Үзэгтүн, гэрэлтсэн хувцастай хоёр хүн гэнэт тэдний хажууд зогсож байлаа. Мөнөөх эмэгтэйчүүд айн сандарч нүүрээ газар хүртэл бөхийлгөсөнд тэд —Та нар юунд үхэгсдийн дунд амьд Нэгэнийг хайна вэ? Тэр энд байхгүй, Тэр амилсан. Галилд байхдаа Тэр та нарт юу айлдаж байсныг санацгаа. Хүний Хүү нүгэлт хүмүүсийн гарт тушаагдаж, цовдлогдоод гурав дахь өдөр нь амилах ёстой гэсэн шүү дээ? гэжээ. Лук 24:4-8

Есүсийн Христийн амилалт бидэнд юу өгдөг вэ?

Христийн үхлээс амилсан явдал бидний дахин төрөлтийг баталгаажуулдаг. Петр өөрийн эхний захидлынхаа 1-р бүлгийн 3-р эшлэлд хэлснийг сонсогч та өөрөө олж уншаарай. Энд элч Петр бидний дахин төрөлт буюу шинэ төрөлтийг Есүсийн үхлээс амилсантай холбон тайлбарлаж өгсөн. Тэгэхээр Есүс амилсан нь бидний энэ насны амьдрал эцсийн биш, бид үүрдийн үүрд мөнхийн Эзэнтэй хамт амьдрах амьдрал байгаа гэдгийг ингэж бидэнд гэрчилдэг.

Өнөөдөр бол САЙН БААСАН ГАРАГ.

Нар халхлагдаж, сүмийн хөшиг хоёр хэсэг болон цуурлаа. Есүс —Аав аа, Таны гарт Би сүнсээ даатгая гэж чанга дуугаар хашхирлаа. Үүнийг хэлээд Тэр амьсгал хураав. (Лук 23:46)

Өнгөрсөн зууны авралын зар тараагч Сэм Жонс загалмайг бэлэг тэмдэг, төөрсөн дэлхийн араас Бурханы сэтгэл эмтэрсний бэлэг тэмдэг гэж хэлсэн байдаг.

Үй олон хүн, эмэгтэйчүүд Түүний төлөө гашуудан уйлж, цээжээ дэлсэн хойноос нь дагаж явлаа. Харин Есүс тэдэн уруу эргэж —Иерусалимын охид оо, Миний төлөө уйлахаа боль. Харин өөрсдийнхөө төлөө,хүүхдүүдийнхээ төлөө уйл. Үзэгтүн. “Хүүсэр эмэгтэй болон хэзээ ч хүүхэд тээж байгаагүй хэвлий, мөн хэзээ ч хөхүүлж байгаагүй хөх нь ерөөлтэй еэ!” гэж хэлэгдэх өдрүүд ирж байна. Тэгээд тэд уулсад хандан “Бидэн дээр унаач”, толгодод “Биднийг нөмрөөч” гэх болно. (Лук 23:27-30)

“Есүст бидний өрөвч сэтгэл, хий хоосон өрөвдөлт хэрэггүй”. Хөөрхийлсэн сэтгэлийн ард маш гүн гүнзгий сэтгэл хөдлөл буюу эмоци л байхаас биш, зүрхний шийдвэр болон итгэл байдаггүй. Тэр таны эдлэх байсанг зовлонг үүрсэн.

“Эцэг хүн хөвгүүдээ өрөвддөгийн адил ЭЗЭН Өөрөөс нь эмээгчдийг өрөвддөг.” (Дуулал 103:13)

Дотно байдлын нэг илэрхийлэл бол яалт ч үгүй залбирал болон бусад Сүнслэг цагийг хамт гаргах явдал.

Дотно байдал нь гологдож шүүмжлүүлэхээс айхгүйгээр сэтгэл зүрхээ зоригтойгоор нээлттэй хуваалцахыг хүмүүсээс шаардаад зогсохгүй. Бас нэг нэгнээ байгаагаар нь хүлээн зөвшөөрч, нэг нэгэндээ хоёргүй сэтгэлээр зориулалт гаргахыг шаарддаг юм.

“Өө, миний хүсэл биелэгдэж, Бурхан миний тэмүүллийг өгч соёрхоосой!” Иов 6:8

Хэрвээ та Бурханд итгэвэл ямар ч найдваргүй нөхцөлөөс Тэр таныг гаргах болно.

“Та нар юу ч хийсэн, хүмүүсийн төлөө бус, Эзэний төлөө чин зүрхнээсээ хийгтүн.” Колоссай 3:23

Хүүхдүүд болон гэр бүлтэй байхын сэтгэл ханамжийг орлохоор ямар ч зүйл, үнэхээр үүнтэй дүйцэхээр өөр ямар сэтгэл ханамж бизнесийн ертөнцөд огт байхгүй шүү”.

“Би зөвхөн тэдний төлөө бус, тэдний үгээр дамжуулан Надад итгэх хүмүүсийн төлөө мөн гуйж байна. Энэ нь Эцэг Та Миний дотор, Би Таны дотор байгаатай адил, тэд бүгд нэг байхын тулд ...” Иохан 17:20-21

Нэг итгэл, нэг Бурхан, нэг баптизмтай хүмүүс шүү дээ гэдгийг сануулж өгөх шиг л боллоо. Есүсийг дагалдагчид, олон түмэнтэй байх үед нь “ээж дүү нар тань ирлээ” гэж хэлэхэд Есүсийн юу гэж хэлдэг билээ?

Хэн миний ээж, хэн миний эгч бас дүү нар гэж. Энд Бурханы хаанчлалын төлөө бүгд ээж бас дүү нар минь билээ гэж хэлдэг. Тэгэхээр хэдийгээр бид газар нутгийн хувьд хял хязгаар заагтай, үндэстэн ястны хувьд өөр өөр хэл соёлтой, бас медотист, баптист, продестант, преспотириан гээд л олон урсгал чиглэл байв ч, бид чинь яах аргагүй НЭГ БУРХАН, НЭГ ЭЗЭН, НЭГ ИТГЭЛ, НЭГ БАПТИЗМ, НЭГ ИТГЭЛИЙН ГЭР БҮЛИЙНХЭН ШҮҮ ДЭЭ.

“Тэр, үхлийг мөнхөд залгина. Эзэн БУРХАН бүх нүүрнээс нулимсыг арчин ард түмнийхээ зэмлэлийг бүх дэлхийгээс зайлуулна. Учир нь ЭЗЭН үүнийг айлдсан юм.” Исаиа 25:8

Эзэн бидний нулимсыг харж, гуйлтад маань хариулдаг шүү. Ханнагийн залбиралд хариулсан Бурхан таныг бас харж хангадаг, хамгаалдаг шүү. Тийм болохоор Эзэнийг гэрчилцгээе. Түүний алив сайн сайхныг тунхаглаж гэрчилж амьдарцгаая.

Үргэлж баяртай бай. Тасралтгүй залбир. Бүх зүйлд талархалаа өргө. Учир нь энэ бол та нарын төлөөх Христ Есүс дэх Бурханы хүсэл мөн.

1ТЕСАЛОНИК 5:16-18

Эзэмшиж байгаа, эсвэл өөртөө дутагдаж байгаа зүйлээс үл хамааран талархал болон баярласан сэтгэлээр амьдарч байгаа хүмүүсийн гол нууц нь Бурхантай харилцах харилцаагаа хэдийнээ байгуулчихсанд оршдог.

“Миний дотор та нар амар амгалан байг гэж Би та нарт энэ зүйлсийг хэллээ. Ертөнцөд та нар зовлонтой байна. Гэвч зоригтой байгтун. Би ертөнцийг ялсан гэж айлдлаа.” Иохан 16:33

Энэ бол гэмт ертөнцөд амьдрахын үр дагавар юм. Гэхдээ та Есүсийн амлалтуудаас зуурч, харанхуй дүнсгэр цаг үеийг даван туулах боломжтой юм шүү. Тэр “Би чамайг орхихгүй, чамайг хаяхгүй” гэж амласныг ямагт санаж яваарай. Есүс тэнгэр дэхь мөнхийн гэрийнхээ үүдийг хүртлээ харанхуйн хөндийгөөр Тэр тантай хамт явах болно.