Тэр өдөр Дамаск орох замын хажуугийн шороон дунд хэвтэж байхдаа Саул Есүстэй уулзаж, тэр даруйдаа Түүнд итгэсэн юм. Ингээд Есүсийн эсрэг чадах бүхнээ хийн тэмцэж явсан Саул одоо Түүнийг “Эзэн” хэмээн дуудах болжээ. Ийнхүү Саул бүхлээрээ өөрчлөгдсөн юм.

Та бид Бурханы Сүнс дотор алхах үед Бурхан бидний харилцаан дунд хайр болон амар тайвныг дүүргэж өгдөг. Энэ бол бидний мэдлэг болон ойлголтоос ч давсан гайхамшигтай амар тайван юм. Энэ амар тайвныг бид зөвхөн Есүс Христэд итгэх итгэл дотроос л олох боломжтой.

Амьдрал заримдаа биднийг маш хүнд байдалд оруулдаг. Бидний мөрөөрөө ажлаа хийгээд явж байхад л гэнэт ямар нэгэн таагүй зүйл тохиолддог. Тийнхүү хүнд байдалд орох үедээ бид хэнд хандах ёстой вэ?

Өнөөдөр бидний дунд итгэлийнхээ улмаас зовлон амсаж байгаа хүн байна уу? Үнэндээ үүнтэй харьцуулахад бид Есүс Христийн төлөө зовлон огт амсахгүй амьдарч байгаа гэж хэлэхэд буруутахгүй.

Өнөөдөр өөрсдийгөө Христтэй нэгдэж энэ ертөнцөөс тусгаарлагдсан гэж хэлдэг атлаа энэ ертөнцийн арга замаар амьдарч байгаа итгэгчид маш олон байна. Бид аман дээрээ “би ийм ч зүйл хийхгүй, тийм ч зүйл хийхгүй” гэж хэлж болох ч биднийг анзаараагүй байхад нэг л мэдэхэд энэ ертөнцийн зүйлс бидний амьдралд сэмхэн шургалан орж ирсэн байдаг. Бид Есүст хайртай гэж хэлэх амархан ч Түүний төлөө ариун амьдралаар амьдрах амаргүй.

Биднийг сүүлчийн амьсгалаа хураах тэр цагт бидэнд юу тохиолдох бол? Элч Паул бичихдээ, бидний энэ дэлхий дээрх “майхан” нурах үед Бурхан бидэнд, “тэнгэрт мөнх байх, Бурханы барилгыг” (5:1) өгөх болно гэж хэлсэн байна. Бид үүнд бүрэн итгэлтэй байж болно. Учир нь Бурханы Сүнс бидэнд үүнийг бодитой болгож өгсөн юм. Тиймээс та урам зоригтой байгаарай.

Хүмүүсийн бий болгосон шашин шүтлэгүүд ямагт Бурханы шаардлагад нийцүүлэхийн тулд “юу хийх ёстой вэ?” гэдгийг заасан байдаг. “Илүү их хичээ. Илүү ихийг зориул” хэмээн тэд шаарддаг. Гэтэл Есүс Христийн сайнмэдээ болохоор бидний хийх ёстой бүхэн аль хэдийн “хийгдчихсэн” гэж тунхагладаг. Биднийг ямар нэгэн зүйл хийх ёстой гэж итгүүлэхийн оронд сайнмэдээ бидэнд “таны хийх ёстой бүхнийг Христ таны төлөө аль хэдийн хийчихсэн юм шүү” хэмээн тунхагладаг.

Энэ дэлхий дээр амьдарч буй бидний хувьд хамгийн агуу үйл хэрэг бол Бурханы үгийг дамжуулах явдал юм. Яагаад гэдгийг та мэдэх үү? Учир нь Есүс Христ ямагт ялдаг. Харин бид Түүнтэй хамт ялдаг. Тэр бол үр нөлөөтэй үйлчлэл бүрийн цаадах жинхэнэ хүч чадал юм.

Коринтын итгэгчдийг хүнд хэцүү цагт нь урамшуулан босгож, тэднийг итгэл дотор нь бэлтгэхийн тулд Паул тэдэнд Бурханы тухай заасан байна. Ингэхдээ “Бурханы уучлал өршөөлийг битгий мартаарай” хэмээн Паул тэдэнд сануулсан юм. Тиймээс ч Паул 2 Коринт захидлын эхэнд Бурханыг “Өршөөлийн Эцэг” хэмээн тодорхойлсон байна. Бурхан өршөөнгүй учраас бидэнд Аврагчийг өгсөн.

Тэдгээр өдрүүдэд Иеруслим хотод агуу гайхамшигтай үйл явдлууд ар араасаа өрнөсөөр байлаа. Есүсийн шавь нар Түүний үхлийг, Түүний амиллыг, Түүний дээш өргөдөлтийг болон Пентекостын өдөр болсон үйл явдлын тухай тунхаглаж эхэлжээ. Тухайн үед чуулган зөвхөн Еврейчүүдээс бүрддэг байсан учраас хүн болгон үүнийг Бурханы хаанчлалын эхлэл юм биш байгаа хэмээн эргэлзэж байлаа.