Гэм нүгэлт хүн нигүүлслийн улмаас итгэлээр аврагдсан. Энэ итгэл дээр нэмэх зүйл нэг ч үгүй. Мөн нигүүлслээр аврагдсан бид нигүүлслээр амьдрах учиртай. Нигүүлсэл бол амь руу хүргэх зам. Мөн бидний амьдралын зам юм.

Та сэтгэл гутралд орсон юм биш биз? Сэтгэл гутралтай байдлаа хүлээн зөвшөөрч, ямар арга хэмжээ авах талаар өнөөдөр "Сэтгэлийн түлхүүр" нэвтрүүлгээр ярилцах болно.

Хермоны шүүдэр өглөөний хөтөлбөрийн танилцуулга by Itgelradio

“Тэрээр ертөнцөд байсан ба ертөнц нь Түүгээр буй болсон атлаа ертөнц Түүнийгээ эс танив. Тэр өөрийнхөндөө ирсэн боловч өөрийнхөн нь Түүнийг эс хүлээн авчээ.” Иохан 1:10-11

Өнөөдөр дугаараар Эзэн бидэнд христитгэлийн талаарх ойлголт төсөөлөл, явцуу мэт бодлоо ч өөрчлөөч гэж сануулж ятгах болно. Үнэндээ нэг бодлын маш аймшигтай шүү. Өөрийнхөндөө ирсэн Христийг өөрийнхөн нь болох хүмүүс бид таниагүй мэдээгүй гэж бодохоор. Тэгэхээр Эзэний бидэнд илчилдэг тэрхүү нууцуудыг бид хэрхэн олж мэдэх вэ?

“Есүс ‘Аав аа, тэднийг уучлаач. Учир нь тэд юу хийж байгаагаа мэдэхгүй байна’ гэв.” Лук 23:34

Уурлах амархан, харин уучлах хэцүү. Гэхдээ л уучлах, эс уучлах шийдвэр нь бидний биемахбодын эрүүл саруул байдалтай холбоотой. Хэн нэгнийг уучилж чадахгүй байгаагаасаа болж яагаад та өөрийгөө өвтгөх ёстой гэж! Тэгэхээр Эзэний ятгаж буй өнөөдрийн үгэнд та зүрх сэтгэлээ нээлттэй байлгаад сонсоорой.

Өглөө болгон Эзэний үгийг аяга халуун кофе шиг ууна гэдэг хачин сайхан сэргээш шүү. Та Эзэний үгийг байнга уншиж, ойр дотно байдаг бол хийх үйлдэл маань яанаа зөв болов уу, буруу болов уу гэж санаа зовж, айж эмээх шаардлагагүй. Хермоны шүүдэр өглөөний хөтөлбөртэй хамт өдөр бүр Эзэний үгээр аялцгаая.

“Тэр үед Есүс цааш нь хэлэхдээ: ‘Аав тандаа талархъя, тэнгэр газрын Эзэн минь. Цэцэд хийгээд ухаантнаас нууцалсан зүйлээ балчир хүүхдүүддээ илчлэв’... гэв.”

Матай 11:25

Исаиа 40:8

“Өвс хатдаг, цэцэг ганддаг. Харин бидний Бурханы үг мөнхөд байна.”

Сургалтын төлбөрөө олох гээд цагийн ажил хийх оюутан залуу зах дээр виамин зарж, өнөөхөө тэнхээ мэдэн чангаар магтаж сурталчилдаг. “Миний зарж байгаа энэ амин дэм таныг булчинтай болгоно, тэнхээ чадлыг минь нэмэгдүүлж, таныг хүчтэй болгоно” гээд л. Тэгтэл нэг тариачин “Хүү минь, чи өөрөө энэ витаминаа хэрэглэдэг үү?” гэж асуухад нь “Тийм ээ, би өөрөө хэрэглэдэг” гэж хариултал тариачин эр “Чи хэрэглээд, хэрэглээд ийм эцэнхий туранхай бас туниа муутай байгаа юм чинь, надад л лав огт хэрэггүй эд байна” гэж хэлээд яваад өнгөрдөг.

Эзэний үгийг бусдад заах, эсвэл гэрчилж хуваалцах нь ч гэсэн үүнтэй адилхан. Талхчинаас талх үнэртдэг шиг, Эзэний үгийг гэрчлэгчийн амь амьдралаас нь Эзэний үг ба тушаал үнэртдэг байг.

Хоёр зууны өмнөх АНУ-ын ерөнхийлөгч Бенжамин Франклин ингэж хэлсэн. “Та амьдралдаа хайртай юу? Хэрвээ тийм бол цаг хугацааг ухаалгаар ашигла. Учир нь амьдрал чинь цаг хугацаанаас бүрддэг юм” гэжээ. Нэг л өдөр дэлхий ертөнцийг шүүх Есүс Христ “За шүүх цаг боллоо!” гэсээр тэргүүн тэнгэрэлчийнхаа хамт мянга мянган тэнгэрэлчийн хамт залран ирнэ. Харин тэр цаг, тэр өдрийг Хүү ч, тэнгэрэлч ч мэдэхгүй, зөвхөн Эцэг л мэднэ гэж Есүс Өөрөө хэлсэн. Тийм болохоор Ефес ном дээр бичигдсэнчлэн “Цагийг авар”-ч амьдарцгаая. Ерөөсөө та 25-тай ч бай, 50-тай ч бай надад хэр их цаг хугацаа үлдсэн байна гэж асуух нь ухаанлаг асуулт биш гэдгийг өнөөдрийн нэвтрүүлгээр хэлж байна. Харин өөрт үлдсэн цаг хугацаанд юу хийх гэж байгаагаа шалгах хэрэгтэй юм байна.

“Бурхан, Та миний Бурхан Би Таныг эртлэн хайх болой. Усгүй, хуурай, ангамал газарт сэтгэл минь Танаар цангаж, бие махбод минь Таныг хүсэн тэмүүлж байна.” Дуулал 63:1

Бид өглөөг эхлүүлж, ажил төрөлдөө гарахаасаа ч өмнө тухайн өдрийг Эзэнд даатгаж хэвших нь итгэлийн амьдралын энгийн хэрнээ сайн дадлын нэг. Чарльз Стэнли пастор ч гэсэн Ефес номын 6-р бүлэгт өгүүлдэг “Бурханы өвч зэвсгийг агс” гэсэн тэрхүү багц эшлэлийг хэрхэн амьдралдаа хэрэгжүүлэх талаар заасан байдаг. Өнөөдөр ч гэсэн хэн нэгэнд сайнмэдээ хуваалцахад бэлэн байж, үнэн ба зөвт байдлыг эрхэмлэж энэ нь яг л бидний биеийг хувцас шиг дулаан байлгахаас гадна нүцгэн байдлыг маань халхална. Тэгэхлээр өглөө эрт Эзэн үгэнд цаг гаргаж, энэ өдрийг бүхэлд нь Бурханд өргөж тухайн өдрөө хэрхэн угтах гэж байгаагааг эргэцүүлэх нь учрах бэрхшээл сорилтыг шийдвэрлэх түлхүүр болдог.

“Үнэнээр Би та нарт хэлье. Ийм өчүүхнүүдийн нэгэнд, шавийнх нь хувьд уух аяга хүйтэн ус өгсөн хэн ч шагналаа эс алдана.” Матай 10:42

Та хүмүүст тусламжийн гараа сунгаснаар тэдний амьдралд, эргэн тойронд маш том өөрчлөлт гарна.