Есүс Христийн дагалдагчдын эхэн үеийн түүхээс сэдэвлэн бичсэн Итгэлийн амьдрал радио жүжиг

Есүс Христийн дагалдагчдын эхэн үеийн түүхээс сэдэвлэн бичсэн Итгэлийн амьдрал радио жүжиг

Есүс Христийн дагалдагчдын эхэн үеийн түүхээс сэдэвлэн бичсэн Итгэлийн амьдрал радио жүжиг

Есүс Христийн дагалдагчдын эхэн үеийн түүхээс сэдэвлэн бичсэн Итгэлийн амьдрал радио жүжиг

Есүс Христийн дагалдагчдын эхэн үеийн түүхээс сэдэвлэн бичсэн Итгэлийн амьдрал радио жүжиг

Өнөөдрийн бидний хүлээн авч сонсох “Иохан Патм арал дээр” хэмээх драмыг Библийн Илчлэл номоос сэдэвлэсэн юм. Есүсийг тэнгэр өөд одсоны дараа Түүний дагалдагч нар Есүсийг Аврагч Эзэнээ болгон хүлээн авч, Түүнд итгэсэн хүн бүр авралыг авах болно гэсэн сайнмэдээг газар бүрт тунхаглаж эхэлсэн байдаг. Гэвч Есүст итгэгчдийн эсрэг Ромын засаг захиргаа маш хүчтэй хавчлагыг өрнүүлсэн юм. Тухайн үед Ромчууд эзэн хаанаа бурханчлан шүтдэг байсан учир эзэн хаанаас өөр нэгнийг бурхан хэмээн тунхаглахыг хориглож, үүнээс нь зөрсөн бүхнийг хайр найргүйгээр нугачин дарж байсан юм. Тиймээс ч тэр үеийн Есүс Христэд итгэгчдэд гарцаагүй тулгарсан хавчлага зовлон, үхлийн өмнө итгэл найдвар юу юунаас илүү хэрэгтэй байлаа.

Тэр үед Есүсийн дотны дагалдагч нар бараг бүгд итгэлийнхээ улмаас амиа алдсан байв. Харин элч Иохан итгэлийнхээ улмаас Патм арал руу цөлөгдсөн байлаа. Харин Патм арал дээр байхдаа Иохан тэрхүү хүнд хэцүү цаг үед итгэгчдэд дамжуулах итгэл найдварын үзэгдлийг үзсэн юм. Түүний бичсэн үгс өнөөдөр ч хавчлага дарамтан дор амьдарч буй итгэгчдэд итгэл найдварыг өгсөөр байна.

Ингээд “Мөнхийн улсын найдаврын” талаар Иохан Патм арлаас юу бичсэнийг хамтдаа хүлээн авч сонсоцгооё.

Өнөөдрийн бидний хүлээн авч сонсох дармыг Библийн Марк номоос сэдэвлэсэн юм. Энэ бол Есүсийн дагалдагчид тэнгисээр аялан явахдаа аймшигт шуургатай нүүр тулсан тухай түүх юм. Бидний амьдралд бие махбодын, оюун санааны, сэтгэл хөдлөлийн болон сүнслэг гээд маш олон хямрал нүүрлэдэг. Гэвч амьдралын тэр бүх салхи шуурган дунд Есүс Христ бидэнд итгэл найдварыг өгдөг гэдгийг энэ түүх бидэнд дахин сануулах болно.

Бүтэн өдрийн туршид хүмүүст үйлчилсэн учир Есүс маш их ядарч, усан онгоцны хитэг дээр унтаж байлаа. Гэтэл яг тэр үед шуурга дэгдсэн байна. Давалгаа завийг ийш тийш нь шидэлж, дагалдагчид нь амь насаа алдах нь хэмээн айж эхэлсэн байна. Эцэст нь тэд Есүсээс тусламж хүсэн дуудсанд Есүс үгээрээ зандран салхи шуургыг намжаасан байна. Ингээд “амьдралын шуурган дунд” Есүс бидэнд хэрхэн итгэл найдварыг өгдөг талаар өгүүлэх Петрийн ярианд өөрсдийн анхаарлыг хандуулцгаая.

Өнөөдөр бид Библийн Даниел номон дахь түүхээс сэдэвлэсэн “Даниел: Арлсангийн үүрэнд” хэмээх драмыг хүлээн авч сонсох болно. Даниелын энэ түүх бидэнд хавчлага дунд ч итгэл найдвараа тээсээр байх нь чухал гэдгийг дахин сануулах болно.

Вавилоны хаан Небухаднезар Иерусалим хотыг эзлэх үедээ өөрийн ордонд үйлчлүүлэхээр хамгийн чадварлаг, эрүүл саруул, царай зүс сайтай залуусыг шилэн авч явсан байдаг. Харин тэдгээр сонгогдогсдын дунд Даниел болон түүний найзууд, Шадрах, Мешах, Абеднего нар хамт явсан юм. Тэр дөрвөн залуу дөрвүүлээ цорын ганц үнэн Бурханыг итгэмжтэйгээр дагадаг байжээ.

Небухаднезар хааны зарлиг болон хожим нь Меде-Персийн хаан Дариусын зарлиг тэдний итгэлийг сорьсон ч тэд итгэлээсээ ухраагүй юм. Тэд идээ ундаагаа сонгохоос эхлээд хиймэл шүтээнд мөргөх, залбирлаа хориулах гэх мэт олон янзын сорилтуудтай нүүүр тулж байсан юм. Гэвч тэр бүрт нь тэд итгэлдээ тууштай байж, итгэл үнэмшлээсээ ухраагүй юм. Энэ үйлдэл нь тэднийг байр суурь, албан тушаал тэр бүү хэл амь насаа алдахад хүргэж байсан ч тэд өчүүхэн төдий ч ганхаагүй юм. Тэд ямар ч нөхцөл байдалд Бурхандаа бүрэн итгэж байсан юм.

Тэр дөрөв дөрвүүлээ шаардлагатай бол итгэлийнхээ төлөө амиа өгөхөд ч бэлэн байсан. Ингээд хамтдаа “Өлсгөлөн арслангуудтай шөнийг өнгөрүүлэхэд” хүргэсэн тэр ноцтой үйл явдлынхаа талаар Даниел хэрхэн өгүүлэхийг хүлээн авч сонсоцгооё.

Өнөөдөр бид “Рахаб: Бурханд итгэсэн янхан эмэгтэй” хэмээх драмыг хүлээн авч сонсох болно. Уг драм нь Библийн Иошуа номонд гардаг нэгэн үйл явдаас сэдэвлэсэн юм. Израильчуудын удирдагч Иошуа Канаан газрыг эзлэхээр Израильчуудыг дагуулан орохдоо Иерихо хотыг тагнуулахаар хоёр залуу туршуулыг илгээсэн байдаг. Улмаар Иошуагийн илгээсэн туршуулууд Иерихо хотод нэвтэрч, янхан эмэгтэй Рахабын гэрт байрласан байна. Гэвч Иерихогийн хаан тэдний тухай олж мэдээд тэднийг баривчлуулахаар хүмүүсээ Рахабын гэр лүү илгээсэн боловч Рахаб 2 туршуулыг нууж, хааны элч нарт тэднийг аль хэдийн явсан хэмээн хэлсэн юм.

Ингээд Бурханд итгэх итгэлийнхээ улмаас хэрхэн аюулаас аврагдаж, Бурханы ард түмний нэг хэсэг болон хүлээн зөвшөөрөгдсөн тухай түүхээ Рахаб бидэнд өгүүлэх болно.

Өнөөдрийн бидний сонсох драма “Иосеф ба түүний ах нарын” тухай өгүүлэх болно. Энэ драмыг Библийн Эхлэл номоос сэдэвлэсэн юм. Иаков буюу Израиль нь арван хоёр хүүтэй байжээ. Харин тэрээр өтөл настай болсон хойно мэндэлсэн Иосеф хэмээх хэнз хүүдээ хамгийн их хайртай байжээ. Тиймээс ч Израиль хүүдээ олон өнгө алагласан гоёмсог урт дээр хийж өгсөн байна. Эцэг нь Иосефийг бусдаас илүү хайрладаг байсан учир Иосефийн ах нар түүнд ихэд атаархаж, түүнийг үзэн яддаг байв. Гэтэл дайран дээр давс гэгчээр ах нар нь өөрт нь сөгдөн мөргөж байгаа тухай зүүдэлсэн зүүдээ Иосеф ах нартаа ярисан нь ах нарынх нь үзэн ядалтыг улам бүр дэвэргэжээ.

Ингээд хамтдаа Иосефийн ах Иудагийн өгүүлэхийг сонсоцгооё. Иосефийг “үзэн ядалт дунд” хэрхэн найдвараа алдалгүй тээн амьдарсан тухай Иуда бидэнд ярьж өгөх болно.