ITGELRADIO

ГЭРЭЛ

Үг, ая: Э.Мөнхтогтох, Л.Баттүвшин /Дуучин Л.Баттүвшин/

Бадаг:

Зүрхэнд мандсан амьдрал нар минь Та болохоор

Зүүд шиг л өнгөрч итгэл минь хувирах гэж үү

Сэтгэлд гийсэн амьдрал нар минь Та болохоор

Салхи шиг л өнгөрч итгэл минь одох гэж үү

Угтвар:

Нигүүлсэл хайраа бялхам дүүргэхээр

Нартай хур мэт асгараач

Бүх л сэтгэл энэрэл хайраар

Бүрэн хучих оршихуйгаа буулгаач

Дахилт 1:

Халуун зүрхнийхээ гүнд Тантай амьдарна

Хэмжээлшгүй нигүүлсэл намайг нөмөрсөн болохоор

Өр зүрхнийхээ гүнд Таныг хайрлана

Өөрийн Хүүгээ зольж намайг аварсан болохоор

Дахилт 2:

Амьдралд мандсан нар минь Та болохоор

Зүрх сэтгэл минь үүрд даарахгүй

Та бол гэрэл мөнхөд гэрэлтэнэ

Бүх зүрхээрээ Таныг магтъя

Сэтгэлд гийсэн нар минь Та болохоор

Харгуй зам дунд би төөрөхгүй

Та бол үнэн, зам, мөнхийн амь

Бүх зүрхээрээ Таныг магтъя

Ариун ба зөвт Нэгэн

Гүүр:

Халуун зүрхнийхээ гүнд Таныг хайрлана

Хэмжээлшгүй нигүүлсэл намайг нөмөрсөн болохоор

Өр зүрхнийхээ гүнд Тантай амьдарна

МАНДТУГАЙ

Үг, ая: Л.Сүхбаатар /Дуучин Д.Отгонхүү/

Бадаг:

Дорой ядуу хүчгүй намайг

Тосож тэвэрч тэнхрүүлж босгосон

Тэнгэр газрын Хаан эрхэм дээд

Түүний нэр бол Христ Есүс

Дахилт:

Магтаал магтаал Танд байг

Мартаж чадахгүй Таныг

Мандах мандах болтугай

Мөнхөд нэр тань мандаг

ТАНЬГҮЙГЭЭР БИ ХААЧИХ ВЭ?

Үг, ая: Д.Маргад-Эрдэнэ /Дуучин Д.Маргад-Эрдэнэ/

Бадаг:

Урсгал ус урсан ундрах мэт

Таны оршихуйд Таныг хүлээн байна

Ариун ариун Ариунаас ариун ариун ариун

Хэмжээлшгүй их цог жавхлантай Та

Угтвар:

Зүрх сэтгэлдээ би Таныг нандигнана

Зөвхөн Таныг үгүйлж Таныг хайрлах юм

Дахилт:

Таньгүйгээр би хаачих вэ

Амьсгалах агаарыг, амь амьдралыг минь

Та надад өгсөн

Таньгүйгээр би хаачих вэ

Явах зам надад үгүй

Амьд явах өдрүүдийг минь Та тогтоосон

Гүүр:

Төрхөө олж амжаагүй миний бие

Таны нүдэнд ил байсан

Нэг нь ч болоогүй өдрүүд минь

Таны номонд бичигдсэн байжээ

ҮРГЭЛЖ НАМАЙГ ХАЙРЛАДАГ

Үг, ая: Г.Одбаяр /М.Баясгалан/

Бадаг:

Би Танд хайртай чин сэтгэлээсээ

Зүрх сэтгэлээс минь Тан руу оргилох тэр хайр

Миний амнаас магтаал болон гарч

Зүрх сэтгэл минь энэ хайраар дүүрнэ

Намайг буруу замаар явж байхад ч

Тэр хайр тань намайг үргэлж дагасан

Таны агуу хайрын тэр их хүч

Намайг Тан руу удирдан чиглүүлнэ

Дахилт:

Одоо ч намайг хайрлаж

Хэнээс ч илүү намайг хүлээж

Үргэлж намайг хайрладаг Танд талархая

Одоо ч намайг хайрлаж

Хэнээс ч илүү намайг хүлээж

Үргэлж намайг хайрладаг Та бол гал халуун хайр

Гүүр:

Таны хайр агуу

Таны хайр ариун

Таны хайр уудам

Хувирашгүй хайр

ЭЗЭН БОЛ МИНИЙ ХОНЬЧИН

Үг, ая: Г.Одбаяр /Дуучин Г.Тэмүүлэн/

Бадаг:

Эзэн бол миний Хоньчин

Дутах зүйл надад нэгээхэн ч үгүй

Сэтгэлийг минь Та сэргээж

Зөвийн замаар намайг хөтөлдөг

Угтвар:

Түнэр харанхуй хөндийгөөр туулсан ч би

Үхлийн харанхуй хөндийгөөр туулсан ч би айхгүй

Дахилт :

Таны хайр энэрэл насан туршид минь намайг дагана

Таны өргөөнд би мөнх амьдарна

АМЬ АМЬДРАЛ

Үг, ая: Б.Агиймаа /Дуучин Отгонцэнгэл/

Бадаг:

Амийг минь надад өгсөн

Амьдралыг минь Та төлөвлөсөн

Агуу сүр жавхлантай Есүс

Алдрыг тань би биширнэ

Эргэлзээ айдсаа Тандаа өргөөд

Энгүй хайрыг тань дуулъя

Эргээд уулзах мөчөө хүлээн

Энгүй хайранд тань амьдаръя

Дахилт:

Зөвхөн Таныгаа магтан дуулъя

Зүрх сэтгэлээ Тандаа өргөе

Дуулах дуу минь зөвхөн Танд хүрээд

Дуусашгүй миний магтаал

ЗҮРХ МИНЬ БАТ БАЙГ

Үг, ая: Г.Одбаяр /Дуучин Г.Тэмүүлэн/

Бадаг:

Зүрх минь бат байг өө Бурхан

Зүрх минь бат байг

Би дуулъя мөнхийн мөнхөд

Би магтан дуулъя

Угтвар:

Таны хайр энэрэл тэнгэрт тулам агуу

Таны үнэн үүлсэд хүрнэ /2

Дахилт:

Өө Эзэн би хүмүүсийн дунд

Танд талархал өргөе

Өө Эзэн би үндэстнүүдийн дунд

Танд магтаалыг өргөе

ЕСҮС ИРЛЭЭ

Үг, ая: Д.Отгонхүү /Дуучин Л.Баттүвшин/

Бадаг:

Тэнгэрийн улсын хаалга нээгдэн

Сахиусан тэнгэрүүд дуугаа дуулан

Баяр хөөр, амар тайван Миссаяа ирлээ

Гэрэлт тэр од тэнгэрт анивчин

Түүнийг бишрэн бүгд дуугаа өргөн

Эгэл даруу, энэрэнгүй Хаанчлагч Ёхова ирлээ

Уулсын оргилоос уудам талаас

Нэрээр нь дуудсан бүгд энд дуулна

Зам Үнэн Амь Зүйрлэшгүй хайр Миссаяа ирлээ

Гараа сунган Зүрх сэтгэлээ нээн

Аврал хайж ирсэн хүмүүс бүхэнд

Итгэл найдвар, Мөнх амь бэлэглэхээр Ёхова ирлээ

Дахилт:

Энэ дэлхийн хаанчлал бүр мэхийн хүндлэн

Энэ дэлхийн хүүхдүүд бүгд дуугаа дуулан

Таныг магтъя нэрийг тань дуулъя

Энэ дэлхийд унтрашгүй гэрэл аслаа

Энэ дэлхийд дуусашгүй баяр хөөр ирлээ

Таныг хүндэлье

Нэрэнд тань мэхийе Есүс Ирлээ

Гүүр:

Гийгүүлээч, гийгүүлээч энэ амьдралыг

Он жилүүд өнгөрсөн ч хайр тань орхихгүй

Цаг хугацаа урсах ч үг тань холдохгүй

Миний гэрэл Миний аврал Есүс ирлээ

ИММАНУЭЛ

Үг, ая: Д.Отгонхүү /Дуучин Д.Отгонхүү/

Бадаг:

Таны хайр яг л гэрэл шиг

Миний харанхуйг гэрэлтүүлсэн

Таны үг амь амьсгал шиг

Хаана ч явсан надтай хамт

Үргэлж дотно

Миний амьдралд

Миний дотор

Таны аялгуу эрх чөлөө мэт

Намайг хөглөнө намайг хөтлөнө

Нэрийг тань дуулахаа зогсохгүй ээ

Өө Есүс

Өглөө бүр хүндэлнэ

Өдөр бүр магтана

Үдэш бүр талархана

Дахилт:

Иммануэл

Иммануэл

Та надтай хамт

Би Таных

Та минийх

Гүүр:

Иммануэл Иммануэл

Харанхуйн дунд Та

Надтай хамт үргэлж хамт

Мартахгүй ээ

Харанхуйн дунд Та

Надтай хамт үргэлж хамт

Орхихгүй ээ

ХҮСЭЛ МӨРӨӨДӨЛ

Үг, ая: Б.Ашид /Дуучин Б.Ашид/

Бадаг:

Хөлгүй их далайд хөл алдах мэт

Хүсэл мөрөөдөл замхрах тэр үед

Хүчээр Эзэн Та амьдралд минь

Хаалгыг минь тогшин орж ирсэн

Зөвхөн Танд үйлчлэх хүслийг Та өгч

Зүрх сэтгэлийг минь баяраар дүүргэсэн

Таны нэрийг өндөрт өргөн

Өөрийн тань хүслээр би амьдаръя

Элсэн цөлд ганцаар тэнүүчлэх мэт

Энгүй уудамд

Хүчээр Эзэн Та амьдралд минь

Хаалгыг минь тогшин орж ирсэн

Мөнхөд Тантай амьдрах амийг өгч

Мөнхийн амар амгаланг өгсөн

Таны нэрийг өндөрт өргөн

Өөрийн тань хүслээр би амьдаръя

Дахилт:

Таныг магтъя

Хаалгыг минь тогшсонд

Таныг магтъя

Амьдралд минь орж ирсэнд

Гүүр:

Та аварсан

Та уучилсан

Өчүүхэн биеийг минь хайрлаж

Мөнхийн амийг өгсөн

Мөнхийн амийг өгсөн