Бурхан Есүст хүртэл зовлон шаналлыг зөвшөөрсөн. Есүс бидний гэм нүглийн төлөө зовлон эдэлж байхдаа маш ихээр өвдөн шаналж байсан. Эцэст нь Тэр биднийг Бурхан руу аваачихын тулд махбодоороо загалмайд цовдлогдон амиа өгсөн (3:18). Тэр бүх талаараа бидэн шиг соригдсон (Еврей 4:15). Тиймээс Тэр бидний зовлон шаналлыг ойлгодог. Тэр сэтгэлийн шарх гэж юу байдгийг мэднэ.

Зовлон бэрхшээл бидэнд нэг бол сайнаар нэг бол муугаар нөлөөлдөг. Харин энэ хоёрын аль нь байх вэ гэдгийг үнэндээ бид өөрсдөө шийддэг юм. 1 Петр 3-р бүлэгт Петр бидэнд зовлон бэрхшээл нь бидний гэр бүл болон чуулган дээрх амьдралд хэрхэн эерэгээр нөлөөлдөг болохыг өгүүлсэн байна.

“Зовлон” ба “сайн зүйл” гэсэн энэ хоёр үгийг нэг өгүүлбэрт багтаана гэдэг амаргүй. Тэгвэл үнэхээр зовлон бидний амьдралд ямар сайн зүйлийг өгдөг юм бэ?

Бурханы хүүхэд болсон бид яагаад заавал зовлон бэрхшээлийг тэсвэрлэх ёстой юм бэ? Учир нь бидний итгэл найдвар бүхэлдээ Есүс Христийн амилалд түшдэг.

Өнөөдөр хүмүүсийн дотор там гэж яг юу болох тухай тодорхой ойлголт байхгүй байна. Гэхдээ ерөнхийд нь аваад үзвэл тамын тухай 4 ойлголт байна. Учир нь магадгүй та энэ тухай өмнө нь төдийлөн нухацтай бодож үзэж байгаагүй байх. Мэргэн зөвлөмж нэвтрүүлгээс тамын тухай 4 ойлголтыг сонсоорой.

Элч Петр өөрийн сүүлчийн захидал болох 2 Петр захидлынхаа төгсгөлд маш практик зөвлөгөөг бидэнд өгсөн байдаг. Петр бидэнд, “та нар үүнийг урьдаас мэдэж, өөрсдийгөө сэргийл. Эс тэгвэл та нар ёс зарчимгүйчүүдийн төөрөгдөлд автаж, тогтвортой байдлаа алдчих вий. Харин бидний Эзэн бөгөөд Аврагч Есүс Христийн нигүүлсэл болон мэдлэг дотор өсөгтүн” хэмээн сануулсан байна. Энд “сэргийл”, “өс” гэсэн хоёр үгийг Петр ашигласан байна.

Христэд итгэгч байна гэдэг нүгэл бишээ. Гэхдээ ихэнх тохиолдолд бидэнд маш таагүй байдаг гэдгийг хүлээн зөвшөөрөхөөс өөр аргагүй. Христэд итгэгч болсноор та хийж байгаа зүйлээ өөрчлөх ёстой болно. Мөс чанар чинь таныг өмнөхөөсөө илүү буруутгаж, өмнө нь дураараа хийдэг байсан зүйлсийг чинь хийлгэхээ болино. Чухамдаа ийм учраас л Эзэн Есүс бидэнд, “Хэн нэг нь Миний араас дагахыг хүсвэл тэр нь өдөр бүр өөрийгөө үгүйсгэн, загалмайгаа авч Намайг дага” хэмээн айлдсан юм (Лук 9:23).

Өнөөдөр бид хөрөнгө мөнгөний талаар маш буруу ойлголттой амьдарч байна. Зөвхөн “авахад” анхаарал хандуулснаараа бид “өгөхийн” баяр хөөрийг хэзээ ч мэдэрч чаддаггүй. Харин өгөөмөр сэтгэлээс ирэх сэтгэл ханамжийг мэдрэхгүйгээр бид хэзээ ч сэтгэл хангалуун амьдралын нууцад суралцаж чадахгүй.

Бурханыг чин сэтгэлээсээ эрэлхийлж байгаа хүний өмнө та суугаад Бурхан хэн болохыг, Бурхан ямар зан чанартай болохыг тайлбарлах ёстой болвол та юу гэж хэлэх вэ? Та Бурханыг бүхнээс хүчирхэг гэж тайлбарлах уу? Эвсэл хайр энэрлээр дүүрэн гэж тайлбарлах уу? Эсвэл өршөөл уучлалын Бурхан гэж тайлбарлах уу? Үнэн хэрэгтээ энэ бүх тодорхойлолтууд нь Бурханы мөн чанар гэхээс илүү Түүний агуу үйлстэй холбоотой юм.

Харин бидний хувьд Бурханы тухай, ойлгоход ямагт төвөгтэй байдаг нэг ойлголт бол Бурханы зөвт байдал юм. Та үүнтэй санал нийлэх үү?

Есүс Христийн цусны үнэ цэн, утга учрыг тайлбарлахаас нааш бид сайнмэдээг бүрэн дүүрэн тайлбарлан танилцуулах боломжгүй юм. Мэдээж цусны тухай ярина гэдэг таагүй зүйл. Энэ нь хүмүүст таалагдахгүй байж болно. Гэхдээ бидний гэм нүгэл үүнээс ч таагүй гэдгийг бид ойлгох ёстой. Есүс Христ үхсэн нь бид амьдрахын тулд байсан. Учир нь Тэр Өөрийн цусаараа та бидний гэм нүглийн төлөөсийг төлсөн.