ITGELRADIO

Библид Бурханыг Өөрийн хүүхдүүдэд санаа тавьдаг, хайр энэрлийн Бурхан Эзэн хэмээн илэрхийлсэн байдаг. Тэр бидний бүхий л хэрэгцээг мэддэг. Тиймээс Еврей 13:5-д хэлэхдээ “Байгаа юмандаа сэтгэл хангалуун байж, амьдрал чинь мөнгийг хайрлахаас чөлөөтэй байг. Учир нь Тэр Өөрөө “Би чамайг хэзээ ч орхихгүй мөн чамайг хаяхгүй” гэж айлдсан” гэсэн байдаг.

Энэ бол итгэгч бидэнд өгөгдсөн гайхамшигтай амлалт юм. Тиймээс хамтдаа энэ цагт Др.Стэнлийг угтан авцгаая. Тэрээр өнөөдөр бидэнтэй “БҮХ ТАЙВШРАЛЫН БУРХАН” гэсэн сэдвээр ярилцах болно.

1500-аад оны үед Мартин Льютер “Бидний Бурхан бол хүчит цайз” хэмээх алдартай магтуу дуугаа зохиосон байдаг. Тэрээр энэхүү дуундаа, “Эд хөрөнгө алдар нэр төрөл садан амь насаа бүгдийг алдавч үнэн амьд байж Түүний улс үүрд мөнхөд байна Амен” хэмээн тунхагласан байдаг. Энэ л үгс хавчлага дарамт дунд амьдарч байсан итгэгчдэд урам зориг өгч, тэдэнд итгэлээ бат сахих хүчийг өгч байсан юм.

Тэгвэл тэр цагаас хойш 600 жил өнгөрсөн ч итгэгч бидний амьдралд бидний итгэлийг сулруулж, бүдрүүлэх маш олон саад бартаа, зовлон бэрхшээлүүд байсаар байна. Тиймээс өнөөдрийн дугаараар Др.Стэнли бидэнд харцаа Есүс Христээс салгахгүй байхыг сануулах болно. Өнөөдөр бидний амьдралд аливаа хэрэгцээ тулгарсан үед бид хэнд хандах вэ? Бид Бурхан руу, Түүний үг рүү хандах учиртай. Ингээд хамтдаа Др.Стэнлийн ярианд анхаарлаа хандуулцгаая. Тэр өнөөдөр бидэнтэй “ХЭРЭГЦЭЭ ТУЛГАРСАН ҮЕДЭЭ ХЭНД ХАНДАХ ВЭ?” гэсэн сэдвээр ярилцах болно.

УРАМ ЗОРИГИЙН ҮГС - Муу нэгэн таны сүүлд хийсэн гэмийг сануулж байна уу? by Itgelradio

Бурхан танд ямар их хайртай болохыг та мэдэх үү? Тэр агуу хайрыг мэдрэхэд Есүс Христийг Аврагч Эзэнээ болгон хүлээн авах нь хангалтгүй юм. Учир нь Бурхан бидний хүн нэг бүртэй ойр дотно, хувьчилсан харилцаа тогтоохыг хүсдэг. Тэр л харилцаагаар дамжуулаад бид Бурханы хайрыг бүр илүү гүн гүнзгий мэдрэх боломжтой юм. Ингээд хамтдаа Др.Стэнлийг угтан авцгаая. Тэрээр өнөөдөр бидэнтэй “БУРХАНТАЙ ХУВЬЧИЛСАН ХАРИЛЦАА ТОГТООХЫН ХҮЧ ЧАДАЛ” гэсэн сэдвээр ярилцах болно.

Өнөөдөр хүн төрөлхтөнд Бурханд “ҮҮРД ХАЯГДАХ”-аас зайлсхийж, мөнхийн амийг хүлээж авах цорын ганц зам бий гэдгийг Др.Стэнли бидэнд сануулж байна. Харин тэрхүү цорын ганц Зам бол Есүс Христ юм. Тэгвэл өнөөдөр Др.Стэнли бидэнд Есүс Христ яагаад цор ганц Зам юм бэ? гэдгийг тайлбарлаж өгөх болно. Өөрөөр хэлбэл Есүс Христээс өөр авралын зам гэж үгүй болохыг Др.Стэнли бидэнд тайлбарлаж өгөх болно. Ингэхдээ Др.Стэнли бидэнд Матай номын 7-р бүлгийн 21-р эшлэлд тулгуурлан хэрхэн Бурханд “ҮҮРД ХАЯГДАХ”-аас зайлсхийж болохыг тайлбарлан ойлгуулах болно.

Библид, 1 Петр 5:7 (АБ 2013), “Бурхан та нарт санаа тавьдаг учраас бүх зовнилоо Түүнд хая” хэмээсэн байдаг. Энэ эшлэл бидэнд “Тэр таны төлөө санаа тавьдаг” гэж хэлсэн. Түүний гарт асуудлаа өгөх үед Тэр таныг асуудлаа шийдэхэд тань туслах болно. Өнөө орой гэр бүлдээ асуудлаа авч бүү ороорой. Таны төлөө санаа тавьдаг Нэгэнд тэр бүхнээ өг.

Бид бүгдийн эргэн тойронд сүнслэг түнэр харанхуйд алхаж яваа хүмүүс олон бий. Тэр бүү хэл гэр бүлийн гишүүд, найз нөхөд, хамтран ажиллагсад дунд ч олон бий. Бид тэдэнд Бурханы гэрлийг хуваалцах гэж оролдох үед зарим нь бидний өмнөөс эсэргүүцэн дургүйцдэг бол зарим нь зүгээр л үл тоодог.

Аль нь ч байлаа гэсэн Бурханыг үл тоож, Бурхан руу ойртохоос татгалзаж байгаа хэн бүхэн “СҮНСЛЭГ СОХОР БАЙДАЛ” дунд амьдарч байна гэсэн үг юм. Учир нь тэд үнэнийг таньж, үнэнийг ухаарах чадваргүй болсон байдаг.

Тэгвэл таны эргэн тойронд байгаа тэдгээр сүйрэл рүүгээ алхаж яваа хүмүүсийг та эргэн санаарай. Др.Стэнли өнөөдөр бидэнд тэдгээр сүнслэг сохор байдалтай байгаа хүмүүст хэрхэн тусалж болох талаар Библийн дагуух зөвлөгөөг өгөх болно.

УРАМ ЗОРИГИЙН ҮГС - Бурхан хэр том бэ? by Itgelradio

Бурхан хүн бүрд тохирох бэлгийг өгсөн гэдэгт би итгэдэг — энэ нь хөгжмийн талбарт, тогооч, багш, удирдах албанд, эсвэл борлуулагч гээд юу ч байсан энэ нь Бурханы бидэнд хариуцуулж өгсөн “ажил” юм. Түүний онцгой бэлгээр дамжуулан бид бусдыг ерөөх боломжтой болдог. Түүний үүрэг даалгаврыг биелүүлэхээр бид илгээгдсэн.

Сүнслэг сохор байдал бол маш аюултай нөхцөл байдал юм. Учир нь сүнслэг байдлын хувьд сохор хүн өөрийгөө мөхөл сүйрэл руу явж байгааг огт мэддэггүй. Илэрхий шинж тэмдгүүдийг ч анзаардаггүй.

Диаволын заль мэх хүмүүсийг ийнхүү сохор болгодог. Харин Бурхан биднийг ийм байдалтайгаар хаашаа яваагаа мэдэхгүй тэнүүчилсээр амьдралыг бараасай гэж хүсдэггүй. Харин ч Бурхан Христэд итгэгч хүн нэг бүрд сүнсний хувьд сохор хүмүүст Есүс Христийн гэрлийг түгээх үүрэг хариуцлагыг өгсөн юм.

Тэгвэл Др.Чарльз Стэнли өнөөдөр бидэнд “СҮНСЛЭГ СОХОР БАЙДАЛ” дотор алхаж буй хүмүүсийг ямар аюул хүлээж байгааг тайлбарлаж, энэ түнэр харанхуй дэлхийд Христийн гэрлийг гэрэлтүүлэн амьдрахад Христэд итгэгчдийг уриалах болно.