүүнд Бурханы үг рүү анхаарлаа хандуулахыг зөвлөдөг.

Гэм нүгэл бол бидний хамгийн агуу асуудал байсан. Гэм нүгэл нь биднийг Бурханаас тусгаарлаж, биднийг мөнх амийн амлалтаас холдуулж байсан. Гэм нүгэл биднийг Бурханы дүр төрхийг тээгчид гэдгийг мартуулж байсан. Тийм учраас л Есүс бидний нүглийг биднээс зайлуулахын тулд Өөрийгөө төгс тахил болгон өргөхөөр ирсэн юм шүү.

Христитгэл гэдэг “чуулган болж тоглохын” нэр бишээ. Есүсийг дагах гэдэг нь гаднаа сүнслэг дүр эсгэхийн ч нэр биш. Есүсийг дагана гэдэг бол бидний амьдрал. Бурханы үгнээс зуурч, Бурханы дотроос амьдралаа шинэчлэн Түүнтэй хамт алхах амьд харилцаа.

Тэд бол итгэлээр хаанчлалуудыг эзэлж, тулааны талбарт ялалт байгуулж, Бурханы амлалтуудыг хүлээн авч, арслангуудын амыг хааж байсан итгэлийн баатрууд. Нөгөөтэйгүүр тэд итгэлийнхээ улмаас хавчигдан гадуурхагдаж, тэр бүү хэл итгэлийнхээ улмаас амиа алдаж байсан.

Биднийг чөлөөтэйгөөр гүйхэд юу саад болдог юм бэ? Биднийг Бурханд итгэхэд саад болж байгаа тэр бүх зүйлс. Үнэндээ үл итгэл гэдэг нь өөрөө биднийг итгэлээр өсч, итгэл дотор урагшлахад саад болж байдаг нүгэл юм.

Бид итгэлийн тухай бодох үедээ өөрийн эрхгүй Абрахамыг дурсан санадаг.

Бурхан өөрийг нь дуудах үед Абрам итгэлээр хүлээн авч, өөрийн мэддэг бүхнээ, тав тухтай орчноо орхиод өмнө нь хэзээ ч очиж байгаагүй газар луугаа явсан. Тийнхүү урьд өмнө нь хэзээ ч ирж байгаагүй тэр газраа ирсэн хойноо ч тэр итгэлээрээ Бурханаар баригдсан “суурь бүхий хотыг хүлээж байсан” (Еврей 11:10).

Хэрвээ та Бурханы өмнө ирээд Түүнд хүлээн зөвшөөрөгдөхийг хүсэж байгаа бол та Түүнийг байдаг гэдэгт, бас Түүний илчлэл үнэн гэдэгт итгэх ёстой болно. Өөр зам байхгүй.

Есүс Христийн дотор бид Бурхантай хамт зогсдог. Энэ бол Хуучин гэрээний үеийн ариун хүмүүсийн зогсож байснаас илүү өндөрлөг газар юм. Жишээ нь Бурхан бидний амьдралд баяр хөөрөө дүүргэн өгөхийг хүсдэг. Харин Хуучин гэрээний Хууль хэзээ ч баяр хөөрийг амлаж байгаагүй.

Эрт орой хэзээ нэгэн цагт таны итгэл сорилттой тулгарах болно. Итгэл чинь сул эсвэл хүчтэй байхаас энэ нь хамаарахгүй. Бурхангүй үзэлтэй эрдэмтэн доктор таны итгэлийг эсэргүүцэж мэднэ. Эсвэл амьдралын зовлон бэрхшээл таны итгэлийг сорих болно. Эрт орой хэзээ нэгэн цагт ийм зүйл танд тохиолдох болно.